அபிராமி ராமநாதன்

அபிராமி ராமநாதன் (ஆங்கிலம்: Abirami Ramanathan) (பிறப்பு:1947) என்பவர் தமிழ்நாட்டைச் சேர்ந்த தமிழ்த் திரைப்படத் தயாரிப்பாளர் மற்றும் தொழிலதிபராவார். சென்னையில் உள்ள பிரபலமான அபிராமி மெகா மால் மற்றும் அபிராமி திரையரங்குகளின் உரிமையாளராக உள்ளார்.^[1] திரைப்படத் தயாரிப்பாளர் சங்கத்தின் தலைவராகவும் தென்னிந்திய திரைப்பட வர்த்தக சபையின் தலைவராகவும், இந்திய திரைப்பட கூட்டமைப்பின் பொதுச் செயலாளராகவும் இருந்துள்ளார்.^[2] இவர் பல்வேறு நிகழ்வுகளுக்கு நன்கொடையாளராகவும் தமிழ்நாடு திரையரங்கு மற்றும் மல்டிபிளக்ஸ் உரிமையாளர் சங்கத்தின் புரவலராகவும் உள்ளார்.^[3]

அபிராமி மால் இடித்துக்கட்ட அப்பாசாமி ரியல் எஸ்டேட் நிறுவனத்திற்கு ஏலம் அளிக்கப்பட்டதில் வரி ஏய்ப்பு நடந்தாகக் கூறி இவரிடம் வருமானவரிச் சோதனை 2023 நவம்பரில் நடைபெற்றது^[4]. இவரது அலுவலகத்திலும் வீட்டிலும் நடைபெற்ற சோதனையில் கணக்கில் காட்டப்படாத நகைகள் கண்டெடுக்கப்பட்டதாக செய்திகள் வந்தன.^[5]

சிவகங்கை மாவட்ட பூலாங்குறிச்சியில் 1947 ஆம் ஆண்டு ஆகஸ்ட் 26 ஆம் நாள் சிவலிங்கம் செட்டியார், மீனாட்சி ஆச்சி தம்பதியினருக்கு மகனாகப் பிறந்தார்.^[6] இவர் பொறியியலிலும் ஹோமியோபதி மருத்துவத்திலும் முதுநிலைப் பட்டம் பெற்றவர். இவரது மனைவி நல்லம்மை ராமநாதனாவார்.^[7]

இவரது தந்தையைப் போலப் பல பல திரைப்படங்களுக்கு நிதி விநியோகம் செய்து வந்தார். சென்னை புரசைவாக்கத்தில் அபிராமி மற்றும் பால அபிராமி என்ற திரையரங்குகளை 1976 இல் கட்டினார். திரைத்துறையில் விநியோகஸ்தராகவும் தயாரிப்பாளராகவும் எழுத்தாளராகவும் இருந்துவருகிறார். உன்னோடு கா என்ற திரைப்படத்திற்கு கதை எழுதினார்.^[8]

• பஞ்சாமிர்தம்
• வினோதய சித்தம்

இவர் பெற்றுள்ள விருதுகளின் பட்டியல்.

• கலைமாமணி
• ராஜ சண்டோ விருது
• ஸ்டார் சினிமா விருது
• சேவா ரத்னா விருது
• ஆன்மீகச் செம்மல்
• பிரதமர் ராஜிவ் கந்தி விருது