பிசுவபூசண் அரிச்சந்தன்

பிசுவபூசண் அரிச்சந்தன்
23வது ஆந்திரப் பிரதேச ஆளுஞர்
பதவியில் 24 ஜூலை 2019 – 22 பிப்ரவரி 2023
முன்னையவர்	ஈ. சீ. இ. நரசிம்மன்
பின்னவர்	எசு. அப்துல் நசீர்
ஒடிசா சட்டமன்ற உறுப்பினர்
பதவியில் 1997–2009
தொகுதி	புவனேசுவரம் மத்திய சட்டமன்றத் தொகுதி
பதவியில் 1990–1995
தொகுதி	சில்க்கா சட்டமன்றத் தொகுதி
பதவியில் 1977–1980
தொகுதி	சில்க்கா சட்டமன்றத் தொகுதி
தனிப்பட்ட விவரங்கள்
பிறப்பு	3 ஆகத்து 1934 (1934-08-03) (அகவை 90)
குடியுரிமை	இந்தியர்
அரசியல் கட்சி	பாரதிய ஜனதா கட்சி
பணி	அரசியல்வாதி வழக்கறிஞர் எழுத்தாளர்
தொழில்	வேந்தர்-சிறீ பி. அரிச்சந்தன் கிருஷ்ணா பல்கலைக்கழகம்
உடைமைத்திரட்டு	சட்ட்ம், வருவாய், மீன்வள அமைச்சர் ஒரிசா அரசு (2004–2009)
விருதுகள்	கலிங்கா ரத்னா சமான் 2021

பிசுவபூசண் அரிச்சந்தன் (Biswabhusan Harichandan)(பிறப்பு 3 ஆகஸ்ட் 1934)^[1] ஆந்திரப் பிரதேசத்தின் 23வது மற்றும் தற்போதைய ஆளுநராகப் பணியாற்றும் இந்திய அரசியல்வாதி ஆவார்.

அரிச்சந்தன் பாரதிய ஜனசங்கத்தில் 1971-ல் சேர்ந்தார். பாரதிய ஜனசங்கத்தில் தேசிய செயல் உறுப்பினர் மற்றும் ஒரிசா மாநில பொதுச்செயலாளராக ஜனதா கட்சி 1977-ல் தோன்றும் வரை பொறுப்பு வகித்தார்.^[2] நெருக்கடி நிலைக் காலத்தில் இவர், மிசா சட்டத்தின் கீழ் கைது செய்யப்பட்டார். பின்னர் 1980-ல் பாரதிய ஜனதா கட்சி உருவான பிறகு , இவர் ஜனதா தளத்துடன் கைகோர்ப்பதற்கு முன்பு 1988 வரை மாநிலத்தின் தலைவராக நியமிக்கப்பட்டார். பின்னர் 1996-ல் மீண்டும் பாஜகவில் இணைந்தார்.

அரிசந்தன் ஒடிசா மாநில சட்டப் பேரவைக்கு ஐந்து முறை தேர்ந்தெடுக்கப்பட்டார். சில்க்கா ஏரி சட்டமன்றத் தொகுதியிலிருந்து 1977ஆம் ஆண்டு சட்டமன்ற உறுப்பினராகத் தேர்ந்தெடுக்கப்பட்டார்.^[3] பின்னர் 1990-ல் ஜனதா தளம் கட்சியின் சார்பில் போட்டியிட்டு ஆட்சிக்கு வந்தார். 1997ஆம் ஆண்டு புவனேசுவரம் மத்திய தொகுதி இடைத்தேர்தலில் போட்டியிட்டு மூன்றாவது முறையாகச் சட்டமன்றத்திற்குத் தேர்ந்தெடுக்கப்பட்டார். மேலும் தொடர்ந்து மூன்று முறை இதே தொகுதியில் சட்டமன்ற உறுப்பினராகப் பதவியில் தொடர்ந்தார். 2004-ல் பிஜுஜனதா தளம்-பாஜக தலைமையிலான கூட்டணி அரசாங்கத்தில் அமைச்சராகவும் இருந்தார்.

ஜூலை 2019-ல், இந்தியக் குடியரசுத் தலைவர் ஆந்திரா மற்றும் தெலங்காணா ஆளுநர்களை மாற்றியமைத்தார். அரிச்சந்திரன் ஆந்திராவின் 23வது ஆளுநராக நியமிக்கப்பட்டார்.

17 நவம்பர் 2021 அன்று, அரிசந்தனுக்கு கோவிட்-19 இருப்பது கண்டறியப்பட்டது.^[4]

அரிசந்தன் 2021-ல் கலிங்க ரத்னா விருது பெற்றார்.^[5]

அரிசந்தன் பல புத்தகங்களை எழுதியுள்ளார். அவற்றில் சில: மருபதாசு, மகாசங்கராமர் மகாநாயக், பக்சி ஜகபந்து , பைகா கலகம் மற்றும் இவரது சுயசரிதை சங்கர்சா சரினாகின்.