சோடியம் முக்குளோரோ அசிட்டேட்டு

சோடியம் முக்குளோரோ அசிட்டேட்டு
பெயர்கள்
	விருப்பத்தெரிவு ஐயூபிஏசி பெயர் சோடியம் முக்குளோரோ அசிட்டேட்டு
இனங்காட்டிகள்
சிஏஎசு எண்	650-51-1
ChemSpider	12073
EC number	211-479-2
	InChI InChI=1S/C2HCl3O2.Na/c3-2(4,5)1(6)7;/h(H,6,7);/q;+1/p-1;
யேமல் -3D படிமங்கள்	Image
பப்கெம்	23681045
வே.ந.வி.ப எண்	AJ9100000
	SMILES C(C(=O)[O-])(Cl)(Cl)Cl.[Na+];
UNII	2N76A3BRJ0
பண்புகள்
மூலக்கூறு வாய்பாடு	C2Cl3NaO2
வாய்ப்பாட்டு எடை	185.36 கி/மோல்
தோற்றம்	வெண் தூள்
அடர்த்தி	~1.5 கி/மிலி−1
உருகுநிலை	200 °C (392 °F; 473 K)
கொதிநிலை	சிதைவடையும்
நீரில் கரைதிறன்	55 கிராம் / 100 மி.லி
கரைதிறன்	மெத்தனால் மற்றும் எத்தனால் கரைப்பான்களில் கரையும், அசிட்டோனில் சிறிதளவு கரையும், ஈதர் மற்றும் நீரகக்கரிமம் கரைப்பான்களில் கரையாது
காடித்தன்மை எண் (pKa)	0.7 (இணை அமிலம்)
தீங்குகள்
முதன்மையான தீநிகழ்தகவுகள்	அரிக்கும்
GHS pictograms
GHS signal word	எச்சரிக்கை
en:GHS hazard statements	H335, H410
en:GHS precautionary statements	P261, P271, P273, P304+340, P312, P391, P403+233, P405, P501
தீப்பற்றும் வெப்பநிலை	தீப்பற்றாது
Autoignition; temperature	தீப்பற்றாது
தொடர்புடைய சேர்மங்கள்
ஏனைய எதிர் மின்னயனிகள்	Sodium trifluoroacetate
ஏனைய நேர் மின்அயனிகள்	முக்குளோரோ அசிட்டிக் அமிலம்
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

சோடியம் முக்குளோரோ அசிட்டேட்டு (Sodium trichloroacetate) என்பது C₂Cl₃NaO₂ என்ற மூலக்கூற்று வாய்பாடால் விவரிக்கப்படும் ஒரு கரிம வேதியியல் சேர்மமாகும். சோடியம் டிரைகுளோரோ அசிட்டேட்டு என்ற பெயராலும் அழைக்கப்படுகிறது. CCl₃CO₂Na என்ற அமைப்பு வாய்பாட்டாலும் இதை அடையாளப்படுத்தலாம். ஒரு குரோமோசோமில் மரபணுக்களைக் கண்டறியும் செயல்முறையில் படியெடுக்கும்போது உணர்திறன் மற்றும் துல்லியத்தை அதிகரிக்க இச்சேர்மம் பயன்படுகிறது.^[1] முன்னதாக சோடியம் முக்குளோரோ அசிட்டேட்டு 1950 ஆம் ஆண்டுகளில் களைக்கொல்லியாகப் பயன்படுத்தப்பட்டது. ஆனால் கட்டுப்பாட்டாளர்கள் அதை 1980 ஆம் ஆண்டுகளின் பிற்பகுதியிலும் 1990 ஆம் ஆண்டுகளின் முற்பகுதியிலும் சந்தையில் இருந்து அகற்றினர். ^[2]^[3]^[4]

தயாரிப்பு

முக்குளோரோ அசிட்டிக் அமிலத்துடன் சோடியம் ஐதராக்சைடைச் சேர்த்து வினைபுரியச் செய்து சோடியம் முக்குளோரோ அசிட்டேட்டு தயாரிக்கப்படுகிறது.

CCl₃CO₂H + NaOH -> CCl₃CO₂Na + H₂O

வினைகள்

காரத்தன்மை

சோடியம் முக்குளோரோ அசிட்டேட்டு சோடியம் அசிட்டேட்டை விட பலவீனமான ஒரு காரமாகும். ஏனெனில் முக்குளோரோமெத்தில் குழுவின் எலக்ட்ரான்-திரும்புதல் இயல்பு இதற்கு காரணமாகும். இதேபோல சோடியம் முப்புளோரோ அசிட்டேட்டும் பலவீனமான ஒரு காரணமாகும். இருப்பினும், பொருத்தமான வலுவான அமிலங்களின் முன்னிலையில் இது எளிதில் புரோட்டானேற்றம் அடையும்.

CCl₃CO₂^- + H₂SO₄ -> CCl₃CO₂H + HSO₄^-

எதிர்மின் அயனி முன்னோடி

சோடியம் முக்குளோரோ அசிட்டேட்டு வினையாக்கி முக்குளோரோமெத்தில் குழுவை மற்ற மூலக்கூறுகளில் அறிமுகப்படுத்த பயனுள்ளதாக இருக்கும். கார்பாக்சில் குழு நீக்கத்தின் போது இது முக்குளோரோமெத்தில் அயனியை உருவாக்குகிறது. முக்குளோரோமெத்தில் அயனி ஆல்டிகைடுகள், கார்பாக்சிலிக் அமில நீரிலிகள்,^[5] கீட்டோன்கள் (இயோசிக்கு-ரீவ் வினைக்கு முன்னோடியாக அமைவது) மற்றும் அசைல் ஆலைடுகள் போன்ற பல்வேறு கார்பனைல் செயல்பாட்டுக் குழுக்களைத் தாக்குவதற்குப் போதுமான வலுவான அணுக்கருகவரி ஆகும்