ஆஸ்திரேலிய பூர்வீக குடிமக்கள் வாரம்

ஆஸ்திரேலிய பூர்வீக குடிமக்கள் வாரம் (National Aboriginal and Islander Day Observance Week) என்பது ஆஸ்திரேலிய பூர்வீகக் குடிமக்கள் குறித்த ஒரு புரிதலுக்காக அழைப்பு விடுக்கும் வாரம் ஆகும். இது NAIDOC (National Aborigines and Islanders Day Observance Committee) என்று ஆங்கிலத்தில் அழைக்கப்படுகிறது.^[2] ஒவ்வோர் ஆண்டும் சூலை மாதம் முதல் ஞாயிற்றுக்கிழமையிலிருந்து அதற்கடுத்த ஞாயிற்றுக்கிழமை வரை இந்த வாரம் கொண்டாடப்படுகிறது.

இந்த வாரத்தினை ஆஸ்திரேலியப் பழங்குடிகள் மட்டுமின்றி, அரசு நிறுவனங்கள், பள்ளிகள், மாநகராட்சிகளும் பெருமளவில் கொண்டாட ஆரம்பித்திருக்கின்றன.

ஆஸ்திரேலிய பூர்வீக குடிமக்கள் வார கொண்டாட்டங்களின் அங்கமாக ஆஸ்திரேலிய பூர்வக்குடிகளின் இசை கேட்பது, அவர்களின் கனவுகால கதைகளை படிப்பது மற்றும் ஆஸ்திரேலிய பூர்வகுடிகள் பற்றிய வலைத்தளங்கள் வழியாக அவர்களைப்பற்றி மேலும் தெரிந்து கொள்வது போன்ற செயற்பாடுகள் இடம்பெறும்.^[3] பெரும்பாலும் இந்த வாரம் ஆஸ்திரேலியாவின் முக்கிய நகரங்களிலும், பூர்வகுடிகள் அதிகமுள்ள சிறிய நகரங்களிலும் கொண்டாடப்படுகிறது.

• NAIDOC வலைத்தளம்
• ஆஸ்திரேலிய பூர்வீக குடிமக்கள் வாரம் 2013 பற்றிய SBS தமிழ் வானொலி நிகழ்ச்சி குறிப்பு^{[தொடர்பிழந்த இணைப்பு]}