பீனிக்சு இசுக்கை ஆர்பர் பன்னாட்டு வானூர்தி நிலையம்

பீனிக்சு இசுக்கை ஆர்பர் பன்னாட்டு வானூர்தி நிலையம்
பீனிக்சு இசுக்கை ஆர்பர் பன்னாட்டு வானூர்தி நிலையம்
	ஐஏடிஏ: PHX; ஐசிஏஓ: KPHX; எஃப்ஏஏ அ.அ: PHX;
சுருக்கமான விபரம்
வானூர்தி நிலைய வகை	பொதுத்துறை
உரிமையாளர்	பீனிக்ஸ் நகரம்
இயக்குனர்	பீனிக்ஸ் வானூர்திநிலைய அமைப்பு
சேவை புரிவது	பீனிக்ஸ் பெருநகரப் பகுதி
அமைவிடம்	பீனிக்ஸ், அரிசோனா
மையம்	அமெரிபிளைட்டு; கிரேட் லேக்ஸ் ஏர்லைன்ஸ்; யுஎஸ் ஏர்வேஸ்;
கவனம் செலுத்தும் நகரம்	சவுத்வெஸ்ட் ஏர்லைன்ஸ்
உயரம் AMSL	1,135 ft / 346 m
இணையத்தளம்	www.skyharbor.com
நிலப்படங்கள்
	; எப்ஏஏ வானூர்தி நிலைய வரைபடம்
	PHX அரிடோனாவில் அமைவிடம்
ஓடுபாதைகள்
உலங்கூர்தித் தளங்கள்
புள்ளிவிவரங்கள் (2011)
வானூர்தி இயக்கங்கள்	461989
பயணியர் ஏற்றம்	20213897
பயணியர் போக்குவரத்து	40591948
சரக்கு டன்கள்	302146
	மூலம்: கூட்டரசு வான்போக்குவரத்து நிர்வாகம்

பீனிக்சில் கட்டார் எயர்வேய்ஸ் ஏர்பஸ் ஏ340

பீனிக்சு இசுக்கை ஆர்பர் பன்னாட்டு வானூர்தி நிலையம் (Phoenix Sky Harbor International Airport, மாற்று ஒலிபெயர்ப்பு: ஃபீனிக்ஸ் ஹார்பர் பன்னாட்டு வானூர்தி நிலையம், (ஐஏடிஏ: PHX, ஐசிஏஓ: KPHX, எப்ஏஏ LID: PHX) ஐக்கிய அமெரிக்காவின் அரிசோனா மாநிலத்தில் மரிகொப்பா கவுன்ட்டியில் பீனிக்சு நகரத்தின் மைய வணிகப் பகுதியிலிருந்து தென்கிழக்கே 3 மைல்கள் (4.8 km) தொலைவில் அமைந்துள்ள பொதுத்துறை குடிசார்-படைத்துறை கூட்டு வானூர்தி நிலையம் ஆகும். இது அரிசோனாவிலுள்ள மிகப்பெரியதும் போக்குவரத்து மிக்கதுமான வானூர்தி நிலையமாகும்.

2011இல் இந்த நிலையத்தை 40,591,948 பயணிகள் பயன்படுத்தி உள்ளனர்; ஐக்கிய அமெரிக்காவில் ஒன்பதாவது போக்குவரத்து மிக்க வானூர்தி நிலையமாக விளங்குகிறது. வானூர்தி இயக்கங்களில் உலகளவில் 15வது இடத்தில் உள்ளது.நாளும் 90 மில்லியன் பெறுமான பொருளியல் தாக்கத்தை ஏற்படுத்துகிறது. ஒவ்வொரு நாளிலும் 1,266 வானூர்திகள் வந்து செல்கின்றன; 111,210 பயணிகளையும் 828 டன்கள் சரக்குகளையும் கையாள்கிறது. கூட்டரசு வான்போக்குவரத்து நிர்வாகம் (FAA) பதிவுகளின்படி 2010இல் 19,225,050 வணிகப் பயணிகளும் 2011இல் 20,213,897 பயணிகளும் வானேற்றம் செய்துள்ளனர்.

இந்த வானூர்தி நிலையம் மெக்சிகன் மற்றும் அவாய் வானூர்தி நிலையங்களுக்கு மண்டல நடுவமாக விளங்குகிறது. யுஎஸ் ஏர்வேஸ் இந்த நிலையத்தின் பெரும் பயனாளர் ஆகும்.