ஆத்திரேலியா விளையாட்டரங்கம்

ஏ.என்.செட். விளையாட்டரங்கம்
ANZ Stadium
ஏ.என்.செட். விளையாட்டரங்கம்; ANZ Stadium
ஒலிம்பிக் விளையாட்டரங்கம், ஹோம்புஷ் விளையாட்டரங்கம்
இடம்	சிட்னி, ஆஸ்திரேலியா
அமைவு	33°50′50″S 151°3′48″E / 33.84722°S 151.06333°E
எழும்பச்செயல் ஆரம்பம்	செப்டம்பர் 1996
திறவு	6 மார்ச் 1999
உரிமையாளர்	ஸ்டேடியம் ஆத்திரேலியா குழுமம்
ஆளுனர்	ஸ்டேடியம் ஆத்திரேலியா குழுமம்
தரை	புற்தரை
கட்டிட விலை	A$ 690 மில்லியன்
கட்டிடக்கலைஞர்	பொப்புலசு
முன்னாள் பெயர்(கள்)	டெல்ஸ்ட்ரா விளையாட்டரங்கம் (2002–2007)
குத்தகை அணி(கள்)	2000 கோடைக்கால ஒலிம்பிக் விளையாட்டுப் போட்டிகள்; நியூ சவுத்து வேல்சு புளூசு; ஆசியக் கிண்ணம் கால்பந்து 2015
அமரக்கூடிய பேர்	82,500 (நீள்வட்டம்) ; 84,000 (நாற்சதுரம்) ; 110,000 (2000 ஒலிம்பிக் போட்டிகள்)
பரப்பளவு	170மீ x 128மீ (நீள்வட்டம்)

ஆத்திரேலியா விளையாட்டரங்கம் (Stadium Australia), விளம்பர ஆதரவுக்காக ஏ.என்.செட். விளையாட்டரங்கம் (ANZ Stadium) என அழைக்கப்படும் பல-நோக்கு விளையாட்டரங்கம் ஆத்திரேலியாவின் சிட்னிநகரின் சிட்னி ஒலிம்பிக் பூங்கா என்ற புறநகர்ப் பகுதியில் அமைந்துள்ளது.^[2] பொதுவாக "ஒலிம்பிக் விளையாட்டரங்கம்" (Olympic Stadium) என அழைக்கப்படும் இது 1999 ஆம் ஆண்டில் A$690 மில்லியன் செலவில் 2000 கோடைக்கால ஒலிம்பிக் விளையாட்டுப் போட்டிகள் நடத்தும் பொருட்டு அமைக்கப்பட்டது.^[1] இரக்பி, துடுப்பாட்டம், சங்கக் கால்பந்து பன்னாட்டுப் போட்டிகள் இவ்விளையாட்டரங்கில் நடத்தப்படுகின்றன.^[3]

ஆரம்பத்தில் இவ்வரங்கம் 110,000 பார்வையாளர்களைக் கொள்ளக்கூடியதாக, உலகிலேயே மிகப் பெரிய ஒலிம்பிக் அரங்கம் ஆகவும், ஆத்திரேலியாவின் மிகப் பெரிய விளையாட்டரங்கமாகவும் அமைக்கப்பட்டது. 2003 ஆம் ஆண்டில் இதன் வடக்கு மற்றும் தெற்கு பகுதிகள் குறுக்கப்பட்டு, நகரக்கூடிய இருக்கைகளைக் கொண்டு மீளமைக்கப்படது. இதனால் இவ்வரங்கின் இருக்கைகளின் எண்ணிக்கை நீள்சதுர அமைப்பிற்கு 83,500 ஆகவும், நீள்வட்ட அமைப்பிற்கு 82,500 ஆகவும் குறைந்தது. இது தற்போது மெல்பேர்ண் துடுப்பாட்ட அரங்கிற்கு அடுத்தபடியாக ஆத்திரேலியாவின் இரண்டாவது பெரிய விளையாட்டரங்கமாக உள்ளது.^[4]