சைகு சாயிது துடுப்பாட்ட அரங்கு

சைகு சாயிது விளையாட்டரங்கு
Zayed Cricket Stadium
ملعب زايد للكريكت

அரங்கத் தகவல்
அமைவிடம்	அபுதாபி, ஐக்கிய அரபு அமீரகம்
ஆள்கூறுகள்	24°23′47″N 54°32′26″E / 24.39639°N 54.54056°E / 24.39639; 54.54056
உருவாக்கம்	2004
இருக்கைகள்	20,000
இயக்குநர்	அமீரகத் துடுப்பாட்ட வாரியம்
குத்தகையாளர்	ஐக்கிய அரபு அமீரகத் துடுப்பாட்ட அணி ஆப்கானித்தான் துடுப்பாட்ட அணி
முடிவுகளின் பெயர்கள்
வடக்கு எல்லை கூடார எல்லை
பன்னாட்டுத் தகவல்
முதல் தேர்வு	20–24 நவம்பர் 2010:  பாக்கித்தான் எ  தென்னாப்பிரிக்கா
கடைசித் தேர்வு	10–14 மார்ச் 2021:  ஆப்கானித்தான் எ  சிம்பாப்வே
முதல் ஒநாப	18 ஏப்ரல் 2006:  பாக்கித்தான் எ  இந்தியா
கடைசி ஒநாப	26 சனவரி 2021:  ஆப்கானித்தான் எ  அயர்லாந்து
முதல் இ20ப	10 பெப்ரவரி 2010:  ஆப்கானித்தான் எ  இசுக்காட்லாந்து
கடைசி இ20ப	20 அக்டோபர் 2021:  அயர்லாந்து v  இலங்கை
20 அக்டோபர் 2021 இல் உள்ள தரவு மூலம்: கிரிக்கின்ஃபோ

சைகு சாயிது துடுப்பாட்ட அரங்கு (Sheikh Zayed Cricket Stadium) ஐக்கிய அரபு அமீரகம், அபுதாபி நகரில் அமைந்துள்ள ஒரு துடுப்பாட்ட அரங்காகும். இவ்வரங்கு $23 மில்லியன் செலவில் கட்டப்பட்டு, 2004 மே மாதத்தில் திறக்கப்பட்டது.^[1] இவ்வரங்கில் விளையாடப்பட்ட முதலாவது ஆட்டம் இசுக்காட்லாந்து, கென்ய அணிகளுக்கிடையே நடைபெற்ற முதல்-தர ஆட்டம் ஆகும். இது 2004 நவம்பரில் கண்டங்களிடைக் கிண்ணத்திற்காக நடத்தப்பட்டது. இவ்வரங்கில் 2021 ஐசிசி ஆண்கள் இருபது20 உலகக்கிண்ணப் போட்டிகளும் இடம்பெற்றன. 20,000 இருக்கைகள் இங்கு உள்ளன.^[2]

இவ்வரங்கிற்கு அமீரகத்தின் முன்னாள் ஆட்சியாளர் சைகு சாயிது இப்னு சுல்தான் ஆல் நகியானின் நினைவாக "சைகு சாயிது துடுப்பாட்ட அரங்கு" எனப் பெயரிடப்பட்டது.

2006 ஏப்ரலில் இவ்வரங்கில் இந்தியாவுக்கும், பாக்கித்தானுக்கும் இடையில் தொடர் போட்டிகள் 2005 பாக்கித்தான் நிலநடுக்கத்தில் பாதிக்கப்பட்டவர்களுக்காக நிதி சேகரிப்பு நிகழ்ச்சியாக இடம்பெற்றது. இப்போட்டிகளில் $10 மில்லியன் நிதி சேகரிக்கப்பட்டது. இந்நிதியில் 75% பாக்கித்தானுக்கும், மீதம் இந்தியாவுக்கும் வழங்கப்பட்டது.^[3]

• துபாய் பன்னாட்டுத் துடுப்பாட்ட அரங்கு

• "World Stadiums - Sheikh Zayed Cricket Stadium in Abu Dhabi". worldstadiums.com.
• "Sheikh Zayed Stadium - United Arab Emirates - Cricket Grounds - ESPN Cricinfo". Cricinfo.