கோழிக்குத்தி வானமுட்டிப் பெருமாள் கோயில்

வானமுட்டிப் பெருமாள் கோயில்
வானமுட்டிப் பெருமாள் கோயில்
	வானமுட்டிப்பெருமாள் கோயில் ராஜகோபுரம்
பெயர்
பெயர்:	வானமுட்டிப் பெருமாள் கோயில்
அமைவிடம்
ஊர்:	கோழிக்குத்தி
மாவட்டம்:	மயிலாடுதுறை மாவட்டம் மயிலாடுதுறை
மாநிலம்:	தமிழ்நாடு
நாடு:	இந்தியா
கோயில் தகவல்கள்
மூலவர்:	வானமுட்டிப் பெருமாள்
சிறப்பு திருவிழாக்கள்:	வைகுண்ட ஏகாதசி
கட்டிடக்கலையும் பண்பாடும்
கட்டடக்கலை வடிவமைப்பு:	திராவிடக் கட்டிடக்கலை
கோயில்களின் எண்ணிக்கை:	ஒன்று

கோழிக்குத்தி வானமுட்டிப் பெருமாள் கோயில் மயிலாடுதுறை மாவட்டத்திலுள்ள அமைந்துள்ள வைணவக்கோயிலாகும்.

அமைவிடம்

இக்கோயில் மயிலாடுதுறை-கும்பகோணம் சாலையில் அமைந்துள்ள மூவலூரிலிருந்து 2 கி.மீ. புறவழிச்சாலையில் 5 கி.மீ. தொலைவில் கோழிக்குத்தி அமைந்துள்ளது. சோழன்பேட்டை கிராமத்தில் அமைந்த கோடிஹித்தி பாப விமோசனபுரமே கோழிக்குத்தி என்று தற்போது அழைக்கப்படுகிறது.^[1]

இறைவன், இறைவி

14 அடி உயரத்தில் அத்தி மரத்தில் வடிக்கப்பட்டு மூலிகை நிறம் தீட்டப்பட்டு கிழக்கு நோக்கிய நிலையில் இறைவன் உள்ளார். பக்தப்ரியன் என்ற பெயரில் இப்பெருமாள் தயாலட்சுமி, பூமிதேவியோடு உள்ளார்.^[1] கோயிலின் தீர்த்தம் பிப்பல மகரிஷி தீர்த்தம் ஆகும்.^[2]

பிற சன்னதிகள்

இக்கோயிலில் வரதராஜப்பெருமாள், யோக நரசிம்மர், சக்கரத்தாழ்வார், நர்த்தன கிருஷ்ணர், கருடாழ்வார், சப்தசொரூப ஆஞ்சநேயர், விஷ்வக்சேனர், ராமானுஜர், பிப்பல மகரிஷி ஆகியோருக்கான சன்னதிகள் காணப்படுகின்றன.^[1] இங்குள்ள ஆஞ்சநேயரை சப்தஸ்வர ஆஞ்சநேயர் என்றழைக்கின்றனர். இச்சிலையில் தட்டினால் ஏழு இடங்களில் ஓசை வருகிறது.^[2]