நீலம் மான்சிங் சவுத்ரி

முனைவர் நீலம் மான்சிங் சவுத்ரி (Dr. Neelam Mansingh Chowdhry) இந்தியாவின் சண்டிகரைச் சேர்ந்த ஒரு நாடகக் கலைஞராவார்.^[1][2] 1950 ஆம் ஆண்டு ஏப்ரல் மாதம் 14 ஆம் நாள் பிறந்தார். உலகம் முழுவதும் இவர் பணியாற்றியுள்ளார்.^[3] நாடக இயக்கத்திற்கான பிரிவில் 2003 ஆம் ஆண்டு சங்கீத நாடக அகாடமி விருது இவருக்கு வழங்கப்பட்டது.^[4] 2011 ஆம் ஆண்டு இவருடைய சாதனையைப் பாராட்டும் விதமாக இந்திய அரசின் நான்காவது உயரிய குடிமகன் விருதான பத்மசிறீ விருது வழங்கப்பட்டது.^[5][6] பஞ்சாப் பல்கலைக்கழகத்தில் சவுத்ரி ஒரு பேராசிரியராக பணிபுரிந்து ஓய்வுபெற்றவராவார்.^[7] கிச்சன் கதா,^[8][9] தி சூட்,^[10] யெர்மா,^[11][12] நாகமண்டலா,^[13] தி மேட் வுமன் ஆஃப் சாய்லட்,^[14][15] லிட்டில் ஐயோல்ஃப், பிட்டர் புரூட்,^[16] நேக்குடு வாய்சசு,^[17][18] சிட்றீ பத்ரா,^[19] கம் ஆய்^[20] உள்ளிட்டவை சவுத்ரியின் நாடகங்களில் சிலவாகும்.

நீலம் 1950 இல் பிறந்து பஞ்சாபின் அமிர்தசரசில் வளர்ந்தார். சண்டிகரின் பஞ்சாப் பல்கலைக்கழகத்தில் கலை வரலாற்றில் முதுகலைப் பட்டம் பெற்றார். 1975 ஆம் ஆண்டில் தில்லியில் உள்ள தேசிய நாடகப் பள்ளியில் பட்டம் பெற்றார். புகழ்பெற்ற நாடக இயக்குநரான இப்ராகிம் அல்காசியிடம் பயிற்சி பெற்றார்.^[1][21]