ஸ்டாண்ட்-அப் இந்தியா

ஸ்டாண்ட்-அப் இந்தியா
	படிமம்:StandUp India.gif
நாடு	இந்தியா
பிரதமர்	நரேந்திர மோதி
துவங்கியது	5 ஏப்ரல் 2016; 9 ஆண்டுகள் முன்னர்
இணையத்தளம்	www.standupmitra.in

ஸ்டாண்ட்-அப் இந்தியா திட்டம் என்பது பெண்கள் மற்றும் எஸ்சி & எஸ்டி சமூகங்களிடையே தொழில்முனைவோரை ஆதரிப்பதற்காக 5 ஏப்ரல் 2016 அன்று இந்திய அரசால் தொடங்கப்பட்டது. ஸ்டாண்ட் அப் இந்தியா கடன் திட்டம் என்பது 2016 ஆம் ஆண்டில் இந்திய அரசால் தொடங்கப்பட்ட ஒரு முயற்சியாகும், இது தொழில்முனைவோரை ஊக்குவிப்பதற்கும், நாட்டில் உள்ள பட்டியல் சாதி (எஸ். சி./பட்டியல் பழங்குடி) மற்றும் பெண் தொழில்முனைவோருக்கு வங்கிக் கடன்களை வழங்குவதற்கும் உதவுகிறது. இந்தத் திட்டம் உற்பத்தி, வர்த்தகம் அல்லது சேவைத் துறையில் ஒரு கிரீன்ஃபீல்ட் நிறுவனத்தை அமைப்பதற்காக ரூ. 1 கோடி வரை கடன் வழங்குவதை நோக்கமாகக் கொண்டுள்ளது.^[1]

இது ஸ்டார்ட்அப் இந்தியா போன்றது, ஆனால் அதிலிருந்து வேறுபட்டது. இரண்டு திட்டங்களும் மேக் இன் இந்தியா, தொழில்துறை வழித்தடம், பிரத்யேக சரக்கு வழித்தடம் (Dedicated Frite Corridor), சாகர்மாலா, பாரத்மாலா, உடான்-ஆர்.சி.எஸ்., டிஜிட்டல் இந்தியா, பாரத்நெட் மற்றும் உமாங் போன்ற இந்திய அரசின் பிற திட்டங்களின் பயனாளிகளாக உள்ளது.

வரலாறு

பெண்கள் மற்றும் எஸ்சி & எஸ்டி சமூகங்களிடையே தொழில்முனைவோரை ஆதரிப்பதற்கான அரசாங்கத்தின் முயற்சிகளின் ஒரு பகுதியாக பிரதமர் நரேந்திர மோடி 5 ஏப்ரல் 2016 அன்று ஸ்டாண்ட்-அப் இந்தியா திட்டத்தை தொடங்கினார்.^[2]

இந்தத் திட்டம், விவசாயத் துறைக்கு வெளியே புதிய நிறுவனங்களை அமைக்கும் பெண்கள் மற்றும் பட்டியல் சாதியினர் மற்றும் பழங்குடியினருக்கு ₹10 இலட்சம் (ஐஅ$12,000) ரூபாய் முதல் ₹1 கோடி (ஐஅ$1,20,000) ரூபாய் (அமெரிக்க $130,000) வரை வங்கிக் கடன்களை வழங்குகிறது.^[3]

ஏப்ரல் 2023 இல், மத்திய நிதித்துறை இணையமைச்சர் பகவத் கரத், இத்திட்டம், நிதியச் சேர்க்கைக்கான தேசிய இயக்கத்தின் நோக்கமான, ஓரங்கட்டப்பட்ட குழுக்களுக்கு நிதி வாய்ப்புகளை வழங்குவதுடன் இணைந்துள்ளது என்றார். கடந்த ஏழு ஆண்டுகளில், 180,000 க்கும் மேற்பட்ட தொழில்முனைவோர் இத்திட்டத்தின் மூலம் பயனடைந்துள்ளதாகவும், இந்த முன்முயற்சியின் மூலம் வழங்கப்பட்ட கடன்களில் 80 சதவீதத்திற்கும் அதிகமானவை பெண் தொழில்முனைவோருக்காக ஒதுக்கப்பட்டுள்ளதாகவும் அவர் கூறினார்.^[4]