நீராவிச்சுழலி

நீராவிச்சுழலி (steam turbine) என்பது உயரழுத்த நீராவியில் இருக்கும் வெப்ப ஆற்றலை இயக்க ஆற்றலாக மாற்றும் ஒரு கருவி.இதன் நிகழ்கால வடிவம் சர் சார்லசு பார்சன்சு அவர்களால் 1884 இல் புனையப்பட்டது.^[1][2]

நீராவிப் பொறியும் வெப்ப ஆற்றலை எந்திர வேலையாக மாற்றவல்லது என்றாலும், நீராவிச்சுழலியின் உயர்வெப்பத் திறன், பெரும்பாலான நீராவிப் பொறிகளை வழக்கில் இருந்து நீக்கிவிட்டது. அதோடு நீராவிப் பொறிகளைப் போல முன்பின் ஊடாட்டத்தைத் தராமல், சுழலிகள் சுழற்சியைத் தருவதால், மின்னாக்கிகளை இயக்கப் பொருத்தமானவை ஆகின.

இன்றைய உலகின் பெரும்பாலான மின்னாக்கத்துக்கு நீராவிச் சுழலிகளே பயன்படுகின்றன.^[3]ஒற்றைக் கட்டம் என்றில்லாமல் பல கட்டங்களில் நீராவியைப் பயன்படுத்துவதால் இவற்றின் வெப்ப இயக்கவியல் திறன் கூடுகிறது.

நீராவிச் சுழலியின் முதல் வடிவமைப்பு பொம்மையை விடச் சற்றே மெல்லனதாக அமைந்தது. இது எதிர்வினை நீராவிச் சுழலி எனப்பட்டது. இது அலெக்சாந்திரியாவின் கணிதவியலாளர் ஈரோ விவரித்த நீராவிக் கருவியை ஒத்திருந்த்து எனலாம்.^[4][5][6] ஆட்டோமன் எகிப்து பேரரசில் வாழ்ந்த தகி அல்-தின் விவரித்த நீராவிச் சுழலி நடைமுறையில் சுழலும் சமையல் உதவியாகப் பயன்படுவதாக அமைந்தது. இத்தாலியைச் சேர்ந்த ஜியோவன்னி பிராங்கோவும் நீராவிச் சுழலியை விவரித்துள்ளார் (1629).^[7][8] தாகி அல்-தின்னும் வில்கின்சுவும் விவரித்த கருவிகள் இப்போது நீராவித் தூக்கி எனப்படுகின்றன.

• Introduction to the steam turbine பரணிடப்பட்டது 2007-12-31 at the வந்தவழி இயந்திரம்
• Photo tour of a 1,300 MW coal plant (The Zimmer Power Station, Moscow, Ohio, USA)