மிரட்டல்

மிரட்டல் / அச்சுறுத்தல் (Intimidation / Threat) என்பது ஒருவரைத் தன்னிச்சையாக ஒரு செயலைச் செய்ய அல்லது செய்யாமலிருக்க வலியுறுத்தும் விதமாக அச்சம், பயமுறுத்தல் போன்றவற்றைப் பயன்படுத்துவது^[1][2].

ஒரு தனிநபரையோ அல்லது ஒரு குழுவையோ பயமுறுத்தும் அல்லது அச்சுறுத்தும் செயலைக் குறிக்கிறது. இது ஒருவர் தனது விருப்பத்திற்கு மாறாக ஒரு செயலைச் செய்யத் தூண்டும் நோக்கம் கொண்டது. இந்தச் செயல் நேரடியாகவோ அல்லது மறைமுகமாகவோ இருக்கலாம், மேலும் உடல் ரீதியான தீங்கு விளைவிப்பதாகவோ அல்லது மன ரீதியான அழுத்தத்தை உருவாக்குவதாகவோ அமையலாம். இதன் நோக்கம், பாதிக்கப்பட்டவரை அச்சப்படுத்துவதன் மூலம் கட்டுப்படுத்துவது அல்லது அவரது சுதந்திரமான முடிவெடுக்கும் திறனைப் பாதிப்பதாகும்.

மிரட்டல் (பயமுறுத்தலின்) வகைகள்:

• உடல் மிரட்டல் (Physical intimidation): அச்சுறுத்தும் உடல் மொழி, அருகில் நின்று பயமுறுத்தும் முகபாவனை.
• வாக்குமிரட்டல் (Verbal intimidation): மோசமான வார்த்தைகள், அவமதிப்பு, கூச்சலிடுதல்.
• சின்னங்கள் அல்லது செயல்களின் மூலம் மிரட்டல் (Symbolic intimidation): பயத்தை ஏற்படுத்தும் வகையில் செயல், பொருட்கள், சின்னங்கள், எழுத்துக்கள் பயன்படுத்துவது.
• மனநிலை அடிப்படையிலான பயமுறுத்தல் (Emotional or psychological intimidation) ஒருவரை கீழ்த்தரமாக உணர வைக்கும், தனிமைப்படுத்தல், துன்புறுத்தல்.

மிரட்டல் / பயமுறுத்தல் பல இடங்களில் நடக்கலாம், உதாரணமாக:

• வேலை இடத்தில் – மேலாளர்கள் அல்லது சக ஊழியர்கள் ஒருவர் மீது அதிகாரம் செலுத்தும்போது.
• கல்வி நிறுவனங்களில் – மாணவர்கள் மத்தியில் பழிவாங்கல், மிரட்டல் போன்றது.
• நீதி மன்றங்களில் – சாட்சி அளிக்க போவோருக்கு மிரட்டல் விடுப்பது.
• அரசியலில் – எதிரணியை அடக்கவேண்டும் என்ற நோக்கில் பயமுறுத்தல் செய்யப்படும்.

மிரட்டல் (பயமுறுத்தலின்) நோக்கம் ஒருவரை:

• கட்டுப்படுத்த
• தனது விருப்பத்திற்கு கீழ்ப்படியவைக்க
• கருத்தை மாற்ற வைக்க

இந்திய தண்டனைச் சட்டம் (IPC) 506 பிரிவு படி, ஒருவரை மிரட்டுவது (criminal intimidation) ஒரு குற்றம். இதில் மற்றவரை சேதப்படுத்துவதாக மிரட்டினால் சிறை மற்றும் அபராதம் கிடைக்கும். குற்றவியல் மிரட்டல் குற்றத்தைச் செய்பவர் எவரும் இரண்டு ஆண்டுகள் வரை நீட்டிக்கக்கூடிய ஒரு கால அளவிற்கு சிறைத்தண்டனை அல்லது அபராதம் அல்லது இரண்டும் சேர்த்து தண்டிக்கப்படுவார். மரணத்தையோ அல்லது கடுமையான காயத்தையோ ஏற்படுத்துவதாக அச்சுறுத்தல் இருந்தால் - மேலும் மரணத்தையோ அல்லது கடுமையான காயத்தையோ ஏற்படுத்துவதாக அச்சுறுத்தல் இருந்தால், அல்லது தீ வைத்து ஏதேனும் சொத்துக்களை அழிக்கச் செய்வதாக அச்சுறுத்தல் இருந்தால், அல்லது மரண தண்டனை அல்லது ஆயுள் தண்டனை விதிக்கக்கூடிய குற்றத்தை ஏற்படுத்துவதாக இருந்தால், ஏழு ஆண்டுகள் வரை சிறைத்தண்டனை விதிக்கப்படலாம், அல்லது ஒரு பெண்ணுக்கு ஒழுக்கக்கேடு இழைத்ததாகக் குற்றம் சாட்டப்பட்டால், ஏழு ஆண்டுகள் வரை சிறைத்தண்டனை விதிக்கப்படலாம், அல்லது அபராதம் விதிக்கப்படலாம் அல்லது இரண்டும் விதிக்கப்படும்.

• மன அழுத்தம் (Stress)
• பயச்சிதைவு (Anxiety)
• நம்பிக்கை குறைதல்
• வேலைவிடுப்பு அல்லது பள்ளி விட்டுவிடுதல்

சில நேரங்களில் தற்கொலை எண்ணங்களும் உண்டாகலாம்

1. ↑ "intimidation". LII / Legal Information Institute (in ஆங்கிலம்). Retrieved 2023-07-26.
2. ↑ "Definition of INTIMIDATE". www.merriam-webster.com (in ஆங்கிலம்). Retrieved 2022-11-18.