ஐக்கிய அமெரிக்காவின் குடியரசுத் தலைவர்

அமெரிக்க ஐக்கிய நாடு குடியரசுத் தலைவர்
குடியரசுத் தலைவரின் முத்திரை
குடியரசுத் தலைவரின் கொடி
தற்போது டோனால்ட் டிரம்ப் பெப்பிரவரி 1, 2024 (2024-02-01) முதல்
ஐக்கிய அமெரிக்க அரசின் செயலாக்கப் பிரிவு குடியரசுத் தலைவரின் செயல் அலுவலகம்
உறுப்பினர்	அமைச்சரவை உள்நாட்டு கொள்கை மன்றம் தேசிய பொருளியல் மன்றம் தேசிய பாதுகாப்பு மன்றம்
வாழுமிடம்	வெள்ளை மாளிகை
அலுவலகம்	வாசிங்டன், டி. சி.
நியமிப்பவர்	வாக்காளர் குழு
பதவிக் காலம்	நான்கு ஆண்டுகள் ஒருமுறை புதுப்பிக்கத்தக்கது
அரசமைப்புக் கருவி	ஐக்கிய அமெரிக்க அரசியலமைப்பு
முதலாவதாக பதவியேற்றவர்	சியார்ச் வாசிங்டன் ஏப்ரல் 30, 1789
உருவாக்கம்	மார்ச்சு 4, 1789
ஊதியம்	ஆண்டுக்கு $400,000
இணையதளம்	வெள்ளை மாளிகை

ஐக்கிய அமெரிக்க நாட்டுக் குடியரசுத் தலைவர் ( President of the United States of America, POTUS)^[1] என்பவர் அமெரிக்க ஐக்கிய நாட்டின் மக்களால் தேர்ந்தெடுக்கப்பட்ட நாட்டுத் தலைவரும் அரசுத் தலைவரும் ஆவார். கூட்டரசின் செயலாக்கப் பிரிவின் தலைவராக உள்ளார். ஐக்கிய அமெரிக்க ஆயுதப் படைகளின் முதற் பெரும் படைத்தலைவராகவும் உள்ளார்.

ஐக்கிய அமெரிக்காவின் குடியரசுத் தலைவர் உலகில் மிகுந்த செல்வாக்குடைய நபராகக் கருதப்படுகின்றார்.^[2][3][4][5] உலகின் மிகுந்த அணுசக்தி ஆயுதங்களைக் கொண்ட மிகுந்த செலவிடப்படும் படைத்துறையின் முதற் பெரும் தலைவராகவும் பெயரளவில் மற்றும் மெய்யான மொ.உ.உ அடிப்படையில் மிகப்பெரும் பொருளியல் நிலையைக் கொண்ட நாட்டின் அதிபராகவும் தற்காலத்தில் உலகில் உள்ள ஒரே வல்லரசின் தலைவர் என்பதாலும் இவ்வாறு கருதப்படுகின்றார். ஐக்கிய அமெரிக்காவிலும் பிற நாடுகளிலும் குடியரசுத் தலைவரின் அலுவலகத்திற்கு வன்மையாகவும் மென்மையாகவும் மிகுந்த செல்வாக்கு உள்ளது.

ஐக்கிய அமெரிக்க அரசியலமைப்பின் இரண்டாம் சட்டவிதியின்படி ஐக்கிய அமெரிக்க நாட்டின் செயலாக்க அதிகாரம் குடியரசுத் தலைவருக்கு வழங்கப்பட்டுள்ளது. இதன்படி கூட்டரசு சட்டத்தை செயற்படுத்தவும் கூட்டரசு அதிகாரிகள், பேராளர்கள், கட்டுப்பாட்டு ஆணையங்கள் மற்றும் நீதிமன்றங்களின் அதிகாரிகள் ஆகியோரை நியமிக்கவும் மேலவையின் பரிந்துரையின்படியும் ஒப்புமையுடனும் வெளிநாடுகளுடன் இறுதி உடன்பாடுகளை மேற்கொள்ளவும் அதிகாரமுள்ளது. தவிரவும் தண்டனைகளுக்கு மன்னிப்பு வழங்கிடவும் தற்காலிகமாக நிறுத்தி வைக்கவும் சட்டமன்றத்தின் இரு அவைகளையும் கூட்டவும் தள்ளி வைக்கவும் அதிகாரம் வழங்கப்பட்டுள்ளது.^[6] தமது கட்சி சார்பில் சட்டமன்ற அலுவலை முடிவு செய்யும் பொறுப்பும் குடியரசுத் தலைவருக்கு உண்டு. ஐக்கிய அமெரிக்காவின் உள்நாட்டு, வெளிநாட்டுக் கொள்கைகளை வழிநடத்தும் பொறுப்பும் இவருக்குள்ளது.^[7] ஐக்கிய அமெரிக்கா நிறுவப்பட்டதிலிருந்து குடியரசுத் தலைவரின் அதிகாரங்களும் கூட்டரசின் பங்காற்றலும் குறிப்பிடத்தக்க அளவில் வளர்ந்துள்ளது.^[8]

