சூன் 2012 அன்று ஹாலிவுட், கலிபோர்னியா வினி திரையரங்கில் வைக்கப்பட்டிருந்த இனசன்சு ஆவ் பின்லேடன் (படத்தின் முந்தைய பெயர்) பட சுவரொட்டி
இயக்கம்
ஆலன் ராபர்ட்
தயாரிப்பு
"சாம் பசீலி" என கருதப்பட்ட நகோலா பாஸ்லி நகோலா
கதை
"சாம் பசீலி" என கருதப்பட்ட நகோலா பாஸ்லி நகோலா
கலையகம்
மீடியா ஆப் கிரிசுட்
ஓட்டம்
120 நிமிடங்கள்
நாடு
ஐக்கிய அமெரிக்கா
மொழி
ஆங்கிலம்
இனசன்சு ஒவ் முசுலிம்சு (Innocence of Muslims) என்பது ஐக்கிய அமெரிக்காவில் 2012 இல் வெளியான மத, அரசியல் தொடர்பான திரைப்படம். இது முதலில் இனசன்சு ஆவ் பின்லேடன் என்ற பெயரில் ஜூன் மாதம் வெளியானது. இத்திரைப்படம் சூலை 1,2012 அன்று முதல் யூடியூபில் காணக்கிடைத்தாலும் [1] பின்னர் பல அரபு தொலைக்காட்சிகள் இதைப்பற்றி செய்தி வெளியிட்டதும் பலரது கவனத்தை கவர்ந்தது. எகிப்த்திய மத தொலைக்காட்சி அல் நாசில் செப்டம்பர் 8, 2012 அன்று இத்திரைப்படத்தின் சில காட்சிகளை அரபு மொழியில் மொழிமாற்றம் செய்யப்பட்டு யூடியூபில் காண்பிக்கப்பட்டதை அடுத்து அரபு உலகில் பெரும் ஆர்ப்பாட்டங்கள் நிகழ்ந்தன [1]. எகிப்தின் கெய்ரோவிலுள்ள அமெரிக்கா தூதரகம் செப்டம்பர் 11, 2012இல் தாக்கப்பட்டது. லிபியாவின் பங்காசி நகரிலுள்ள துணைத் தூதரகம் மீதான தாக்குதலில் லிபியாவிற்கான அமெரிக்கத் தூதுவர் கிறிஸ்டோபர் ஸ்டீபன்ஸ் உட்பட நான்கு அலுவலர்கள் கொல்லப்பட்டனர்.[2] இதனைத் தொடர்ந்து பல நாடுகளில் ஆர்ப்பாட்டங்களும் வன்முறைகளும் இடம்பெற்றன.
தயாரிப்பு
செம்டம்பர் 2012 இல், "சாம் பசீலி" எனும் 56 (52 எனவும் கூறப்பட்டது)[3] வயதுக்காரர் ஏ.பி செய்தி சேவையுடன் தொலைபேசியில் உரையாடிய தான் இசுரேலிய வீடு, நில உரிமை அபிவிருத்தியாளர் என்றார்.[2][4] ஆயினும் இசுரேலிய அதிகாரிகள் குறிப்பிட்ட நபர் இசுரேலிய குடிமகன் என்பதற்கான எவ்வித அடையாளமும் இல்லையென்றனர்.[5] அதேவேளை "சாம் பசீலி" என்ற பெயரில் 50 வயது நிரம்பிய ஒருவர், வீடு, நில உரிமைப் பத்திரத்துடனோ அல்லது ஹாலிவூட் திரைப்பட உருவாக்கத்தில் கலிபோர்னியாவில் இல்லை என அறியக்கிடைத்தது.[6][7] திரைப்பட தயாரிப்பிற்காக நூற்றுக்கு மேற்பட்ட யூதர்களிடமிருந்து 5 மில்லியன் அமெரிக்க டொலர்களை பெற்றதாகத் சாம் பசீலி குறிப்பிட்டதுபோல் திரைப்படம் தொழில்முறையைக் கொண்டிராதது அவரின் கூற்றை சந்தேகப்படுத்தியது.[8][9] சாம் பசீலி என அடையாளப்படுத்தப்பட்டவரின் கூற்றின்படி, அவர் இசுலாமின் வெளிவேடத்தை காட்டவே இத்திரைப்படம் தயாரித்ததாகக் கூறியிருந்தார்.[10]
பின்பு, "சாம் பசீலி" எனப்பட்டவர் எகிப்திலிருந்து கலிபோர்னியாவுக்கு குடியேறிய கெப்டிக் கிறித்தவரான நகோலா பாஸ்லி நகோலா என அடையாளம் காணப்பட்டார். 2010 இல், நகோலா மெதம்படமைன் உற்பத்தி செய்தமைக்காக கைது செய்யப்பட்டு, வங்கி ஏமாற்றில் தான் ஈடுபடவில்லை வாதாடி, பின் 21 மாத சிறைத் தண்டனைக்கு தீர்ப்பிடப்பட்டிருந்தார்.[11][12] சூன் 2011 இல் நன்னடைத்தைக்காக விடுதலை செய்யப்பட்டார்.[13] சிறையில் இருந்த காலத்தில் தன் மகனின் உதவியுடன் திரைக்கதையினை எழுதி, தன் மனைவியின் எகிப்திலிருந்த உறவினர்களிடம் $50,000 முதல் $60,000 வரைக்கு இடைப்பட்ட பணத்தினை சேகரித்ததாக அவர் காவல்துறைக்கு தெரிவித்ததாக அதிகாரிகள் கூறினர்.[12][14]
2012 ஐக்கிய அமெரிக்க தூதரகங்கள் மீதான தாக்குதல்கள்
செப்டம்பர் 11, 2012 அன்று எகிப்தின் கைரோவிலுள்ள ஐக்கிய அமெரிக்க தூதரகம், லிபியாவின் பெங்காசியில் அமைந்துள்ள ஐக்கிய அமெரிக்கத் துணைத் தூதரகம் என்பன இனசன்சு ஒவ் முசுலிம்சு என்ற திரைப்படத்தின் முன்னோட்டக் காட்சிகள் யூடியூபில் வெளியானதைத் தொடர்ந்து, பல முசுலிம்களால் அத்திரைப்படம் தெய்வ நிந்தை எனக் கருதப்பட்டு தாக்குதலுக்கு உள்ளாகின.
