லியுத்தேத்தியம்(III) அயோடைடு

லியுத்தேத்தியம்(III) அயோடைடு
Lutetium(III) iodide

பெயர்கள்
வேறு பெயர்கள் லியுத்தேத்தியம் அயோடைடு லியுத்தேத்தியம் மூவயோடைடு
இனங்காட்டிகள்
சிஏஎசு எண்	13813-45-1 Y
ChemSpider	75574
EC number	237-475-0
பப்கெம்	83752
பண்புகள்
மூலக்கூறு வாய்பாடு	LuI3
தோற்றம்	திண்மம்[1]
அடர்த்தி	5.60 கி/செ.மீ−3[1][2][3][4]
உருகுநிலை	1050 °செல்சியசு[1]
கொதிநிலை	1210 °செல்சியசு[5]
தீங்குகள்
GHS pictograms
GHS signal word	எச்சரிக்கை[1]
en:GHS hazard statements	H315, H335, H319
en:GHS precautionary statements	P261, P280, P405, P501, P304+340, P305+351+338
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

லியுத்தேத்தியம்(III) அயோடைடு (Lutetium(III) iodide) என்பது LuI₃ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். இலூட்டீசியமும் அயோடினும் சேர்ந்து இந்த சேர்மம் உருவாகிறது.

இலூட்டீசியம் தனிமத்துடன் அயோடினைச் சேர்த்து வினைபுரியச் செய்தால் இலூட்டீசியம்(III) அயோடைடு உருவாகிறது.:^[5][2]

2 Lu + 3 I₂ → LuI₃

வெற்றிடத்தில் இலூட்டீசியம் தனிமத்துடன் பாதரச அயோடைடைச் சேர்த்து 500 பாகை செல்சியசு வெப்பநிலையில் வினைபுரியச் செய்தாலும் இலூட்டீசியம்(III) அயோடைடு உருவாகும்.:^[5]

2 Lu + 3 HgI₂ → 2 LuI₃ + 3 Hg

இவ்வினையில் உருவாகும் பாதரசத்தை வடிகட்டுதல் முறை மூலம் தனியே பிரித்தெடுக்கலாம்.^[6]

இலூட்டீசியம்(III) அயோடைடு நீரேற்றை அமோனியம் அயோடைடுடன் சேர்த்து சூடுபடுத்தினால் நீரிலி நிலை இலூட்டீசியம்(III) அயோடைடு படிகமாகும்.^[7][5]

பிசுமத்(III) அயோடைடு வகை படிக அமைப்பைக் கொண்டதாக இலூட்டீசியம்(III) அயோடைடு காணப்படுகிறது. பழுப்பு நிறத்தில் மிகவும் நீருறிஞ்சும் திடப்பொருளாகவும் அறியப்படுகிறது. காற்றில் விரைவாக ஈரப்பதத்தை உறிஞ்சி நீரேற்ருகளை உருவாக்கும்^[2][3][4] இதனுடன் தொடர்புடைய ஆக்சைடு அயோடைடும் உயர்ந்த வெப்பநிலையில் உடனடியாக உருவாகிறது.

சீரியத்துடன் இலூட்டீசியம்(III) அயோடைடு சேர்மத்தை மாசாக கலந்து பாசிட்ரான் உமிழ்வு தளகதிர் வரைவிகளில் பயன்படுத்த வடிவமைக்கப்படுகிறது.^[8] நியூட்ரான் மற்றும் காமா கதிர்வீச்சைக் கண்டறிய LuI₃-YI_3-GdI₃ மினுமினுப்பிகளில் இட்ரியம் அயோடைடு, கடோலினியம் அயோடைடு ஆகியவற்றுடன் இலூட்டீசியம்(III) அயோடைடையும் சேர்த்துப் பயன்படுத்தலாம்.^[9]