அவளும் நானும் (தொலைக்காட்சித் தொடர்)

அவளும் நானும்
வகை	குடும்பம் நாடகத் தொடர்
எழுத்து	குமரன்
இயக்கம்	தனுஷ்
நடிப்பு	மௌனிகா தேவி அம்ருத் தரிஷ் ஸ்ரீ மஹாதேவ்
நாடு	இந்தியா
மொழி	தமிழ்மொழி
அத்தியாயங்கள்	380
தயாரிப்பு
படப்பிடிப்பு தளங்கள்	தமிழ் நாடு
ஓட்டம்	தோராயமாக அங்கம் ஒன்று 22–24 நிமிடங்கள்
ஒளிபரப்பு
அலைவரிசை	விஜய் தொலைக்காட்சி
ஒளிபரப்பான காலம்	26 பெப்பிரவரி 2018 (2018-02-26) – 22 சூன் 2019 (2019-06-22)

அவளும் நானும் என்பது விஜய் தொலைக்காட்சியில் 26 பெப்ரவரி 2018 முதல் 22 ஜூன் 2019 ஆம் ஆண்டு வரை திங்கள் முதல் சனிக்கிழமை மதியம் 1:30 மணிக்கு ஒளிபரப்பான தொலைக்காட்சி நாடகத் தொடர் ஆகும். இந்தத் தொடர் அசாமிய மொழி தொடரான 'அர்தங்கினி' என்ற தொடரின் மறு ஆக்கம் ஆகும்.

இந்தத் தொடரை இயக்குநர் தனுஷ் இயக்க, நடிகை மௌனிகா இந்தத் தொடரில் இரட்டைச் சகோதரிகளாக நிலா மற்றும் தியாவாக நடித்துள்ளார்,^[1] இதுவே இவரின் முதல் தொலைக்காட்சித் தொடரும் ஆகும். இந்த தொடரில் நாயகனாக அம்ருத் மற்றும் ஸ்ரீ மஹாதேவ் நடித்துள்ளார்கள், இவர்களுடன் தரிஷ், கண்ணன், ஸ்ரீ லதா, ஷியாம் கோபால் ஆகியோரும் நடித்து உள்ளார்கள்.^{[2][3][4][5][6]} இந்தத் தொடர் 22 சூன் 2019 அன்று 280 அத்தியாயங்களுடன் நிறைவு பெற்றது.

இரட்டைச் சகோதரிகளான நிலா மற்றும் தியா பணக்கார வீட்டுப் பையனான பிரவீனுடன் நிலாவுக்கு திருமணம் நிச்சயிக்கப்படுகிறது. ஆனால், நிலாவோ விஜய் என்ற பையனைக் காதலிக்கிறார். ஆனால், பெற்றோரிடம் சம்மதம் கிடைக்கவில்லை.

எனவே, திருமணத்துக்கு முன்பு கடிதம் எழுதி வைத்துவிட்டு காணாமல் போகிறார் நிலா. குடும்பப் பெயரைக் காப்பாற்றுவதற்காக, தியாவை நிலா என்று சொல்லி பிரவீனுக்குத் திருமணம் செய்து வைக்கின்றனர். பெற்றோரை விட்டுப் பிரிந்து காதலனுடன் சென்ற நிலாவின் கணவன் ஒரு விபத்தில் இறக்கின்றான். இதன் பிறகு நிலா பெயரில் செல்லும் தியாவின் வாழ்க்கை என்னவாகப் போகிறது? என்பதுதான் கதை.

• மௌனிகா தேவி - தியா பிரவீன் / நிலா விஜய்
• அம்ருத் - பிரவீன்
• ஸ்ரீ மஹாதேவ் - விஜய் (பகுதி: 1-34)
• தரிஷ் - அரவிந்த்
• தினேஷ் சிவா - ஷாம்

• கண்ணன் - சத்யமூர்த்தி
• ஸ்ரீ லதா - காயத்ரி சத்யமூர்த்தி

• ஷியாம் கோபால் - ராஜேந்திரன்
• கிரு பாஜி - பார்வதி ராஜேந்திரன்
• ரேஷ்மா ரெசு - சுவேதா (பிரவினின் அக்கா)
• தர்ஷ குப்தா - மானசா
• சந்தோஷ் - தினேஷ்

• கவிதா சோலைராஜன் -கவிதா பிரபாகர்
• நீலகண்டன் - பிரபாகர்
• சத்யப்ரியா - பானுமதி
• சஞ்சய் சரவணன் - வசந்த்
• குரு ஹாவ்க்மன் - ரவி சங்கர்
• பானு பாரதிவாஜ் - மாதவி ரவி சங்கர்
• பாலசுப்பிரமணி

இந்தத் தொடர் முதல் முதலில் விஜய் மேட்னி தொடர்கள் என்ற பெயரின் கீழ் 26 பெப்ரவரி 2018 முதல் திங்கள் முதல் சனிக்கிழமை வரை பகல் 1:30 மணிக்கு ஒளிபரப்பானது. புதிய இதிகாசத் தொடரான ராதா கிருஷ்ணா என்ற தொடருக்காக, டிசம்பர் 3 ஆம் திகதி முதல் மதியம் 12:30 மணிக்கு நேரம் மாற்றப்பட்டது. பின்னர் ஜனவரி 7, 2019 முதல் பழைய நேரமான 1:30 மணிக்கு ஒளிபரப்பானது.

• இந்தத் தொடர் விஜய் தொலைக்காட்சி மற்றும் விஜய் தொலைக்காட்சி எச்டி (உயர் வரையறு தொலைக்காட்சி) மூலம் உலகம் முழுதுவதும் (ஆசியா: இலங்கை, தென்கிழக்காசியா), ஐரோப்பா, அமெரிக்காக்கள், மத்திய கிழக்கு நாடுகள்) போன்ற நாடுகளில் பார்க்க முடியும்.
• இந்தத் தொடரின் பகுதிகள் ஹாட் ஸ்டார் என்ற இணைய மூலமாகவும் பார்க்க முடியும்.

• இணையதள திரைப்பட தரவுத்தளத்தில் அவளும் நானும்