விக்கிப்பீடியா:பங்களிப்பாளர் அறிமுகம்/சா அருணாசலம்

சா. அருணாசலம் திருப்பூர் மாவட்டம், காங்கேயத்தைச் சேர்ந்தவர். 2014 ஆம் ஆண்டு முதுகலை வணிக மேலாண்மை படித்த பின்னர் 2015 முதல் 2022 வரை தனியார் நிறுவனமொன்றில் பணியாற்றினார். 2022 ஆம் ஆண்டு ஆகத்து மாதத்திலிருந்து விவசாயம் சார்ந்த தொழிலில் ஈடுபட்டுள்ளார். 2015 ஆம் ஆண்டு முதல் விக்கிப்பீடியாவில் பங்களித்து வருகிறார். இவர் நபர்கள், தமிழ்த் திரைப்படங்கள் தொடர்பான கட்டுரைகளை விரிவாக்கியும், ஒரு சில கட்டுரைகளை உருவாக்கியும் வருகிறார். இதுவரை நூறுக்கும் மேற்பட்ட கட்டுரைகளை உருவாக்கியுள்ளார். பிறைசூடன், தீபன் சக்ரவர்த்தி, காளிதாசன், காமகோடியன், கல்லாப்பெட்டி சிங்காரம், அவினாசி மணி, குருவிக்கரம்பை சண்முகம், பெ. அமுதா, இலாவண்யா சுந்தரராமன், ச. கல்யாணசுந்தரம், மணிமாலா ஆகியவை இவரால் உருவாக்கப்பட்ட சில கட்டுரைகளாகும்.