சோடியம் டெட்ராதயோனேட்டு

சோடியம் டெட்ராதயோனேட்டு இருநீரேற்று
Sodium tetrathionate dihydrate
பெயர்கள்
	ஐயூபிஏசி பெயர் சோடியம் (சல்போனேட்டோடைசல்பேனைல்)சல்போனேட்டு டை ஐதரேட்டு
இனங்காட்டிகள்
சிஏஎசு எண்	13721-29-4 இருநீரேற்று; 10101-86-7 நீரிலி
	InChI InChI=1S/2Na.H2O6S4.2H2O/c;;1-9(2,3)7-8-10(4,5)6;;/h;;(H,1,2,3)(H,4,5,6);21H2/q2+1;;;/p-2; Key: HAEPBEMBOAIUPN-UHFFFAOYSA-L;
யேமல் -3D படிமங்கள்	Image
பப்கெம்	203055
	SMILES O.O.[O-]S(=O)(=O)SSS(=O)(=O)[O-].[Na+].[Na+];
பண்புகள்
மூலக்கூறு வாய்பாடு	Na2S4O6
வாய்ப்பாட்டு எடை	306.2665 கி/மோல் (இருநீரேற்று)
தோற்றம்	வெண் தூள்
அடர்த்தி	2.1 கி/மி.லி (25 °செல்சியசு)
நீரில் கரைதிறன்	30.6 கி/லி (20 °செல்சியசு)
தீங்குகள்
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

சோடியம் டெட்ராதயோனேட்டு (Sodium tetrathionate) என்பது Na₂S₄O₆ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மம் ஆகும். சோடியமும் டெட்ராதயோனேட்டும் சேர்ந்து உருவாகும் ஓர் உப்பாக இச்சேர்மம் கருதப்படுகிறது. நீரேற்றுகளாகவும் காணப்படும் என்பதால் பெரும்பாலும் Na₂S₄O₆xH₂O என்ற பொதுவாய்ப்பாட்டால் சோடியம் டெட்ராதயோனேட்டு அடையாளப்படுத்தப்படுகிறது. பெரும்பாலும் இந்த உப்பு பொதுவாக இருநீரேற்றாகப் (x = 2) பெறப்படுகிறது. நிறமற்றதாகவும் நீரில் கரையக்கூடியதாகவும் உள்ள திடப்பொருளாகவும் காணப்படுகிறது. பாலிதயோனேட்டுகளின் ஓர் உறுப்பினராக சோடியம் டெட்ராதயோனேட்டு இடம்பெறுகிறது. பாலிதயோனேட்டுகள் [S_n(SO₃)₂]^2- என்ற பொது வாய்ப்பாட்டைக் கொண்டுள்ளன. டிரைதயோனேட்டு (n = 1), பெண்டாதயோனேட்டு (n = 3), எக்சாதயோனேட்டு (n = 4) ஆகியவை மற்ற உறுப்பினர்களில் அடங்குகின்றன.^[1]

தயாரிப்பு

அயோடினின் செயல்பாடு மூலம் சோடியம் தயோசல்பேட்டின் (Na₂S₂O₃) ஆக்சிசனேற்றத்தால் சோடியம் டெட்ராதயோனேட்டு தயாரிக்கப்படுகிறது.^[1]

2 Na₂S₂O₃ + I₂ → Na₂S₄O₆ + 2 NaI

இந்த வினை அயோடினின் நிறமாற்றத்தால் குறிக்கப்படுகிறது. இந்த வினையே அயோடோமெட்ரிக் தரம்பார்த்தலின் அடிப்படையாகும்.

சோடியம் பைசல்பைட்டை டைசல்பர் டைகுளோரைடுடன் சேர்த்து இணைப்பு வினைக்கு உட்படுத்துவது மற்றொரு முறையாகும்.

2 NaHSO₃ + S₂Cl₂ → Na₂S₄O₆ + 2 HCl

இந்த அயனி H₂S₂ அயனியைப் போலவே சிறந்த C2 சமச்சீர்நிலையைக் கொண்டுள்ளது. S-S-S இருமுக கோணம் கிட்டத்தட்ட 90° ஆகும். மைய S-S பிணைப்பு தூரம் 2.115 Å, மற்ற இரண்டு S-S தூரங்களை விடவும், பெரும்பாலான பாலிசல்பேன்களில் உள்ள அந்த தூரங்களை விடவும் 0.01 Å அதிகமாகும்.^[2]