மலேசியாவின் கூட்டாட்சிப் பகுதிகள்

மலேசியாவின் கூட்டாட்சிப் பகுதி Wilayah Persekutuan Federal Territories 联邦直辖区
கொடி சின்னம்
உள்ளடங்கியவை	கோலாலம்பூர் லபுவான் புத்ராஜெயா
கூட்டாட்சிப் பகுதியானது	கோலாலம்பூர்: 1 பெப்ரவரி 1974 லபுவான்: 16 ஏப்ரல் 1984 புத்ராஜெயா: 1 பெப்ரவரி 2001
அமைச்சகத்தின் கீழ் அமைப்பு	27 மார்ச் 2004
அரசு
• அமைச்சர்	சகிடான் காசிம்
பரப்பளவு
• மொத்தம்	381.65 km2 (147.36 sq mi)
மக்கள்தொகை  (2004)
• மொத்தம்	16,02,388
• அடர்த்தி	4,198.6/km2 (10,874/sq mi)
மலேசிய அஞ்சல் குறியீடு	கோலாலம்பூர் 50xxx முதல் 60xxx வரை 68xxx லபுவான் 87xxx புத்ராஜெயா 62xxx
மலேசியத் தொலைபேசி எண்	03a 087b
மாநில கொள்கை	மாஜூ டான் செஜாத்திரா Maju dan Sejahtera
மாநில நாட்டுப்பண்	மாஜூ செஜாத்திரா
நிர்வாகம்	கூட்டாட்சிப் பகுதி அமைச்சகம்
மலேசியப் போக்குவரத்துப் பதிவெண்கள்	W1 L2 PUTRAJAYA3
இணையதளம்	www.kwp.gov.my
a கோலாலம்பூர் மற்றும் புத்ராஜாயா b லபுவான் 1 கோலாலம்பூர் 2 லபுவான் 3புத்ராஜாயா

கூட்டாட்சிப் பகுதி (மலாய்: Wilayah Persekutuan; ஆங்கிலம்: Federal Territories) என்பது மலேசியாவின் கோலாலம்பூர், புத்ராஜாயா, லபுவான் பகுதிகளை மலேசியக் கூட்டாட்சி அரசாங்கத்தால் நேரடியாக ஆளப்படும் ஆட்சிப் பகுதிகளைக் குறிப்பிடுவதாகும்.

கோலாலம்பூர் மலேசியாவின் தலைநகரமாகவும்; புத்ராஜாயா நிர்வாக தலைநகராகும்; லபுவான் கடல் கடந்த பன்னாட்டு நிதி மையமாகவும் செயல்படுகின்றன..கோலாலம்பூர் கூட்டாட்சிப் பகுதி; புத்ராஜாயா கூட்டாட்சிப் பகுதி; ஆகிய இரு கூட்டாட்சிப் பகுதிகளும் சிலாங்கூர் மாநிலத்திற்குள் உள்ளன; லபுவான் கூட்டாட்சிப் பகுதி, சபா மாநிலத்தில் உள்ள ஒரு தீவாகும்.

கோலாலம்பூர், புத்ராஜாயா, லபுவான் ஆகிய அந்த மூன்று கூட்டரசுப் பகுதிகளும் மலேசியக் கூட்டரசுப் பிரதேச அமைச்சின் (Ministry for the Federal Territories) அதிகார வரம்பிற்கு உட்பட்ட பகுதிகளாகும்.^[1]

1979-ஆம் ஆண்டில் முதலில் கூட்டரசுப் பிரதேச அமைச்சகம் நிறுவப்பட்டது அந்த அமைச்சு, கோலாலம்பூர்; கிள்ளான் பள்ளத்தாக்குப் பகுதிகளின் திட்டமிடல் மற்றும் நிர்வாகத்திற்கு பொறுப்பாக இருந்தது.

1981-ஆம் ஆண்டில் பிரதமர் அலுவலகத்தின் கீழ் கிள்ளான் பள்ளத்தாக்கின் திட்டமிடல் பிரிவாகச் செயல்படுவதற்கு கூட்டரசுப் பிரதேச அமைச்சகம் மறுசீரமைப்புச் செய்யப்பட்டது

பின்னர் 2004-ஆம் ஆண்டில் கூட்டரசுப் பிரதேச அமைச்சகம் ஒரு முழு அளவிலான அமைச்சகமாக மாற்றப்பட்டது. அந்தப் புதிய அமைச்சகம், மூன்று கூட்டரசுப் பகுதிகளான கோலாலம்பூர், லாபுவான் மற்றும் புத்ராஜெயாவின் வளர்ச்சியில் கவனம் செலுத்தி வருகிறது.^[2]

கூட்டாட்சி பிரதேசங்கள் முதலில் சிலாங்கூர் மற்றும் சபா ஆகிய இரண்டு மாநிலங்களின் ஒரு பகுதியாக இருந்தன. கோலாலம்பூர் மற்றும் புத்ராஜெயா இரண்டும் சிலாங்கூரின் ஒரு பகுதியாக இருந்தன, அதே சமயம் லாபுவான் சபாவின் ஒரு பகுதியாக இருந்தது.^[3]

தொடக்கக் காலத்தில் கோலாலம்பூர் நகரம் சிலாங்கூர் மாநிலத்தின் தலைநகரமாக இருந்தது. 1948-ஆம் ஆண்டில், மலாயா கூட்டமைப்பின் (Federation of Malaya) தேசியத் தலைநகரமாக மாறியது.

1957-ஆம் ஆண்டில் மலேசியா சுதந்திரம் பெற்றது. அதில் இருந்து, கோலாலம்பூர் நகரமும் சிலாங்கூர் மாநிலமும் பாரிசான் நேசனல் கட்சியின் ஆளுமையில் இருந்தது. 1969-ஆம் ஆண்டுப் பொதுத் தேர்தலில், கோலாலம்பூர் நகரத் தொகுதிககளில் சிலவற்றை பாரிசான் நேசனல் கட்சி இழந்தது.

இருப்பினும் சிலாங்கூர் மாநிலத்தைத் தக்க வைத்துக் கொண்டது. அதே தேர்தல் கோலாலம்பூரில் பெரும் இனக் கலவரத்தையும் ஏற்படுத்தியது.

விக்கிமீடியா பொதுவகத்தில்,
கூட்டாட்சிப் பகுதிகள் (மலேசியா)
என்பதில் ஊடகங்கள் உள்ளன.

• Malaysian Ministry of Federal Territories

1. ↑ "Ministry of Federal Territories and Urban Wellbeing (Kementerian Wilayah Persekutuan Dan Kesejahteraan Bandar) Malaysia". MALAYSIA CENTRAL (ID). 20 September 2011. Retrieved 27 March 2022.
2. ↑ "Kementerian Wilayah Persekutuan - Latar Belakang". 2021-07-16. Archived from the original on 16 July 2021. Retrieved 2021-09-10.
3. ↑ Kaur, Dashveenjit (31 January 2019). "The journey of Putrajaya — Malaysia's jewel capital city". The Malaysian Reserve இம் மூலத்தில் இருந்து 14 ஆகஸ்ட் 2020 அன்று. பரணிடப்பட்டது.. https://web.archive.org/web/20200814190551/https://themalaysianreserve.com/2019/01/31/the-journey-of-putrajaya-malaysias-jewel-capital-city/.