அக்டோபர் 2010 சுமாத்திரா நிலநடுக்கம்

அக்டோபர் 2010 சுமாத்திரா நிலநடுக்கம்

நாள்	14:42:22, அக்டோபர் 25, 2010 (UTC) (2010-10-25T14:42:22Z)
நிலநடுக்க அளவு	7.7 Mw
ஆழம்	12.8 மைல் (20.6 கி.மீ.)
நிலநடுக்க மையம்	3°27′50″S 100°05′02″E / 3.464°S 100.084°E / -3.464; 100.084[1][2]
பாதிக்கப்பட்ட பகுதிகள்	இந்தோனேசியா
உயிரிழப்புகள்	குறைந்தது 113 இறப்புகள், நூற்றுக்கணக்கானோர் காணாமல் போயினர்[3][4][5]

அக்டோபர் 2010 சுமாத்திரா நிலநடுக்கம் என்பது இந்தோனேசியாவின் சுமாத்திராக் கரையில் 2010 அக்டோபர் 25 இல் இடம்பெற்ற 7.7 அளவு^[1] நிலநடுக்க நிகழ்வைக் குறிக்கும். இது உள்ளூர் நேரப்படி இரவு 09:42 மணிக்கு (14:42 UTC) இடம்பெற்றதாக ஐக்கிய அமெரிக்க நிலவியல் கணிப்பு தெரிவிக்கிறது. சுமாத்திராவில் மென்டவாய் தீவுகளுக்கு அருகே பெங்கூலுவுக்கு மேற்கே 240 கி.மீ. தூரத்தில் இந்நிலநடுக்கம் பதிவாகியது. இதன் ஆழம் 20.6 கி.மீ. ஆகும்^[6][7].

சுனாமி எச்சரிக்கையை இந்தோனேசிய காலநிலை அவதானிப்பு நிலையம் விடுத்தது^[8]. பசிபிக் சுனாமி எச்சரிக்கை மையத்தின் அறிக்கையின்படி இந்நிலநடுக்கம் "குறிப்பிடத்தக்களவு" ஆழிப்பேரலையைத் தோற்றுவித்துள்ளது^[9]. மென்டவாய் தீவுகளில் உள்ள சுற்றுலா மையத்தில் இரண்டு படகுகள் மோதி விபத்துக்குள்ளானது^[10].^[11]. குறைந்தது 113 பேர் இறந்துள்ளதாக அதிகாரபூர்வமாக அறிவிக்கப்பட்டது^[12], மேலும் 500 இற்கும் அதிகமானோரைக் காணவில்லை^[13]. முண்டெய் என்ற கிராமத்தில் 80 விழுக்காடு கட்டடங்கள் சேதமடைந்தன.