பட்டாம்பூச்சி (திரைப்படம்)

பட்டாம்பூச்சி (Pattampoochi) 1975 ஆம் ஆண்டு வெளிவந்த தமிழ்த் திரைப்படமாகும். ஏ. எஸ். பிரகாசம் இயக்கத்தில் வெளிவந்த இத்திரைப்படத்தில் கமல்ஹாசன், ஜெயசித்ரா மற்றும் பலர் நடித்திருந்தனர்.^[1][2][3] இந்த திரைப்படம் தெலுங்கு மொழியில் பிரேம லீலலு எனும் பெயரில் மொழி மாற்றம் செய்யப்பட்டு 1976 திசம்பர் 11 அன்று ஆந்திரா மாநிலத்தில் வெளியானது.^[4]

• கமல்ஹாசன் - 'சண்டியர்' சிவா^[5][6]
• ஜெயசித்ரா - மீனா
• நாகேஷ் - வடிவேலு
• வி. கே. ராமசாமி - வேதாசலம்
• மனோரமா - குமாரி (சிறப்புத் தோற்றம் )
• செந்தாமரை - பாஸ்யம்
• பி. ஆர். வரலட்சுமி
• சண்முகசுந்தரம்
• ரத்னகுமார்
• எஸ். எஸ். சௌந்தர்

குழந்தை நட்சத்திரமாக நடித்து பல படங்களில் துணை கதாபாத்திரத்தில் நடித்த கமல்ஹாசன் 1974 ஆம் ஆண்டில் 'கன்னியாகுமரி' என்ற மலையாள படத்தில் கதாநாயகனாக அறிமுகமானார். தமிழில் ஆர். சி. சக்தி இயக்கத்தில் 'உணர்ச்சிகள்' படத்தில் முதன்மை கதாநாயகனாக ஒப்பந்தமானார். இந்தியத் திரைப்படத் தணிக்கை குழு பிரச்சனையால் அப்படம் வெளியாக தாமதமானது. இதனால், ஏ. எஸ். பிரகாசம் இயக்கத்தில் 1975 பிப்ரவரி 21ல் வெளியான 'பட்டாம்பூச்சி' தான் கதாநாயகனாக வெளிவந்த கமலின் முதல் தமிழ் படம் என அறியப்படுகிறது.^[7]

பி. ஸ்ரீநிவாசன் அவர்களால் பாடல் இசை இயற்றப்பட்டது.

• இணையதள திரைப்பட தரவுத்தளத்தில் பட்டாம்பூச்சி (திரைப்படம்)