ஒரேசு வெல்கம் பாப்காக்
ஒரேசு வெல்கம் பாப்காக் (Horace Welcome Babcock) (செப்டம்பர் 13, 1912 -ஆகத்து 29, 2003) ஓர் அமெரிக்க வானியலாளர் ஆவார். இவர் அரோல்டு டி. பாப்காக் அவர்களின் மகனாவார். வாழ்க்கைப்பணிபாப்காக் பல வானியல் கருவிகளைப் புதிதாக வடிவமைத்து கட்டியமைத்தார். இவர் 1953 இல் முதன்முதலில் தகவமை ஒளியியல் பற்றிய எண்ணத்தை வெளியிட்டார்.[1] இவர் கதிர்நிரலியலில் சிறப்பு தகுதி பெற்றார்; விண்மீன்களின் காந்தவியல் குறித்து ஆய்வு மேற்கொண்டார். இவர் சூரியக் கரும்புள்ளிகளுக்கன காந்தவியல் கோட்பாட்டுப் படிமத்தை உருவாக்கினார். இது பாப்காக் படிமம் என வழங்குகிறது. இரண்டாம் உலகப் போரின்போது இவர் மசாசூசட்டிலும் கால்டெக்கிலும் கதிர்வீச்சு ஆய்வில் ஈடுபட்டார். போர் முடிந்த்தும், தன் தந்தையாருடன் ஆக்கமுறை வாய்ந்த கூட்டுப்பணியில் ஈடுபட்டார். இவர் தன் பட்டப்படிப்பைக் கால்டெக்கிலும் முனைவர் பட்ட ஆய்வை பெர்க்கேலியில் உள்ள கலிபோர்னியா பல்கலைக்கழகத்திலும் மேற்கொண்டார்.[2] இவரது முனைவர் ஆய்வுரை கரும்பொருண்மம் குறித்த தொடக்கநிலை புலப்பாடுகளைக் கொண்டிருந்தது. இவர் ஆந்திரமேடாவின் சுழற்சி வரைவின் அளவீடுகளை அறிவித்தார். இது ஆரம் சார்ந்து பொருண்மை-ஒளிர்மை விகிதம் உயர்தலை எடுத்து காட்டியது.[3] என்றாலும் இவர் இதை பால்வெளிக்குள் அமையும் ஒளி உட்கவர்தலாலோ பால்வெளிச் சுருளின் வெளிப்புற பகுதியின் இயக்கவியலாலோ ஏற்படுவதாகக் கருதினாரே தவிர விடுபட்ட பொருண்ம்ம் எதற்கும் சுட்டவில்லை. இவர் 1964 முதல் 1978 வரை கலிபோர்னியா தொழில்நுட்ப நிறுவனத்தின் பலோமார் வான்காணகத்தின் இயக்குநராக இருந்தார். தகைமைகள்விருதுகள்
இவரது பெயர் இடப்பட்டவை
மேற்கோள்கள்
வெளி இணைப்புகள்
நினைவேந்தல்கள்
|
||||||||||||||||||||
Portal di Ensiklopedia Dunia
