ஆண்டிமடம்

ஆண்டிமடம் Andimadam
பஞ்சாயத்து ஒன்றியம்
ஆண்டிமடம் Andimadam இந்தியா, தமிழ்நாட்டில் அமைவிடம் Show map of தமிழ்நாடு ஆண்டிமடம் Andimadam ஆண்டிமடம் Andimadam (இந்தியா) Show map of இந்தியா
ஆள்கூறுகள்: 11°20′7″N 79°22′33″E / 11.33528°N 79.37583°E / 11.33528; 79.37583
நாடு	இந்தியா
மாநிலம்	தமிழ்நாடு
மாவட்டம்	அரியலூர் மாவட்டம்
மக்கள்தொகை  (2001)
• மொத்தம்	6,633
மொழிகள்
• ஆட்சி	தமிழ்
நேர வலயம்	ஒசநே+5:30 (இ.சீ.நே.)
பின்கோடு	621 801
தொலைபேசிக் குறியீடு	04331
வாகனப் பதிவு	TN-61
அருகிலுள்ள நகரம்	செயங்கொண்ட சோழபுரம்
பாலின விகிதம்	1001 ♂/♀
கல்வியறிவு	73.35%
லோக் சபா தொகுதி	சிதம்பரம்

ஆண்டிமடம் (Andimadam) என்பது இந்தியாவின், தமிழ்நாடு மாநிலத்தில் அரியலூர் மாவட்டத்தில் அமைந்துள்ள ஒரு பஞ்சாயத்து கிராமமாகும். இது 16.09.2016-இலிருந்து ஒரு வட்டமாக அறிவிக்கப்பட்டுள்ளது. அரியலூர் மாவட்டத்தில் சுண்ணாம்புக்கல் அதிகமாக காணப்படுவதால் சிமெண்ட் நகரம் என அழைக்கப்படுகிறது. ஆண்டிமடம் நகரம் முந்தைய திருச்சிராப்பள்ளி மாவட்டத்தில் ஒரு பகுதியாக இருந்தது.

2001-ஆம் ஆண்டின் மக்கள் தொகை கணக்கெடுப்பின்படி மக்கள் தொகை 6633 ஆண்கள் 3315 பெண்கள் 3318.^[1]இது அரியலூரிலிருந்து 50 கி.மீ. தொலைவில் அமைந்துள்ளது. வடகிழக்கில் 242 கி.மீ. தொலைவில் சென்னை அமைந்துள்ளது. தென்மேற்கில் 111 கி.மீ. தொலைவில் திருச்சியும், தென்கிழக்கில் 23 கி.மீ. தொலைவில் கங்கைகொண்டசோழபுரமும் அமைந்துள்ளது.

பழமை வாய்ந்த சிவன் கோவில் நகரத்தின் மையப்பகுதியில் அமைந்துள்ளது^[2].(மேல அகத்தீச்வரர் ஆலயம் விளந்தை ஆண்டிமடம்^{[தொடர்பிழந்த இணைப்பு]}). இக்கோவிலின் சிவலிங்கம் அகத்தியரால் உருவாக்கப்பட்டது. இக்கோவிலைச்சுற்றி ஐந்து சிவலிங்கங்கள் அமைந்துள்ளது. மேலும் இங்கு புகழ் பெற்ற புனித மார்த்தினார் ஆலயம் அமைந்துள்ளது.