கோலதமோர்

கோலதமோர்
கோலதமோர்; Голодомор
	அந்த நேரத்தில் உக்ரைனின் தலைநகரான கார்கீவ் தெருவில் பட்டினி வீழ்ந்து கிடந்த விவசாயிகள்.
நாடு	சோவியத் ஒன்றியம்
இடம்	மத்திய மற்றும் கிழக்கு உக்ரைன், வடக்கு குபன், கசக்கஸ்தான்
காலம்	1932–1933
மொத்த இறப்புகள்	உக்ரைனில் சுமார் 3.5 முதல் 5 மில்லியன்; குபனில் 62,000 அல்லது அதற்கு மேற்பட்டவர்கள்; 300,000 க்கும் மேற்பட்ட உக்ரேனியர்கள் கசக்கஸ்தானில் இறந்தனர் அல்லது இடம்பெயர்ந்தனர்
அவதானிப்புகள்	26 நாடுகளும் ஐரோப்பிய நாடாளுமன்றமும் இனப்படுகொலையாக கருதப்படுகிறன.; இஸ்டாலின் ஆட்சியின் குற்றச் செயலாக 6 நாடுகள் கருதுகின்றன; 5 சர்வதேச அமைப்புகளால் மனிதகுலத்திற்கு எதிரான ஒரு சோகமாக அல்லது குற்றமாக கருதப்படுகிறது;
நிவாரணம்	வெளிநாட்டு நிவாரணம் அரசால் நிராகரிக்கப்பட்டது. பிப்ரவரி மற்றும் யூலை 1933 இற்கு இடைப்பட்ட காலத்தில் 176,200, 325,000 டென் தானியங்கள் உணவாகவும் விதையாகவும் அரசால் வழங்கப்பட்டன.
மக்கள்தொகைக்கு பாதிப்பு	உக்ரைனின் மக்கள் தொகையில் 10% பேர் இறந்தனர்; பல்வேறு காரணங்களால் 1926 முதல் 1939 வரையான காலத்தில் குபன் உக்ரேனிய மக்கள் தொகை 915,000 இலிருந்து 150,000 ஆக குறைந்தது; கசக்கஸ்தானில் 35% இற்கும் அதிகமான உக்ரேனியர்கள் பஞ்சத்தில் மாண்டனர்

கோலதமோர் (Holodomor, உக்ரேனியம்: Голодомор) அல்லது பயங்கர பஞ்சம் (Terror-Famine) ^[7]^[8]^[9] பெரும் பஞ்சம் (Great Famine)^[10] என்பது 1932–1933 ம் ஆண்டுக் காலப் பகுதியில் உக்ரேனில் பட்டினியால் நடந்த இனப்படுகொலை ஆகும். இந்த நிகழ்வு உக்ரேனிய பட்டினி இனப்படுகொலை, தீவிரவாத உக்ரேனிய இனப்படுகொலை என்றும் அறியப்படுகிறது. இந்த நிகழ்வில் 1.5 இலிருந்து 12 மில்லியன் உக்ரேனிய மக்கள் இறந்திருக்கலாம் என்று கூறப்படுகிறது.

கோலதமோர் நிகழ்வுக்கு ஒரு முக்கிய காரணம் அக் கால சோவியத் ஒன்றியத்தின் தலைவர் ஸ்ராலினின் கொள்கை ஆகும். உக்ரேனினில் நிகழ்ந்த உக்ரேனிய தேசியவாதத்தை தகர்க்க உக்ரேனிலில் இருந்து எல்லா உணவு மூலங்களும் வெளியேற்றப்பட்டன. உக்ரேனில் இருந்து எவரும் வெளியேறத் தடைசெய்யப்பட்டது. ஸ்ராலினின் கட்டளையில் நடந்த இந்த செயற்பாடுகள் பட்டினி படுகொலைக்கு மூல காரணம் ஆகும்.