தா. திருநாவுக்கரசு

தாமோதரம்பிள்ளை திருநாவுக்கரசு (Thamodarampillai Thirunavukarasu, 1 செப்டம்பர் 1933 – 1 ஆகத்து 1982) இலங்கைத் தமிழ் அரசியல்வாதியும் முன்னாள் நாடாளுமன்ற உறுப்பினரும் ஆவார்.

திருநாவுக்கரசு இலங்கையின் வடக்கே வட்டுக்கோட்டையில் 1933 செப்டம்பர் 1 இல் பிறந்தார்.^[1][2]

ரி. திருநாவுக்கரசு அகில இலங்கைத் தமிழ்க் காங்கிரஸ் கட்சி வேட்பாளராக காங்கேசன்துறை தொகுதியில் 1970 நாடாளுமன்றத் தேர்தலில் முதற்தடவையாகப் போட்டியிட்டார். இவர் 3,000 வாக்குகள் மட்டுமே பெற்று நான்காவதாக வந்து தோற்றார்.^[3] தமிழ்க் காங்கிரஸ் கட்சி தமிழரசுக் கட்சியுடன் சேர்ந்து தமிழர் விடுதலைக் கூட்டணி என்ற அரசியல் கூட்டணியில் 1972 ஆம் ஆண்டில் இணைந்தது. தமிழர் விடுதலைக் கூட்டணியின் இணைப் பொருளாளராக திருநாவுக்கரசு பணியாற்றினார்.^[2]

1977 தேர்தலில் தமிழர் விடுதலைக் கூட்டணி வேட்பாளராக வட்டுக்கோட்டைத் தொகுதியில் போட்டியிட்டு ஆ. தியாகராஜாவை 18,000 வாக்குகள் வித்தியாசத்தில் திருநாவுக்கரசு வென்று நாடாளுமன்றம் சென்றார்.^[4]

திருநாவுக்கரசு 1982 ஆகத்தி 1 இல் மாரடைப்பால் காலமானார்.^[2][5] இவரது இடத்திற்கு நீலன் திருச்செல்வம் நாடாளுமன்ற உறுப்பினராக நியமிக்கப்பட்டார்.