குடியரசுத் தலைவர் நான்காண்டுகளுக்கு ஒருமுறை மக்களால் வாக்காளர் குழு மூலமாக மறைமுகமாகத் தேர்ந்தெடுக்கப்படுகின்றார்; தேசிய அளவில் இவ்வாறு தேர்ந்தெடுக்கப்படும் இரு கூட்டரசு பதவிகளில் இதுவொன்று, மற்றது ஐக்கிய அமெரிக்காவின் துணைக் குடியரசுத் தலைவர் பதவிக்கானதாகும்.^[9] 1951இல் இயற்றப்பட்ட ஐக்கிய அமெரிக்க அரசியலமைப்பின் 22ஆவது சட்டத்திருத்தத்தின்படி மூன்றாம் முறை தொடர்ந்து முழுமைக்கால குடியரசுத் தலைவர் தேர்தலில் போட்டியிடுவது தடை செய்யப்பட்டுள்ளது. மேலும் ஒருவர் முன்னதாக குடியரசுத் தலைவராகவோ, மற்றொருவர் பதவிக் காலத்தில் இரண்டாண்டுகளுக்கு மேலாக குடியரசுத் தலைவர் பொறுப்பில் இருந்தாலோ ஒருமுறைக்கு மேலாக போட்டியிடுவதை தடை செய்கின்றது. இதுவரை 58 முழு நான்காண்டுப் பதவிக் காலங்களில் 44 நபர்கள் (கிளீவ்லாண்ட் தொடர்ச்சியாகவின்றி இருமுறை தனித்தனியாக இருந்ததை கணக்கிலெடுத்து) 45 பதவிகளில் இருந்துள்ளனர்.^[10] சனவரி 20, 2021இல் ஜோ பைடன் 46வது குடியரசுத் தலைவராகப் பொறுப்பேற்றார்;இவரே தற்போதைய குடியரசுத் தலைவராக விளங்குகின்றார்.

அரசியலமைப்பின் இரண்டாவது சட்டவிதியின் முதல் பிரிவு, ஐந்தாம் உட்கூறு இப்பதவிக்கானத் தகுதிகளை விவரிக்கின்றது. குடியரசுத் தலைவர்:

• ஐக்கிய அமெரிக்காவின் இயல் குடிமகனாக இருத்தல் வேண்டும்;^{[note 1]}
• முப்பத்தைந்து அகவையினராக இருத்தல் வேண்டும்.42 அகவையில் தியொடோர் ரோசவெல்ட் மிகுந்த இளையவராகவும் 78 அகவையில் ஜோ பைடன் மிகுந்த வயதினராகவும் பதவி ஏற்றனர்.
• ஐக்கிய அமெரிக்காவில் குறைந்தது பதினான்காண்டுகள் நிரந்தரமாக வசித்தவராக இருத்தல் வேண்டும்.

• வாழும் முன்னாள் குடியரசுத் தலைவர்கள்
• 
  ஜிம்மி கார்ட்டர் (ம)

  39வது, பணிக்காலம் 1977–1981

  பி. 1924 (அகவை 96)
• 
  பில் கிளின்டன் (ம)

  42வது, பணிக்காலம் 1993–2001

  பி. 1946 (அகவை 74)
• 
  ஜார்ஜ் வா. புஷ் (கு)

  43வது, பணிக்காலம் 2001–2009

  பி. 1946 (அகவை 74)
• 
  பராக் ஒபாமா (ம)

  44வது, பணிக்காலம் 2009–2017

  பி. 1961 (அகவை 59)
• 
  டோனால்ட் டிரம்ப் (கு)

  45வது, பணிக்காலம் 2017–2021

  பி. 1946 (அகவை 74)

விக்கிமூலத்தில் பின்வரும் தலைப்பிலான எழுத்தாக்கம் உள்ளது: ஐக்கிய அமெரிக்காவின் குடியரசுத் தலைவர் விக்கிமீடியா பொதுவகத்தில், Presidents of the United States என்பதில் ஊடகங்கள் உள்ளன. விக்கிமேற்கோள் பகுதியில், இது தொடர்புடையவைகளைக் காண்க: ஐக்கிய அமெரிக்காவின் குடியரசுத் தலைவர்

அஅலுவல்முறை

• "Executive Office of the President". Retrieved January 21, 2009.
• "White House". Retrieved October 7, 2005.

குடியரசுத் தலைவர்களின் வரலாறுகள்

• A New Nation Votes: American Election Returns, 1787–1825 பரணிடப்பட்டது 2007-05-12 at the வந்தவழி இயந்திரம் Presidential election returns including town and county breakdowns
• "Life Portraits of the American Presidents". C-SPAN. Retrieved October 7, 2005. Companion website for the C-SPAN television series: American Presidents: Life Portraits
• "Presidential Documents from the National Archives". Retrieved March 21, 2007. Collection of letters, portraits, photos, and other documents from the National Archives
• "The American Presidency Project". UC Santa Barbara. Retrieved October 7, 2005. Collection of over 67,000 presidential documents
• The History Channel: US Presidents

பிற

• "All the President's Roles". Ask Gleaves. Retrieved October 20, 2006. Article analyzing a president's many hats
• Hauenstein Center for Presidential Studies Educational site on the American presidency
• "Presidents' Occupations". Retrieved August 20, 2007. Listing of every President's occupations before and after becoming the Commander in Chief
• "The Masonic Presidents Tour". The Masonic Library and Museum of Pennsylvania. Archived from the original on அக்டோபர் 12, 2014. Retrieved October 7, 2005. Brief histories of the Masonic careers of Presidents who were members of the Freemasons
• "The Presidents". American Experience. Retrieved March 4, 2007. PBS site on the American presidency
• Presidents of the United States: Resource Guides from the Library of Congress
• Shapell Manuscript Foundation பரணிடப்பட்டது 2015-02-21 at the வந்தவழி இயந்திரம் Images of documents written by U.S. presidents