சுவைதா ஆளுநரகம்

அஸ் - சுவைதா ஆளுநரகம்
அஸ் - சுவைதா ஆளுநரகம் مُحافظة السويداء
	ஆளுநரகம்
	; சிரியாவில் அஸ் - சுவைதா ஆளுநரகத்தின் அமைவிடம்
	ஆள்கூறுகள் (அஸ் - சுவைதா): 32°48′N 36°48′E / 32.8°N 36.8°E
நாடு	சிரியா
தலைநகரம்	அஸ் - சுவைதா
மாவட்டங்கள்	3
அரசு
• ஆளுநர்	அமர் இப்ராஹிம் ஆஷி
பரப்பளவு
• மொத்தம்	5,550 km2 (2,140 sq mi)
மக்கள்தொகை (2011)
• மொத்தம்	3,75,000
நேர வலயம்	ஒசநே+2 (கி.ஐ.நே.)
• கோடை (பசேநே)	ஒசநே+3 (கி.ஐ.கோ.)
ஐஎசுஓ 3166 குறியீடு	SY-SU
மொழிகள்	அரபு

அஸ்-சுவைதா அல்லது அஸ்-சுவைதா கவர்னரேட் (As-Suwayda Governorate அரபி: مُحافظة السويداء ) என்பது சிரியாவின் பதினான்கு ஆளுநரகங்களில் (மாகாணங்களில்) ஒன்றாகும். இது நாட்டின் தெற்கே உள்ள ஆளுநரகமாகும், இதன் பரப்பளவு 5,550 கி.மீ² ஆகும். இது வரலாற்று கால ஹவ்ரான் பிராந்தியத்தின் ஒரு பகுதியாக இருந்தது. இதன் தலைநகரம் மற்றும் முக்கிய நகரம் அல்-சுவைடா ஆகும். இதன் மக்கள் தொகையில் பெரும்பான்மையானவர்கள் துருஸ் மக்களாவர்.

புவியியல் ரீதியாக ஆளுநரகமானது கிட்டதட்ட ஜபல் அல்-ட்ரூஸ் எரிமலைப் பகுதியை முழுமையாக கொண்டுள்ளது. மேலும் லெஜாஷ் எரிமலையின் கிழக்கு பகுதியையும், ஹரத் அல்-ஷமா பாலைவனத்தின் வறண்ட கிழக்கு புல்வெளிகளின் ஒரு பகுதியையும் கொண்டுள்ளது.

அஸ்-சுவைதா ஆளுநரக மக்களில் பெரும்பாலோர் வேளாண்மைத் தொழிலில் ஈடுபட்டுள்ளனர். திராட்சை, ஆப்பிள், ஆலிவ், கோதுமை போன்றவற்றை பயிரிடுகின்றனர். ஆளுநரகத்தில் தெளிவாக வரையறுக்கப்பட்ட நான்கு பருவங்கள் (குளிர்காலம், வசந்த காலம், கோடை, இலையுதிர் காலம்) உள்ளன. இது அஸ்-சுவைதாவுக்கு நல்ல வானிலையை அளிக்கிறது. ஆளுநரகத்தில் பாஸ்லோனியர்கள், சுமேரியர்கள், ஃபீனீசியர்கள், ரோமானியர்கள் போன்றோரின் நாகரிகங்களுடன் தொடர்புடைய பல தொல்லியல் தளங்களைக் கொண்டுள்ளது.

மக்கள் வகைப்பாடும், மக்கள் தொகையும்

ஆளுநரகத்தின் மக்கள் தொகையானது சுமார் 375,000 (2011 மதிப்பீடு ) ஆகும். ^[2] சிரியாவில் துருஸ் மக்கள் பெரும்பான்மையாக உள்ள ஒரே ஒரு ஆளுநரகம் இது தான். ^[3] கணிசமாக கிழக்கு மரபுவழி திருச்சபை சிறுபான்மையினரும், தாரா ஆளுநரகம் மற்றும் சிரியாவின் பிற பகுதிகளிலிருந்து இடம்பெயர்ந்து வந்துள்ள சொற்ப ஆலவிலான முஸ்லிம் அகதிகளும் உள்ளனர். ^[4]

1980 களில் ஆளுநரகத்தின் மக்கள் தொகையில் துருஸ் மக்கள் 87.6%, கிறிஸ்தவர்கள் (பெரும்பாலும் கிரேக்க மரபுவழி திருச்சபை ) 11%, சுன்னி முஸ்லிம்கள் 2% இருந்தனர். ^[5] 2010 ஆம் ஆண்டில், அஸ்-சுவைடா ஆளுநரகத்தின் மக்கள் தொகையானது சுமார் 375,000 ஆகும். இதில் துருஸ் மக்கள் 90%, கிறிஸ்தவர்கள் 7% , சுன்னி முஸ்லிம்கள் 3% ஆவர். ^[6] குறைந்த பிறப்பு விகிதம் மற்றும் பிற நாடுகளை நோக்கி வெளியேறுதல் காரணமாக, அஸ்-சுவைதாவில் கிறிஸ்தவர்களின் விகிதம் குறைந்துவிட்டது. ^[7]

பெரும்பாலான மக்கள் ஆளுநரகத்தின் மேற்குப் பகுதிகளில், குறிப்பாக ஜபல் அட்-துருஸ் மலையின் மேற்கு சரிவுகளில் வாழ்கின்றனர். நாடோடி பெடோயின் பழங்குடியினர் மட்டுமே ஹரத் அல்-ஷமாவின் தரிசு பகுதியில் வாழ்கின்றனர்.