சி. லட்சுமி ராச்சியம்

சி. லட்சுமி ராச்சியம்
சி. லட்சுமி ராச்சியம்
பிறப்பு	1922; ஔகு, கர்நூல் மாவட்டம், சென்னை மாகாணம், பிரித்தானிய இந்தியா
இறப்பு	1987 (அகவை 64–65)
பணி	நடிகை; தயாரிப்பாளர்;
வாழ்க்கைத்; துணை	கே. ஸ்ரீதர் ராவ்

லட்சுமிராச்சியம் என சுருக்கமாக அழைக்கபடும் சி. லட்சுமி ராச்சியம் (C. Lakshmi Rajyam, 1922-1987) என்பவர் 1930 கள் முதல் 1970 கள் வரை தெலுங்கு, தமிழ் திரைப்பட, நாடக நடிகையாக இருந்தவராவார். இவர் ஒரு திரைப்பட தயாரிப்பாளருமாவார்.^[1]

லட்சுமிராச்சியம் தற்போதைய ஆந்திரப் பிரதேசத்திலுள்ள ஔகுவை பூர்வீகமாக கொண்டவர். சிறுவயதிலேயே மாமா நரசிம்மத்திடம் இசையும், சாலூரி ராஜேஸ்வர ராவிடம் ஹரிகதா காலட்சேபமும் கற்றார். தன் மாமா வெங்கட ராமையாவுடன் சேர்ந்து புவ்வுலா சூரி பாபுவின் நாடக நிறுவனத்தில் சேர்ந்தார். துலாபாரம் நாடகத்தில் நளினியாகவும், சிந்தாமணி நாடகத்தில் சித்ராவாகவும் நடித்து புகழ் பெற்றார். இவரது சமகாலத்தவர்களாக புலிபட்டி வெங்கடேஸ்வர்லு, புவ்வுலா ராமதிலகம் ஆகியோர் இருந்தனர்.

இவர் ஸ்ரீ கிருஷ்ணா லீலாலு (1934) திரைப்படத்தில் குழந்தை நட்சத்திரமாக தனது திரைப்பட வாழ்க்கையைத் தொடங்கினார், பின்னர் தெலுங்கு மொழியின் 35 படங்களில் நடித்தார். குடவள்ளி ராமபிரம்மம் இயக்கிய இல்லாலு (1940) படத்தில் இரண்டாவது கதாநாயகியாக நடித்ததன் மூலம் பிரபலமான நடிகையானார்.

அவர் கே. ஸ்ரீதர் ராவை மணந்து 1951 இல் ராஜ்யம் பிக்சர்சை நிறுவினார். அவர்கள் தாசி (1952), கிருஷ்ண லீலாலு (1959), ஹரிச்சந்திரா (1960), நர்த்தனசாலா (1963), சகுந்தலா (1966), கோவுல கோபண்ணா (1968), ரங்கேலி ராஜா (1971) உட்பட சுமார் 11 படங்களைத் தயாரித்தனர்.