சாம்பல் நெற்றிப் புறா
சாம்பல் நெற்றிப் புறா (Pompadour Green– Pigeon, Treron pompadora) தெற்கு மற்றும் தென்கிழக்கு ஆசியாவில் காணப்படும் ஒரு சிற்றினக் குழுவாகும். சிற்றினக் குழுபல வகைப்பாட்டியலாளர்கள் பாம்படோர் பச்சை புறாவினை பல சிற்றினங்களாகப் பிரித்துள்ளனர், இவை கீழே பட்டியலிடப்பட்டுள்ளன:[2][3]
உடலமைப்புஇந்தப் புறாக்களின் உடல் நீளம் சுமார் 28 செ. மீ. வரை இருக்கும். சாம்பல் நிறத்தலையும், நெற்றியும் செம்பழுப்பு நிற முதுகும் பசுமை தோய்ந்த மார்பும் ஆலிவ் பழுப்பான வாலிறகுகளும் கொண்டவை இவை. பெண் பறவையின் முதுகு செம்பழுப்புக்குப் பதிலாக ஆலிவ் தோய்ந்த பச்சையாக இருக்கும். காணப்படும் பகுதிகள்இது இந்தியா, இலங்கை, பிலிப்பீன்சு மற்றும் மொலுக்காஸ் வரை வெப்பமண்டல தெற்காசியாவின் காடுகளில் பரவலாக காணப்படும் குழுவாகும். இந்தியாவில், இவை மேற்குத் தொடர்ச்சி மலைகள், கிழக்குத் தொடர்ச்சி மலைகளின் சில பகுதிகள், வடகிழக்கு இந்தியா மற்றும் அந்தமான் தீவுகளில் பிரிக்கப்பட்ட குழுக்களாக காணப்படுகின்றன. மேற்குத் தொடர்ச்சி மலை சார்ந்த பகுதிகளில் சமதரை முதல் 1200 மீ வரை பசுங்காடுகளைச் சார்ந்து மரங்கள் பழுக்கும் பருவத்திற்கேற்ப இருப்பை மாற்றிக்கொண்டு திரியக் காணலாம். காபித் தோட்டங்களில் காணப்படும் இது அங்கு அமைந்துள்ள சுண்ணாம்பு பூசப்பட்ட பங்களாக்களின் சுவர்களில் முட்டி மோதி இறப்பது அடிக்கடி நிகழ்வதாகத் தெரிவிக்கப்பட்டுள்ளது. உணவு10 முதல் 12 வரையான குழுவாக அத்தி, ஆல், சூரை முதலான மரங்களில் பழங்களைத் தேடித் தின்னும். காலையிலும் மாலையில் அடைவதற்கு முன்னும் காடுகளின் எல்லையில் நிற்கும் பெரிய மரங்களின் இலைகளற்ற நுனிக்கொம்புகளில் கூட்டமாக அமர்ந்து இனிய சீழ்க்கைக் குரல் கொடுக்கும் பழக்கம் கொண்டது. இனப்பெருக்கம்டிசம்பர் முதல் மார்ச் முடிய நடுத்தரமான மரங்களில் குச்சிகளால் மேடை அமைப்பில் கூடமைத்து 2 முட்டைகள் இடும்.[4] மேற்கோள்கள்
|
||||||||||||||||||||||||||||||||||||||||||||||||||||
Portal di Ensiklopedia Dunia
