அலெக்சாண்டர் சவீனொவ்

அலெக்சாண்டர் இவானொவிச் சவீனொவ் (Alexander Ivanovich Savinov, உருசியம்: Алекса́ндр Ива́нович Сави́нов, சூலை 17, 1881 - பெப்ரவரி 25, 1942) உருசிய சோவியத் ஓவியர். இவர் வரலாற்று சிறப்புமிக்க ஓவியங்களை வரைந்துள்ளார். லெனின்கிராட் நகரைச் சேர்ந்த இவர் “லெனின்கிராட் பள்ளி” ஓவியப் பாணியின் முக்கிய ஓவியர்களுள் ஒருவராகக் கணிக்கப்படுகிறார்.

சவீனொவ் சரத்தோவ் என்னும் ஊரில் மர வணிகர் குடும்பத்தில் பிறந்தவர். 1902-1908 இல் சென் பீட்டர்ஸ்பேர்க் இம்பீரியல் கலைக் கல்லூரியில் கல்வி பயின்று பட்டம் பெற்ற பின்னர் இத்தாலி சென்று ஓவியக் கலையில் மேலும் பயிற்சி பெற்றார். இத்தாலியில் இருந்து திரும்பியவர் லெனின்கிராட் ஓவியப் பள்ளியில் கற்பித்தல் பணியில் ஈடுபட்டார்.^[1].

இவரது புகழ் பெற்ற ஓவியங்கள் சென் பீட்டர்ஸ்பேர்க் நகரில் உள்ள உருசிய அரசு அருங்காட்சியகம், மற்றும் பிரித்தானியா, பிரான்ஸ் உட்படப் பல நாடுகளில் உள்ள அருங்காட்சியகங்களில் பார்வைக்காக வைக்கப்பட்டுள்ளன.

• Sergei V. Ivanov. The Leningrad School of painting. Historical outline.
• Chronology of the Leningrad School of painting.
• Unknown Socialist Realism. Quests and Discoveries.