ஏரியல் (Ariel) என்பது யுரேனசின் 27 அறியப்பட்ட நிலவுகளுல் நான்காவது மிகப்பெரிய நிலவு ஆகும். ஏரியல் சுற்றுவதும் சுழலுவதும் யுரேனசின் மத்தியகோட்டுத்தளத்தில் தான். இது கிட்டத்தட்ட யுரேனசின் சுற்றுப்பாதைக்கு செங்குத்தாக உள்ளது. அதனால் இது ஒரு தீவிர பருவகால சுழற்சி கொண்டுள்ளது .
இது அக்டோபர் 1851 இல் வில்லியம் இலாசல் என்பவரால் கண்டுபிடிக்கப்பட்டது. இலக்கியத்தின் இரண்டு வெவ்வேறு பிரிவுகளில் வரும் ஒரு பாத்திரத்தின் பெயரை இதற்கு சூட்டியுள்ளனர். 1986 ஆம் ஆண்டு வாயேஜர் 2 என்ற விண்கலம் அதன் யுரேனசு பயணத்தின் போது இந்நிலவின் மேற்பரப்பை 35% படம் பிடித்திருந்தது அதுவே 2012 ஆம் ஆண்டளவிலும் ஏரியலை குறித்த விரிவான அறிவை நமக்குத் தந்திருக்கிறது . இந்த சந்திரனை இன்னும் விரிவாக ஆராய்வதற்கு தற்போது எந்தவொரு செயல்திட்டமும் இல்லை. எனினும் யுரேனசு சுற்றுப்பாதை மற்றும் ஆய்வு போன்ற பல்வேறு கருத்துக்கள் அவ்வப்போது முன்மொழியப்பட்டுள்ளன .
யுரேனசின் ஐந்து பெரிய வட்டமான துணைைக்கோள்களுள் மிராண்டாவுக்குப் பிறகு, ஏரியல் இரண்டாவது மிகச் சிறியது. சூரிய மண்டலத்தின் மிகச்சிறிய 19 நிலவுகளுள் விட்டத்தின் அடிப்படையில் இது 14 வது நிலையில் உள்ளது . இது கிட்டத்தட்ட சமமான பனி மற்றும் பாறை பொருட்களைக் கொண்டிருப்பதாக நம்பப்படுகிறது. அதன் நிறை பூமியின் நீர்கோளத்திற்கு சம அளவில் உள்ளது.
யுரேனசின் மற்ற நிலவுகள் போலவே, கோள் உருவாக்கம் முடிந்த உடனேயே கோளைச் சுற்றியுள்ள ஒரு அக்ரேஷன் டிஸ்கில் இருந்து ஏரியலும் உருவாகியிருக்கலாம். மற்ற பெரிய நிலவுகளைப் போல இதுவும் வேறுபட்டது. எப்படியெனில் உள்மையம் பாறையினாலும் கவசம் பனியினாலும் அமைந்துள்ளது . ஏரியல் ஒரு சிக்கலான மேற்பரப்பு கொண்டிருக்கிறது. செங்குத்துச் சரிவுகள், பள்ளத்தாக்குகள் மற்றும் முகடுகள் இவற்றால் நிலப்பரப்பு அதிக குறுக்கு வெட்டு தோற்றங்களைையும், பள்ளங்களையும் கொண்டுள்ளது. மேற்பரப்பு மற்ற யுரேனிய நிலவுகளை விட சமீபத்திய புவியியல் செயல்பாடுகளின் அறிகுறிகளைக் காட்டுகிறது. பெரும்பாலும் அலைநீள வெப்பம் காரணமாக இங்கு மாற்றம் நிகழ்ந்து கொண்டே இருக்கிறது.
↑Jacobson, R. A.; Campbell, J. K.; Taylor, A. H.; Synnott, S. P. (June 1992). "The masses of Uranus and its major satellites from Voyager tracking data and earth-based Uranian satellite data". The Astronomical Journal103 (6): 2068–2078. doi:10.1086/116211. Bibcode: 1992AJ....103.2068J.
↑Karkoschka, Erich (2001). "Comprehensive Photometry of the Rings and 16 Satellites of Uranus with the Hubble Space Telescope". Icarus151 (1): 51–68. doi:10.1006/icar.2001.6596. Bibcode: 2001Icar..151...51K.
↑Grundy, W. M.; Young, L. A.; Spencer, J. R.; Johnson, R. E.; Young, E. F.; Buie, M. W. (October 2006). "Distributions of H2O and CO2 ices on Ariel, Umbriel, Titania, and Oberon from IRTF/SpeX observations". Icarus184 (2): 543–555. doi:10.1016/j.icarus.2006.04.016. Bibcode: 2006Icar..184..543G.
