சிறீ சபாரத்தினம்

சுந்தரம் சிறீ சபாரத்தினம் (Sri Sabaratnam, 28 ஆகத்து 1952 - 6 மே 1986) என்பவர் தமிழீழ விடுதலைப் போராளியும், தமிழீழ விடுதலை இயக்கத்தின் முன்னாள் தலைவரும் ஆவார்.^[1]^[2]

பிறப்பு

இலங்கை வடக்கு மாகாணம், யாழ்ப்பாணத்தில் கல்வியங்காடு எனும் ஊரில் 1952 ஆகஸ்ட் 28 இல் சுந்தரம்பிள்ளை முதலியார் - ராஜலட்சுமி தம்பதியினருக்கு மூன்றாவது மகனாக பிறந்தார். இவருக்கு கந்தசாமி, பாக்கியம், செல்வரத்தினம், ஜெயராணி எனும் நான்கு சகோதரர்கள் உள்ளனர்.^[3]^[4]

கல்வி

இவர் யாழ்ப்பாணம் செங்குந்த இந்துக் கல்லூரியில்^{[சான்று தேவை]} தனது கல்விச் செயற்பாடுகளை முடித்தார். மேலும் உயர்தர பரீட்சையில் சிறந்த சித்தி பெற்று பல்கலைக்கழகத்திற்கு தெரிவான அவர் பல்கலைக்கழக படிப்பை புறம்தள்ளிவிட்டு தமிழீழ விடுதலைக்காக தன்னை அர்ப்பணித்துக்கொண்டார்.

தொண்டுகள்

இவர் சிறுவயதிலேயே தமிழ் சார்ந்த உணர்வை தன்னிடையே வளர்த்துக்கொண்டது மட்டுமல்லாமல் பிறரிற்கும் புகட்டினார். பல்கலைக்கழக மாணவர்கள் மனதில் விடுதலை உணர்வை ஊட்டினார். இளைஞர்களை விடுதலை பற்றி சிந்திக்க வைத்தார். அவர் விடுதலை கிடைக்கும்வரை திருமணம் செய்வதில்லை என்று சபதம் செய்தவர். ஆரம்ப காலத்தில் இயங்கிவந்த தமிழ் ஈழ விடுதலை இயக்கம் இவரின் தலைமையில் உருவாக்கப்பட்டது ஆகும்.^[5]^[6]

இவர் தமிழீழ விடுதலைப் போராட்டத்தில் ஈடுபட்ட காலங்களில் ஈழ தமிழ் மக்களுக்காக சிறைச்சாலைகளிற்கு சென்றுள்ளார். அங்கு அவரை உயரமான சிறீ (Tall Sri) என்று அடையாளப்படுத்தினர்.^[6]^[7]^[7]^[7]^[8]^[9]^[10]^[11]

இறப்பு

தமிழ் ஈழ விடுதலை இயக்கம் மற்றும் தமிழீழ விடுதலைப் புலிகள் இயக்கம் இரண்டும் காலப்போக்கில் ஒன்றாக இணைந்து தமிழீழத்தை மீட்டெடுக்க போராடும் என்ற கனவுடன் சிறீ சபாரத்தினம் இருந்த நிலையில் மாறாக பிரபாகரன் தமிழ் ஈழ விடுதலை இயக்கத்தில் இருந்தபோது அவரால் தமிழ் ஈழ விடுதலை இயக்கத்திற்குள் கொண்டு வரப்பட்ட ஒருசில நபர்களை வைத்து சிறீ சபாரத்தினத்தைக் கொலைசெய்ய பிரபாகரனால் திட்டமிடப்பட்டது.^[12] இந்தியாவில் வைத்தும் சிறீ சபாரத்தினத்தைக் கொல்ல தமிழீழ விடுதலைப் புலிகள் இயக்கத்தினர் திட்டம் தீட்டினர். இறுதியில் 6 மே 1986 அன்று விடுதலைப் புலிகளின் தளபதி கிட்டுவின் தலைமையில் சென்ற தமிழீழ விடுதலைப் புலிகள் இயக்கக் குழு ஒன்றினால் யாழ்ப்பாணத்தில் கோண்டாவில் பகுதியில் ஓர் புகையிலைத் தோட்டத்தில் வைத்து சிறீ சபாரத்தினத்தை கொன்றனர்.^[3]^[4]^[11]^[12]^[12]^[12]^[13]^[13]^[13]^[13]^[14]^[14]^[15]^[16]