கோயம்புத்தூர் சந்திப்பு தொடருந்து நிலையம்

கோயம்புத்தூர் சந்திப்பு
தொடருந்து நிலையத்தின் பிரதான நுழைவாயில்
பொது தகவல்கள்
அமைவிடம்	ஸ்டேட்பேங்க் சாலை, கோயம்புத்தூர், தமிழ்நாடு, இந்தியா
ஆள்கூறுகள்	10°59′47″N 76°58′02″E / 10.996365°N 76.967222°E / 10.996365; 76.967222
ஏற்றம்	411.2 மீட்டர்கள் (1,349 அடி)
உரிமம்	இந்திய இரயில்வே
இயக்குபவர்	தென்னக இரயில்வே
நடைமேடை	6
இருப்புப் பாதைகள்	20
இணைப்புக்கள்	பேருந்து, வாடகையுந்து
கட்டமைப்பு
தரிப்பிடம்	உண்டு
துவிச்சக்கர வண்டி வசதிகள்	ஆம்
மற்ற தகவல்கள்
நிலை	இயக்கத்தில்
நிலையக் குறியீடு	CBE
பயணக்கட்டண வலயம்	தென்னக இரயில்வே
வரலாறு
திறக்கப்பட்டது	1861; 164 ஆண்டுகளுக்கு முன்னர் (1861)
மின்சாரமயம்	ஆம்
பயணிகள்
பயணிகள்	தோராயமாக 1,00,000/ஒருநாளைக்கு
அமைவிடம் கோயம்புத்தூர் சந்திப்பு தமிழக வரைபடத்தில் உள்ள இடம் Show map of தமிழ்நாடு கோயம்புத்தூர் சந்திப்பு இந்திய வரைபடத்தில் உள்ள இடம் Show map of இந்தியா

கோயம்புத்தூர் சந்திப்பு (Coimbatore Junction, நிலையக் குறியீடு:CBE) தொடருந்து நிலையம், கோயம்புத்தூர் நகரின் மையப்பகுதியில் அமைந்துள்ள முதன்மை தொடருந்து நிலையம் ஆகும். இந்நிலையத்தில் ஆறு நடைமேடைகள் உள்ளன. சுமார் 20 இருப்புப் பாதைகளை உடைய தென்னிந்தியாவின் பெரிய இரயில் நிலையங்களுள் இதுவும் ஒன்றாகும்.

இதன் பெயரில் சந்திப்பு என்று இருந்தாலும் தொழில்நுட்பரீதியாக இங்கு தொடருந்து பாதைகள் எதுவும் சந்திப்பதோ பிரிவதோ இல்லை. உண்மையான சந்திப்புகள் கோவை வடக்கு சந்திப்பு (2.6 கி.மீ வடக்கே), போத்தனூர் (5.8 கி.மீ. தெற்கே) மற்றும் இருகூர்(16 கி.மீ. கிழக்கே). கோயம்புத்தூர் சந்திப்பில் இருந்து செல்லும் வழித் தடங்களில் கோயம்புத்தூர்- மதுரை மட்டும் 'மீட்டர் கேஜ்'-லிருந்து 'பிராட் கேஜ்' (அகலப் பாதையாக) மாற்றம் செய்யப்பட்டு வருகிறது. பிற தடங்கள் முன்னரே அகலப்பாதையாக மாற்றப்பட்டுவிட்டன.

கோவையின் முதல் இரயில்நிலையமாக போத்தனூர் சந்திப்பே செயல்பட்டு வந்தது. பின் போத்தனூர் வழித்தடம் கோயம்புத்தூர் இரயில் நிலையத்துடன் இணைக்கப்பட்டது. பின் கோவை - மேட்டுப்பாளையம் பாதையில் (கோயம்புத்தூர் வடக்கு சந்திப்பு வழியாக) நீட்டிக்கப்பட்டது.^[1]

நடைமேடை 1 மற்றும் 2 இல் உணவு வளாகங்கள் அமைந்துள்ளன. 1,2,3,4 நடைமேடைகளில் உணவுக்கடைகள் உள்ளன. நடைமேடை 1 மற்றும் 2இல் தங்கும் அறைகள் உள்ளன, நடைமேடை 1 மற்றும் 2 இறுதியில் பழக்கடையும் உண்டு.

நடைமேடை 1-4களில் பல தேநீர் மற்றும் பால் கடைகளும் தொலைபேசி சிற்றறைகளும் உள்ளன. நிலையத்தின் முகப்பிலும் இவை உள்ளன. நுழைவாயிலருகே இணைய உலாவுமையமும் உள்ளது.

கோவை சந்திப்பு நிலையம் மட்டுமே ஆண்டொன்றிற்கு ரூ.3,859 மில்லியன் ஈட்டுகிறது. இது கோட்ட வருமானத்தில் 45% ஆகும். மேலும் சேலம் கோட்டத்திலேயே கோவை முதன்மையான ரயில் நிலையமாகும்.

• நாகர்கோவில் பயணிகள் வண்டி
• மங்களூரு பயணிகள் வண்டி
• ஈரோடு பயணிகள் வண்டி
• கண்ணனூர் பயணிகள் வண்டி
• மேட்டுப்பாளையம் பயணிகள் வண்டி
• பாலக்காடு பயணிகள் வண்டி
• சோரனூர் பயணிகள் வண்டி
• திருச்சூர் பயணிகள் வண்டி