டைநைட்ரோ-ஆர்த்தோ-கிரெசால்

டைநைட்ரோ-ஆர்த்தோ-கிரெசால்
Dinitro-*ortho*-cresol
பெயர்கள்
	ஐயூபிஏசி பெயர் 2-Methyl-3,5-dinitrophenol
	வேறு பெயர்கள் 3,5-டைநைட்ரோ-ஆர்த்தோ-கிரெசால்; 3,5-டைநைட்ரோ-ஆ-கிரெசால்; 4,6-டைநைட்ரோ-2-ஐதராக்சிதொலுயீன்; 2-மெத்தில்-3,5-டைநைட்ரோபீனால், 4,6-டைநைட்ரோ-ஆ-கிரெசால், 3,5-டைநைட்ரோ-2-ஐதராக்சிதொலுயீன், 4,6-டைநைட்ரோ-2-மெத்தில் பீனால்
இனங்காட்டிகள்
சிஏஎசு எண்	497-56-3
ChemSpider	61439
	InChI InChI=1S/C7H6N2O5/c1-4-6(9(13)14)2-5(8(11)12)3-7(4)10/h2-3,10H,1H3;
யேமல் -3D படிமங்கள்	Image
பப்கெம்	68131
	SMILES [O-][N+](=O)c1cc(O)c(c([N+]([O-])=O)c1)C;
பண்புகள்
மூலக்கூறு வாய்பாடு	C7H6N2O5
வாய்ப்பாட்டு எடை	198.13 g·mol−1
தோற்றம்	மஞ்சள் நிறத்திண்மம்
மணம்	நெடியற்றது
அடர்த்தி	1.58 கி/செ.மீ3
உருகுநிலை	86.5 °C (187.7 °F; 359.6 K)
கொதிநிலை	312 °C (594 °F; 585 K)
நீரில் கரைதிறன்	0.01% (20°செ)
ஆவியமுக்கம்	0.00005 மி.மீ பாதரசம் (20°செ)
தீங்குகள்
தீப்பற்றும் வெப்பநிலை	எரியாது
	Lethal dose or concentration (LD, LC):
LD50 (Median dose)	7 மி.கி/கி.கி (வாய்வழி, எலி); 50 மி.கி/கி.கி (வாய்வழி, பூனை); 21 மி.கி/கி.கி (வாய்வழி, சுண்டெலி); 24.6 மி.கி/கி.கி (வாய்வழி, முயல்); 24.6 மி.கி/கி.கி (வாய்வழி, கினியா பன்றி); 31 மி.கி/கி.கி (வாய்வழி, எலி)
	அமெரிக்க சுகாதார ஏற்பு வரம்புகள்:
அனுமதிக்கத்தக்க வரம்பு	TWA 0.2 மி.கி/மீ3 [தோல்]
பரிந்துரைக்கப்பட்ட வரம்பு	TWA 0.2 மி.கி/மீ3 [தோல்]
உடனடி அபாயம்	5 மி.கி/மீ3
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

டைநைட்ரோ-ஆர்த்தோ-கிரெசால் (Dinitro-ortho-cresol) என்பது C₇H₆N₂O₅ என்ற மூலக்கூற்று வாய்ப்பாடும் CH3C6H2(NO2)2OH.என்ற கட்டமைப்பு வாய்ப்பாடும் கொண்ட ஒரு கரிம வேதியியல் சேர்மமாகும். மஞ்சள் நிறம் கொண்ட இத்திண்மம் தண்ணீரில் சிறிதளவு கரைகிறது. டைநைட்ரோ-ஆர்த்தோ-கிரெசாலும், இதனுடன் தொடர்புடைய சில வழிபொருட்களும் களைக்கொல்லிகளாகப் பயன்படுத்தப்படுகின்றன.

தயாரிப்பு

ஆர்த்தோ கிரெசாலை இருநைட்ரோயேற்றம் செய்து டைநைட்ரோ-ஆர்த்தோ-கிரெசால் தயாரிக்கப்படுகிறது. வினை விளைபொருளான டைசல்போனேட்டை நைட்ரிக் அமிலத்துடன் சேர்த்து சூடுபடுத்துவதால் இச்சேர்மம் உருவாகிறது. டைநைட்ரோ-ஆர்த்தோ-கிரெசாலுடன் தொடர்புடைய பல்வேறு வழிப்பொருட்கள் அறியப்படுகின்றன. இதிலுள்ள மெத்தில் குழுவை ஈரிணைய-பியூட்டைல், மூவிணைய-பியூட்டைல் மற்றும் 1-மெத்திலெப்டைல் முதலியவை இடப்பெயர்ச்சி செய்வதால் இவ்வழிபொருட்கள் தோன்றுகின்றன. ஆல்க்கைல்பீனால்களை நேரடியாக நைட்ரோயேற்றம் செய்யும் முறையில் இவை தயாரிக்கப்படுகின்றன ^[3].

பயன்பாடு மற்றும் பாதுகாப்பு

அடினோசின் டிரைபாசுபேட்டு உற்பத்தியில் இந்நச்சுப்பொருள் தலையிடுகிறது ^[4]^[5]. ஊசி மூலம் அல்லது வேறுவழிகளில் டைநைட்ரோ-ஆர்த்தோ-கிரெசால் உடலுக்குள் செலுத்தப்பட்டால் தலைவலி, குழப்பநிலை, மூச்சுக் குறைபாடு, வியர்த்தல் போன்ற அறிகுறிகள் தோன்றுகின்றன ^[6].