கணக்கீட்டுச் சமன்பாடு

கணக்கீட்டுச் சமன்பாடு(Accounting equation) ஆனது இரட்டை கணக்கு பதியல் முறையின்(double-entry book-keeping)அடிப்படையினை விளக்கும்.^[1]^[2]^[1]

சமன்பாடு

சொத்து (A) என்பதும், முதலீடு அல்லது மூலதனம் (E) என்பதும், பொறுப்பு (L) என்பதும் கீழ்க்காணுமாறு உள்ள சமன்பாட்டில் அமைந்திருக்கும்
சொத்து = மூலதனம் + பொறுப்பு
அல்லது
$A=E+L$

சொத்தானது உரிமையாளரின் மூலதனம் மற்றும் கடன் ஈந்தவர்களின் பணம் (பொறுப்பு)ஆகியவையே என்பதனை சமன்பாடு விளக்குகின்றது உதாரணமாக, மாணவன் ஒருவன் ரூ.50,000 பெறுமதியான கணனி ஒன்றினை கொள்வனவு செய்கின்றான்.இதில் ரூ.30,000 வினை தன் நண்பனிடம் கடனாகவும் மீதி ரூ.20,000 வினை தன் சொந்த பணத்திலிருந்தும் செலுத்தினான்.இங்கு கணக்கீட்டுச் சமன்பாட்டின்படி சொத்து ரூ.50,000 ஆகவும் பொறுப்பு ரூ.30,000 ஆகவும் மூலதனமாக ரூ.20,000 ஆகவும் காணப்படும்.

இச்சமன்பாட்டினை விரிவாக்கம் இவ்வாறு காணப்படும்

மூலதனம் + தேறிய இலாபம் - பற்று + நீண்டகால கடன்கள் + குறுகிய காலக்கடன்கள் = நிலையான சொத்து + நடப்புச் சொத்து + முதலீடு

இங்கு சொத்திலிருந்து பொறுப்பினை கழித்தால் உரிமையாளர் மூலதனம் பெறப்படும்

சமன்பாடும் ஊடுசெயலும்

ஒவ்வொரு கணக்கீயல் ஊடுசெயலும் (transaction) கணக்கீட்டு சமன்பாட்டின் ஏதாவது ஒரு உறுப்பினைப் பாதிக்கும்,அத்துடன் சமன்பாடு இருபுறமும் சமப்படும்:

ஊடுசெயல் எண்	சொத்து		பொறுப்பு		மூலதனம்		விளக்கம்
1	+	6,000			+	6,000	உரிமையாளர் பொருள் பற்று
2	+	10,000	+	10,000			கடனுக்கு பொருள் வாங்கியது
3	−	900	−	900			பணத்திற்கு பொருள் வாங்கியது
4	+	1,000	+	400	+	600	கடனாகவும் பணம் கொடுத்தும் பொருள வாங்கியது
5	+	700			+	700	வருமானம்
6	−	200			−	200	செலவீனம்
7			+	100	−	100	பணம் செலுத்தப்படாத செலவீனம்
8	−	500	−	500			கடன்பட்டோருக்கு பணம் செலுத்தப்பட்டது
9		0		0		0	பணத்திற்கு பொருள் விற்பனை

இவைகள் சாதாரண உதாரணங்களாகும்

ஐந்தொகை

கணக்கீட்டு சமன்பாட்டின் விரிவு பெற்ற வடிவமே ஐந்தொகையாகும்.இதனால் இச் சமன்பாட்டினை ஐந்தொகை சமன்பாடு எனவும் அழைக்கலாம்.

இவற்றை பார்க்க

மேற்கோள்கள்

↑ ^1.0 ^1.1 Meigs and Meigs. Financial Accounting, Fourth Edition. McGraw-Hill, 1983. pp.19-20.
↑ Financial Accounting 5th Ed,p 47, HornGren, Harrison, Bamber, Best, Fraser, Willet, Pearson/Prentice Hall, 2006