பிரசித் கிருஷ்ணா

பிரசித் கிருஷ்ணா (Prasidh Krishna பிறப்பு: பிப்ரவரி 19, 1996) ஓர் இந்தியத் துடுப்பாட்ட அணி வீரர் ஆவார்.இவர் கர்நாடகாவுக்காக உள்ளூர்த் துடுப்பாட்டப் போட்டிகளில் விளையாடுகிறார். இவர் வலது கை விரைவு வீச்சாளர் ஆவார்.^[1][2] ஐ.பி.எல்லில் கொல்கத்தா நைட் ரைடர்ஸ் அணிக்காக விளையாடி வருகிறார்.^[3] மார்ச் 2021 இல் இந்திய அணிக்காக சர்வதேச அளவில் அறிமுகமானார். அறிமுகமான முதல் ஒருநாள் போட்டியில் 4 இலக்குளை வீழ்த்திய முதல் இந்தியர் என்ற பெருமையை பெற்றார்.

மூன்று முன்னணி கர்நாடக விரைவு வீச்சாளர்கள் இல்லாத நிலையில், வங்காளதேச அ-க்கு எதிரான சுற்றுப்பயண போட்டியில் கர்நாடகா அணிக்கு முதல் தரத் துடுப்பாட்டப் போட்டியில் அறிமுகமான இவர் 49 ஓட்டங்களை விட்டுக் கொடுத்து 5 இலக்குகளை வீழ்த்தியதன் மூலம் இவர் பரவலாக அறியப்பட்டார். தனது முதல் பந்திலேயே ரோனி தாலுக்தாரை ஆட்டமிழக்கச் செய்தார். பின்னர் அனமுல் ஹக், சௌமியா சர்க்கார் மற்றும் நசீர் உசைன் ஆகியோரின் இலக்குகளை வீழ்த்தி வங்காளதேச அணியினை 41 ஓட்டங்களில் 5 இலக்குகள் என்று கட்டுப்படுத்த உதவினார். இந்தப் போட்டியில் கர்நாடகா 4 இலக்குகள் வித்தியாசத்தில் வெற்றி பெற்றது.^[4][5]

இவர் பிப்ரவரி 25, 2017 அன்று 2016-17 விஜய் அசாரே கோப்பை தொடரில் கர்நாடகாவுக்காக தனது பட்டியல் அ துடுப்பாட்டப் போட்டியில் அறிமுகமானார்.^[6] 21 சனவரி 2018 அன்று 2017–18 சையத் முஷ்டாக் அலி கோப்பைத் தொடரில் கர்நாடகாவுக்காக தனது இருபது20போட்டியில் அறிமுகமானார்.^[7]

2018–19 விஜய் அசாரே கோப்பையில் கர்நாடகா அணிக்காக முன்னணி விக்கெட் வீழ்த்தியவராகத் திகழ்ந்தார். ஏழு போட்டிகளில் பதின்மூன்று இலக்குகளைக் கைப்பற்றினார்.^[8]

மார்ச் 2021 இல், இங்கிலாந்துக்கு எதிரான தொடருக்கான இந்தியாவின் ஒருநாள் அணியில் அவர் இடம் பெற்றார்.^[9] 2021 மார்ச் 23 அன்று இங்கிலாந்துக்கு எதிராக ஒருநாள் போட்டியில் அறிமுகமானார்.^[10] இவர் ஜேசன் ராய் என்பவரை முதல் இலக்காக வீழ்த்தினார். தனது முதல் போட்டியிலேயே 4 இலக்குகளைக் கைப்பற்றினார்.இந்தப் போட்டியில் இந்திய அணி 66 ஓட்டங்களில் வெற்றி பெற்றது.

2023 உலகக் கிண்ணத்துடுப்பட்டத் தொடரில் ஹர்திக் பாண்டியா காயம் காரணமாக விலகியதால் இவர் அணியில் இடம்பெற்றார்.^[11]

1. ↑ Players profile at Cricketarchive
2. ↑ Players profile at ESPNcricinfo
3. ↑ "Injured Kamlesh Nagarkoti ruled out of IPL season". ESPNcricinfo. http://www.espncricinfo.com/story/_/id/23163630/injured-kamlesh-nagarkoti-ruled-ipl-season. 
4. ↑ "Dream debut for Prasidh Krishna". The Hindu. https://www.thehindu.com/sport/cricket/bangladesh-a-tour-of-india-ranji-trophy-champion-karnataka-versus-bangladesh-a/article7678333.ece. 
5. ↑ "Tour Match, Bangladesh A tour of India at Mysore, Sep 22-24 2015". ESPNcricinfo. http://www.espncricinfo.com/series/11296/scorecard/918031/mysore-vs-bangladesh-a-tour-match-bangladesh-a-tour-of-india-2015-16. 
6. ↑ "Vijay Hazare Trophy, Group D: Jharkhand v Karnataka at Kolkata, Feb 25, 2017". ESPN Cricinfo. Retrieved 25 February 2017.
7. ↑ "Super League Group A, Syed Mushtaq Ali Trophy at Kolkata, Jan 21 2018". ESPN Cricinfo. Retrieved 23 January 2018.
8. ↑ "Vijay Hazare Trophy, 2016/17 - Karnataka: Batting and bowling averages". ESPN Cricinfo. Retrieved 9 October 2018.
9. ↑ "Prasidh Krishna called up for ODI series against England". ESPN Cricinfo. Retrieved 19 March 2021.
10. ↑ "1st ODI (D/N), Pune, Mar 23 2021, England tour of India". ESPN Cricinfo. Retrieved 23 March 2021.
11. ↑ "ஐசிசி 2023 உலகக் கிண்ணம் - வீரர்கள்". Retrieved நவம்பர் 4,2023. {{cite web}}: Check date values in: |accessdate= (help)

• கிரிக்கின்ஃபோவில் இருந்து விளையாட்டுவீரர் விபரக்குறிப்பு: பிரசித் கிருஷ்ணா