கோகிலப்பிரியா

கோகிலப்பிரியா கருநாடக இசையின் 11 வது மேளகர்த்தா இராகமாகும். முத்துசுவாமி தீட்சிதர் பாரம்பரியத்தில் (அசம்பூர்ண மேள பத்ததியில்) 11 வது இராகத்திற்கு கோகிலாரவம் என்ற பெயர்.

• நேத்ர என்றழைக்கப்படும் 2 வது வட்டத்தில் (சக்கரத்தில்) 5 வது இராகம்.
• இந்த மேளத்தில் ஷட்ஜம், சுத்த ரிஷபம்(ரி₁), சாதரண காந்தாரம்(க₂), சுத்த மத்திமம்(ம₁), பஞ்சமம், சதுஸ்ருதி தைவதம்(த₂), காகலி நிஷாதம்(நி₃) ஆகிய சுரங்கள் வருகின்றன.

• திரிஸ்தாயி இராகம்.
• கருணைச் சுவையை வெளிப்படுத்துகிறது.
• எப்போதும் பாடலாம்.
• இதன் மத்திமத்தை பிரதி மத்திமமாக மாற்றினால் இராகம் சுவர்ணாங்கி (47) ஆகும்.
• கிரக பேதத்தின் வழியாக இந்த மேளத்தின் மத்திம சுரம் முறையே ரிஷபப்பிரியா (62) மேளத்தை தோற்றுவிக்கிறது (மூர்ச்சனாகாரக மேளம்).

கோகிலப்பிரியாவின் ஜன்ய இராகங்கள் இவை.

• திலகப்பிரகாசினி
• கோகிலாரவம்
• வசந்தநாராயணி
• தனுகீர்த்தி
• கனஸ்யாமளா
• மனோரஞ்சனி
• போகவராளி
• வர்த்தனி
• கௌமாரி
• உகப்பிரியா
• சதுரானப்பிரியா
• பயஸ்வினி

1. ↑ டாக்டர். கே. ஏ. பக்கிரிசாமிபாரதி எழுதிய 'இந்திய இசைக்கருவூலம்' எனும் நூல் (மூன்றாம் பதிப்பு, செப்டம்பர் 2006); வெளியீடு: குசேலர் பதிப்பகம், சென்னை - 78.