விதர்ப்பதேசம்

விதர்ப்பதேசம் விந்தியமலையின் தெற்கில் மலை அடிவாரம் முதல் கிழக்கில் சிபரா நதி உருவாகும் இடம் வரையிலும், மேற்கில் நர்மதை நதி உருவாகும் இடம் வரையிலும், பரவி இருந்த தேசம்.^[1]

இந்த தேசத்தின் பூமி சம தளமானது, விந்திய மலையின் ஓரத்தில் மிகவும் உயர்ந்தும் கொஞ்சம் கொஞ்சமாக வடக்கில் தாழ்ந்தும் பெரிய பெரிய மலைகள் நிறைந்தும் காணப்படுகிறது.^[2]

இந்த தேசமானது விந்தியமலைக்கு அருகில் இருப்பதால் தொடர்குன்றுகள் நிறைந்தும், கற்பாறைகள் மிகுந்தும் வளம் குன்றியும், சிறிய காடுகளும், அவைகளில் கரடி, பன்றி, புலி, யானை, குயில், மயில், அணில் ஆகிய விலங்குகள் அதிகமாக இருக்கும்.

இந்த தேசத்தின் நதிகள் விந்தியமலையில் ஓடும் மலையருவிகளே ஆகும். இவற்றில் கும்பிலா நதி முக்கியமானதாகும்.

இந்த தேசத்தில் நெல், கோதுமை, கரும்பு முதலியனவும், தாமிரம், பித்தளை, முதலிய உலோகப் பொருள்களாலான வெகு அழகாய், நேர்த்தியாய் செய்யப்பட்ட பாத்திரங்களையும், இரும்பாலான ஆயுதங்களையும் அம்மக்கள் பயன்படுத்தினர்.

• புராதன இந்தியா என்னும் 56 தேசங்கள் - சந்தியா பதிப்பகம் - சென்னை-83- மூன்றாம் பதிப்பு-2009