சேத்தன் பகத்

சேத்தன் பகத்
சேத்தன் பகத்
	2012 இல் சேத்தன் பகத்
பிறப்பு	சேத்தன் பிரகாஷ் பகத்; 22 ஏப்ரல் 1974 (அகவை 51); தில்லி, இந்தியா
மொழி	ஆங்கிலம், இந்தி
கல்வி	இந்திய தொழில்நுட்பக் கழகம் தில்லி (B.Tech); இந்திய மேலாண்மை கழகம் அகமதாபாத் (PGP)
காலம்	2004-present
வகை	காதல், புனைகதை
குறிப்பிடத்தக்க படைப்புகள்	ஃபைவ் பாயிண்ட் சம் வன்', 2 ஸ்டேட்ஸ்: தி ஸ்டோரி ஆஃப் மை மேரேஜ், தெ 3 மிஸ்டேக்ஸ் ஆஃப் மை லைஃப்', ஹால்ஃப் கேர்ள்பிரண்ட்', 'வன் இண்டியன் கேர்ள்'

சேத்தன் பகத் (Chetan Bhagat) ^[1] (பிறப்பு 22 ஏப்ரல் 1974) ^[2] ஓர் இந்திய எழுத்தாளர், கட்டுரையாளர் மற்றும் யூடியூபர் ஆவார். 2010இல் டைம் இதழின் உலகின் மிகவும் செல்வாக்கு மிக்க 100 நபர்களின் பட்டியலில் இடம்பெற்றர்.^[3]^[4]

கல்வி

சேத்தன் பகத் இந்திய தொழில்நுட்பக் கழகம் தில்லியில் இயந்திரப் பொறியியல் பட்டம் பெற்றார், பின்னர் இந்திய மேலாண்மை கழகம் அகமதாபாத்தில் பிஜிபி படித்தார்.^[5] ஒரு முதலீட்டு வங்கியாளராக தனது வாழ்க்கையைத் தொடங்கினார், ஆனால் சில ஆண்டுகளுக்குப் பிறகு எழுத்துப் பணிக்காக அந்தப் பணியினைத் தொடரவில்லை. பத்து புதினங்கள் மற்றும் மூன்று புனைகதை அல்லாத புத்தகங்களை எழுதியுள்ளார். அவரது முதல் புதினமான ஃபைவ் பாயிண்ட் சம்ஒன் 2004 இல் வெளியிடப்பட்டது.

ஆரம்பகால வாழ்க்கை

சேத்தன் பகத் மேற்கு டெல்லியில் உள்ள நரைனா விஹாரில் பாரம்பரிய இந்து பஞ்சாபி குடும்பத்தில் வளர்ந்தார். இவரது தந்தை இந்திய ராணுவத்தில் இளம் பேரரையராகப் பணியாற்றினார், மேலும் இவரது தாயார் புது தில்லியில் உள்ள இந்திய வேளாண் ஆராய்ச்சி நிறுவனத்தில் விஞ்ஞானியாகப் பணியாற்றினார். தௌலா குவான் இராணுவ பொதுப் பள்ளியில் பயின்றார்.^[6] 15ஆம் வயதில் சராசரி மாணவராக இருந்ததாகக் கூறுகிறார்.^[7]^[8]

பகத் 1995 ஆம் ஆண்டு தில்லியில் உள்ள இந்திய தொழில்நுட்பக் கழகத்தில் 9+ தரத்துடன் இயந்திரப் பொறியியல் துறையில் பி.டெக் பட்டம் பெற்றார்.

பின்னர் இந்திய மேலாண்மை கழகம் அகமதாபாத் (IIMA) சைந்தையிடல் வணிக நிர்வாகத்தில் 1997 இல் பட்டம் பெற்றார் ^[9]^[10] ஜூன் 2018 இல், கலை மற்றும் பொழுதுபோக்கு பிரிவில் அவருக்கு "இளம் முன்னாள் மாணவர் சாதனையாளர் விருது 2018" ஐ IIMA வழங்கியது.^[11]^[12]

தொழில் வாழ்க்கை

சேத்தன் பகத்தின் ஐந்து புதினங்கள் திரைப்படமாக வெளியானது. 2008 இல் ஹலோ ( ஒன் நைட் @ தி கால் சென்டரை அடிப்படையாகக் கொண்டது), 2009 இல் 3 இடியட்ஸ் ( ஃபைவ் பாயிண்ட் சம்யோனை அடிப்படையாகக் கொண்டது), கை போ சே! 2013 இல் ( தெ 3மிஸ்டேக்ஸ் இன் மை லைஃப் என்பதனை அடிப்படையாகக் கொண்டது); 2014 இல் 2 ஸ்டேட்ஸ் ( 2 ஸ்டேட்ஸ்: தி ஸ்டோரி ஆஃப் மை மேரேஜ் அடிப்படையாகக் கொண்டது) மற்றும் 2017 இல் ஹாஃப் கேர்ள்பிரண்ட் ( ஹாஃப் கேர்ள்பிரண்ட் அடிப்படையாகக் கொண்டது). பகத் 2014 இல் கிக் ,காய் போ சே! மற்றும் ஹாஃப் கேர்ள்பிரண்ட் போன்ற பாலிவுட் படங்களுக்கு வசனம் எழுதியுள்ளார் மற்றும் .^[13] 014 இல் 59வது ஃபிலிம்பேர் விருதுகளில்கை போ சே படத்திற்காக பகத் சிறந்த திரைக்கதைக்கான பிலிம்பேர் விருதை வென்றார்.^[14]

வரவேற்பு

பகத், தனது எழுத்துத் திறமைக்காக விமர்சிக்கப்பட்டார்.^[15] ஒன் இந்தியன் கேர்ள் புதினத்திற்காக 2017 இல் படைப்புத்திருட்டு குற்றச்சாட்டுக்கு ஆளானார், ஆனால் அதை பகத் மறுத்தார்.^[16]^[17]

ஏப்ரல் 2017 இல், ஆங்கில இலக்கியப் பாடத்திட்டத்தின் ஒரு பகுதியாக பகத்தின் புதினமான ஃபைவ் பாயிண்ட் சம்யோனை சேர்க்க தில்லி பல்கலைக்கழகத்தின் முடிவு விமர்சிக்கப்பட்டது.^[18]^[19]^[20]

செப்டம்பர் 2017 இல் பல்கலைக்கழகம் இந்த முடிவை நிறுத்தி வைத்திருப்பதாக அறிவித்தது.^[21]^[22] ஹிந்துஸ்தான் டைம்ஸின் ஸ்வேதா கௌஷல், பகத் புத்தகங்கள் எழுதுவதை நிறுத்திவிட்டு பாலிவுட்டில் மட்டும் கவனம் செலுத்த வேண்டும் என்று ஒரு கட்டுரை எழுதினார்.^[4]