தமிழ் விக்கிப்பீடியாவில் முதற்பக்கக் கட்டுரைகள் ஒவ்வொரு வாரமும் இற்றைப்படுத்தப்படும் ஒரு முதற்பக்கப் பகுதி. முதற்பக்கத்தில் காட்சிப்படுத்துவதற்காகக் கட்டுரைகளைப் பரிந்துரைப்பவர்கள் இங்கு அவற்றைப் பட்டியலிடுமாறு கேட்டுக் கொள்ளப்படுகின்றனர்.
முதற்பக்கக் கட்டுரைக்கான தகுதிகள்
கட்டுரையில் ஒரு படம் இருக்க வேண்டும் அல்லது படம் இணைக்கத்தக்க கட்டுரையாக இருக்க வேண்டும் (பொது உரிம படிமம், படிமக் கொள்கைக்கு ஏற்புடையது).
கட்டுரை சிறிதாக இருந்தாலும் முழுமையானதாக இருக்க வேண்டும். பயனுள்ள தகவல்களைத் தர வேண்டும்.
காட்சிப்படுத்தும் முன்னர் தேவையான உரை திருத்தங்களை செய்வது நன்று.
நடுவு நிலைமை மீறல் அறிவிப்பு போன்ற விடயங்கள் (எ.கா: ஆதாரம் தேவை) உள்ள கட்டுரைகளை காட்சிப்படுத்த வேண்டாம்.
சிறியவர்களும், பள்ளி மாணவர்களும் காணத்தகுந்ததாக இருத்தல் நல்லது.
பிறந்த நாள் / நினைவு நாள், ஒலிம்பிக்சு போன்ற சிறப்பு நிகழ்வுகள் என குறிப்பிட்ட நாட்களில் காட்சிப்படுத்தினால் சிறப்பாக இருக்கக் கூடிய கட்டுரைகளுக்கு, பரிந்துரையின் போது முன்கூட்டியே அத்தகவலைத் தருவது நன்று.
முதற்பக்கத்தில் காட்சிப்படுத்துவதற்கு கட்டுரைத் தலைப்பின் முக்கியத்துவம் அவ்வளவு முக்கியமான காரணி அன்று. கட்டுரை தன்னளவில் சிறப்பாக எழுதப்பட்டிருந்தால் போதுமானது. எனவே, ஏன் காட்சிப்படுத்த வேண்டும் என்ற விளக்கத்தைத் தரத் தேவை இல்லை.
கட்டுரைகள் ஒரே மூலத்தைக் கொண்டு எழுதப்பட்டிருக்கக் கூடாது, குறைந்தது 5 மூலங்கள் வேண்டும்.
மிக அவதாகமாக எழுதப்படாதவரை தற்போது வாழும் தனிநபர்களையும் காட்சிப்படுத்துவதையும் தவிர்க்கலாம்.
ஏற்புடைய பரிந்துரைகளை காட்டும் வரிசை முறைக்கான வழிகாட்டல்
ஒவ்வொரு வாரமும் வெவ்வேறு துறையைச் சார்ந்த, வெவ்வேறு பயனர்கள் பெருமளவு எழுதிய, பரிந்துரைத்த கட்டுரைகள்.
பரிந்துரைகள் நெடுநாட்கள் தேங்காமல் பார்த்துக் கொள்ள வேண்டும். பரிந்துரைக்கப்படும் நாளை அறிய, பரிந்துரை கட்டுரையின் அருகில் கையொப்பமிடவும்.
சிறப்பு நாட்களை முன்னிட்டு அவை தொடர்பான கட்டுரைகளுக்கு முன்னுரிமை தரலாம் (எ.கா: பொங்கல், நத்தார், ரமலான நோன்பு, ஒலிம்பிக், தலைவர்கள் பிறந்த / இறந்த நாட்கள்...)
அடுத்த வாரத்திற்கான முதற்பக்கக் கட்டுரைகள்
குறிப்பு : இங்கு வரும் வார முதற்பக்கக் கட்டுரைகளைப் பட்டியல் இடுகிறோம். முதற்பக்கத்தில் காட்டும் முன்னரே, இக்கட்டுரைகளைக் கவனித்து உரை திருத்தி, விரிவாக்கி மேம்படுத்த வேண்டுகிறோம். இக்கட்டுரைகளைக் காட்டுவதில் மறுப்பு ஏதும் இருந்தால் உரையாடல் பக்கத்தில் தெரிவிக்கலாம். ஒவ்வொரு வாரமும் வெவ்வேறு துறை சார்ந்த கட்டுரைகளைக் காட்டுவது நன்று என்பதாலும், இதில் ஒரு தொடர்ச்சியைப் பேணுவது நல்லது. நீங்கள் விரும்பும் கட்டுரைகள் முதற்பக்கத்தில் இடம் பெற கீழே உள்ள பயனர் பரிந்துரைகள் பகுதியில் பரிந்துரையுங்கள். நன்றி.
இவற்றினை உருவாக்கிக் குறித்த தினத்திற்கு முன்னர் முழுமையாகாமல் இருக்கும் படி விடவேண்டாம். அடுத்து இடம்பெற இருப்பதை உருவாக்க விரும்பின் விக்கிப்பீடியா:முதற்பக்கக் கட்டுரைகள்/மணல்தொட்டி இல் உருவாக்கி பூரணமடைந்த பின்னர் மட்டுமே சரியான திகதிக்கு வழிமாற்றி விடுக. கீழுள்ளவை உருவாக்கப்பட்டு பூரணமாகாமல் இருத்தல் முதற்பக்கத்தில் பிழைகளை ஏற்படுத்த நேரிடும்.
