நெல்லை ஆ. கணபதி

நெல்லை ஆ. கணபதி (3 திசம்பர் 1935 – 27 மே 2019) சிறுவர்க்கான கதைகள், நாடக நூல்கள் பல எழுதியவர். இவர் ஐம்பதுக்கும் மேற்பட்ட நூல்கள் எழுதியுள்ளார்.

திருநெல்வேலி மாவட்டத்தில் உள்ள கரந்தானேரி எனும் சிற்றூரில் 1935 திசம்பர் 3இல் பிறந்தார். பெற்றோர் ஆண்டபெருமாள்- கோமதி அம்மாள் ஆவர். தமிழில் முதுகலைத் தமிழ் பயின்ற இவர்,'வித்துவான்' பட்டம் பெற்றுள்ளார். இவர் அரசு மேல்நிலைப்பள்ளியில் தமிழாசிரியராகப் பணியாற்றி உள்ளார்; அதற்காக நல்லாசிரியர் விருது பெற்றுள்ளார். தனது இலக்கியப் பணிக்காக ஏவிஎம் அறக்கட்டளையின் சிறந்த எழுத்தாளருக்கான விருதுபெற்றுள்ளார். இவர் மனைவி சுப்புலெட்சுமி; இவருக்குப் பெண்மக்கள் இருவரும் மகன் ஒருவரும் உள்ளனர். அப்பெண்மக்களுள் ஒருவர் நெடுங்கதை எழுத்தாளரும் தொலைக்காட்சி நிலைய இயக்குநருமான ஆண்டாள் பிரியதர்ஷினி ஆவார்.^[1]இவரது குடும்பமே தமிழ் இலக்கியத்தில் ஈடுபாடுகொண்ட குடும்பமாகும்.

கவிதை, கட்டுரை, கதை, திரைப்பட இசைப்பாடல்கள் எனப் பன்முக படைப்பாற்றல் மிக்கவர். 20இக்கு மேற்பட்ட இலக்கிய நூல்களையும் 30இக்கும் மேற்பட்ட குழந்தையிலக்கிய நூல்களையும் எழுதியுள்ளார்.

• சென்னைத் தமிழ்
• அங்கயற்கண்ணி
• ஆனைவிடு தூது
• நாட்டுப்பற்று
• இலக்கிய வழிகாட்டி

• திட்டினாலும் தித்திக்கும்
• டாக்டர் ராதாகிருஷ்ணன்
• கம்பர் விருந்து
• இந்திரா காந்தி
• நேரு மாமா

• அம்மா கையில் மந்திரக்கோல்
• ஒரு கதையின் கதை
• நம்பிக்கை வேண்டும்
• பாடு பாடு பண்பாடு பாடு
• தலையணை மந்திரம்

• அப்பா அம்மா செல்லப்பிள்ளை

இவர் 1963 இல்,' தமிழகம்' எனும் திங்களிதழ் நடத்திய கவிதைப் போட்டியில் பங்கு பெற்று முதல் பரிசுப் பெற்றுள்ளார். 1990 இல் அண்ணாநகர் தமிழ்சங்கம் நிகழ்ச்சியில் கலந்து கொண்டு, மரபு கவிதை எனும் தலைப்பில் உரையாற்றினார்.

நெல்லை ஆ கணபதி 2019 மே 27ஆம் நாள் திங்கட்கிழமை சென்னை அண்ணாநகர் திருமங்கலம் பகுதியிலுள்ள தனது வீட்டில் காலமானார். ^[1]

• ப.முத்துக்குமாரசுவாமி, ' இருபதாம் நூற்றாண்டின் 100 தமிழ்க்கவிஞர்கள்' பழனியப்பா பிரதர்ஸ் -2004.