2016 பாக்கித்தான் வெள்ளம்

2016 பாக்கித்தான் வெள்ளம் (2016 Pakistan flood) குறைந்தபட்சம் 71 பேரை பலிகொண்டது ^[1][2]. 34 பேர் மருத்துவமனையில் அனுமதிக்கப்பட்டனர். 2016 ஆம் ஆண்டு ஏப்ரல் மாதம் 3 ஆம் நாள் ^[3] சனிக்கிழமை இரவு தொடங்கிய அடை மழையால் வெள்ளப்பெருக்கு ஏற்பட்டதே இதற்கு காரணமாகும் ^[4][5][6]. வடமேற்கு எல்லைப்புற மாகாணமான ^[7] கைபர் பக்துன்வா மாகாணம் இவ்வெள்ளத்தால் பெரிதும் பாதிக்கப்பட்டது. பருவகாலத்திற்கு முன் கனமழை பொழிவது தெற்கு ஆசியாவில் ஒரு பொதுவான நிகழ்வாகும் ^[8].

கைபர் பக்துன்வா அரசாங்கம் வெள்ளத்தால் பாதிக்கப்பட்டவர்களுக்கு நிவாரணம் வழங்கத் தொடங்கியது ^[7]. மோசமான உள்கட்டமைப்புடன் கூடிய கிராமப்புற பகுதிகள் மிகவும் எளிமையாக பாதிக்கக்கூடியவை என்பதால் இந்த வெள்ளப்பெருக்கு நிகழ்வில் சுமார் 150 வீடுகள் அடித்துச் செல்லப்பட்டன ^[3][9]. மேலும் வெள்ளப்பெருக்கினால் ஏற்பட்ட கொடூரமான நிலச்சரிவுகளால் கூடுதலாக 23 பேர் கொல்லப்பட்டனர். இருப்பினும் 5 பேர் உயிர் பிழைத்தனர் மற்றும் மீட்கப்பட்டனர் ^[10]. மேலும் இப்பகுதியில் உள்ள பாலங்கள் மற்றும் சாலைகள் நிர்மூலமாயின. பயிர் இழப்பும் அதிக அளவில் ஏற்பட்டது ^[10][11]. இதே ஆண்டு ஆகத்து மாதத்தில் மற்றொரு கனமழைக்கு வெள்ளப் பெருக்கு ஏற்பட்டு வெள்ளம் காரணமாக 82 பேர் கொல்லப்பட்டனர், கோரமான பேருந்து விபத்தில் ஏற்பட்ட 27 பேரின் உயிரிழப்பும் மற்றும் நான்கு பேர் காணாமல் போன நிகழ்வும் இதில் அடங்கும் ^[12].