Петров Афанасий Прокопьевич

Петров Афанасий Прокопьевич (31.01.1915—1998) — саха биллиилээх артыыһа, РСФСР уонна Саха АССР норуодунай артыыстара.

Олоҕун олуктара

1915 сыл тохсунньу 31 күнүгэр Уус-Алдан улууһун II Өлтөх нэһилиэгэр төрөөбүтэ.
Үс кылааһы Дойду алын оскуолатыгар, онтон төрдүһү Дьокуускай куорат 3 №-дээх оскуолатыгар бүтэрбитэ.
1932—1936 сылларга Москва куоракка А. В. Луначарскай аатынан Ил театр искусствотын институтун (билигин ГИТИс) иһинээҕи саха студиятыгар үөрэммитэ.
1936 сылтан Дьокуускайдааҕы Ил драма театрын артыыһа.
1940—1941 сылларга Ньурба иккис колхуос театрын салайааччыта.
1950 сыл — Саха АССР үтүөлээх артыыһа.
1953—1955 сылларга Москваҕа М. С. Щепкин аатынан театр училищетын саха студиятын ассистена уонна режиссера.
1998 сыллаахха өлбүтэ.

Айар үлэтэ

Сүүстэн тахса оруолу оонньообута, олор истэригэр:

Кудряш («Гроза», А. Островскай)
Жухрай («Как закалялась сталь», Н. Островскай)
Бывший («Дьадаҥы Дьаакып», А. Софронов)
Най («Күкүр уус» С. Омоллоон)
Оруос баай («Кыһыл ойуун» П. Ойунскай)
Ыналба («Оҕону баҕарбыт» П. Ойунскай)
Павел Долгунов («Колонияттан коммуннаҕа» А. Аччыгыйа)
Егор Егорович («Бырааттыылар» С. Ефремов)
Нүөһэр Дархан («Өлүөнэ сарсыардата» И. Гоголев)
Кубаров («Сүрэх тэбэрин тухары» Софрон Данилов)
Боһукка («Туйаара» В. Протодьяконов)
Мэппэллэ Мэхээлэ («Гавриил Егоров» И. Находкин)
Чибисов («Человек с ружьем» Н. Погодин)
Анучин («Первые искры» А. Малькова-Клиорина)
Деникин («Чуумпу Дон» М. Шолохов)
Дункан ыраахтааҕы («Макбет» В. Шекспир)
Кутейкин («Недоросль» Д. Фонвизин)
Яичница («Кэргэн кэпсэтии» Н. Гоголь)
Мультик («Вечер» А. Дударов)

Наҕараадалара уонна ытык ааттара

Саха АССР үтүөлээх артыыһа (1950)
Саха АССР норуодунай артыыһа (1957)
РСФСР үтүөлээх артыыһа (1962)
Ленин уордьана (1971)
РСФСР норуодунай артыыһа^[1] (1975)
«За доблестный труд в Великой Отечественной войне 1941—1945 гг.» мэтээл
«За доблестный труд в ознаменование 100-летия со дня рождения В. И. Ленина» мэтээл
«За трудовое отличие» мэтээл (1958)
«Үлэ бэтэрээнэ» мэтээл
30 лет Победы в Великой Отечественной войне 1941—1945 гг. мэтээл

Өссө маны көр

Саха норуодунай артыыстарын тиһигэ

Быһаарыылар

↑ О присвоении почетного звания народного артиста РСФСР Петрову А. П. — артисту Якутского драматического театра им. П. А. Ойунского: Указ Президента Верх. Совета РСФСР от 13 янв. 1976 г. // Ведомости Верх. Совета РСФСР. — 1976. — № 3. — С. 32

Сигэлэр

Кырдьаҕас артыыс санаата : РФ уонна СР нар. артыыhа А. П. Петровы кытта кэпсэтии / кэпсэттэ И. Антипина // «Саха Сирэ». — 1996. — Ыам ыйын 23 к.
Апросимов В. В. Тускун. Петров Афанасий Прокопьевич уонна да атыттар тустарынан көрдөөх түгэннэр // Апросимов, В. В. Тускун. Дьаакып Кыычыкынтан саҕалаан…: (Саха театрдарыттан көрдөөх түгэн). — Дьокуускай, 2000. — С. 32—35.
Емельянов С. Последний из могикан: [о нар. артисте России и Якутии А. П. Петрове] // «Полярная звезда». — 2001. — № 3. — С. 55.
Сивцев С. Н. — Доллу. Улахан олох кылгас түгэннэриттэн // Сивцев С. Н. — Доллу. Хатыламмат түгэннэр, умнуллубат айаннар : П. А. Ойуунускай аатынан Саха гос. драм. театрын 70 сылыгар ананар. — Дьокуускай, 2000. — С. 9—15.
Сиэн Чолбодук. "Мин мэлдьи баай этим…" // Сиэн Чолбодук. Быыс аhыллар… — М., 2000. — С. 61—67.
Афанасий Прокопьевич Петров // Саха саарыннара: [биогр. ыйынньык]. — Дьокуускай, 1998. — С. 231—232.
Никитин П. А. П. Петров // Никитин, П. Мастера якутской сцены. — Якутск, 1985. — С. 22—23.