இணையப் புகழ்மண்டபம்

இணையப் புகழ்மண்படம் (Internet Hall of Fame) என்பது 2012-ஆம் ஆண்டு இணையக் கழகம் நிறுவிய ஒரு வாழ்நாள் சாதனை விருது ஆகும். இவ்விருது இணையத்தின் வளர்ச்சி, முன்னேற்றத்துக்குப் பெரும் பங்காற்றியோரைச் சிறப்பிக்கும் நோக்கில் வழங்கப்படுகிறது. வின்டு செர்ப்பு, திம் பேர்னேர்சு-லீ, இரிச்சர்டு சிட்டால்மேன், இலினசு தோர்வால்டுசு முதலியோர் இதன் தொடக்க உறுப்பினர்களுள் சிலர்.

2012ஆம் ஆண்டு, இணையக் கழகத்தின் இருபதாம் ஆண்டு நிறைவை ஒட்டி, "உலகளாவிய இணையத்தின் வளர்ச்சி, முன்னேற்றத்துக்காகப் பங்களித்த தொலைநோக்காளர்கள், தலைவர்கள், புகழ்பெற்றவர்களைப் பொதுவில் சிறப்பிக்கும் பொருட்டு" இணையப் புகழ்மண்டபத்தை உருவாக்கினார்கள்.^[1]

இவ்விருதை இன்னாருக்கு அளிக்கலாம் என்ற முன்மொழிவுகளை முறையான விண்ணப்பங்கள் மூலம் எவரும் தரலாம். இவர்களில் யார் தெரிவு பெறுவார்கள் என்ற இறுதி முடிவுக்கு இணையப் புகழ்மண்டபத்தின் ஆலோசனைக் குழு பொறுப்பெடுக்கும்.^[1] இந்த ஆலோசனைக் குழுவில் இணையத் தொழில் துறையில் நன்கு அறியப்பெற்ற தொழில்வல்லுநர்கள் இடம்பெறுகிறார்கள்.^[2]

ஏப்பிரல் 23, 2012 அன்று சுவிட்சர்லாந்தின் செனீவாவில் இணையக் கழகம் நடத்திய மாநாட்டில் 33 தொடக்க உறுப்பினர்கள் புகழ்மண்டபத்தில் இடம்பெற்றனர்.^[3][4][4] 2014 இல் 24 பேர் இப்புகழ்மண்படத்தில் இடம்பெற்றனர். இவர்களின் பெயர்கள் ஆங்காங்கில் நடைபெற்ற நிகழ்வில் அறிவிக்கப்பட்டன. ^[4]

• இணையப் புகழ்மண்படம்