புதுக்கோட்டை மாவட்ட மருத்துவமனைகள்

புதுக்கோட்டை மாவட்டத்தில் தமிழ்நாடு மருத்துவப் பணிகள் இயக்குநரகத்தின் கீழ் 31 அரசு மருத்துவமனைகள் 1 மருந்தகம் 77 தொடக்கநிலை நல்வாழ்வு நிலையங்கள் 258 நலவாழ்வுத் துணை மையங்கள் செயல்பட்டு வருகின்றன.^[1]

புதுக்கோட்டை மாவட்டத்தில் செயல்பட்டு வந்த மாவட்டத் தலைமை மருத்துவவைமனை புதிய அரசு மருத்துவக்கல்லூரி மருத்துவமனையாக தரம் உயர்த்தப்பட்டுள்ளது. புதுக்கோட்டையில் 200 கோடி ரூபாய் செலவில் புதிய அரசு மருத்துவக் கல்லூரி 2017-18ஆம் கல்வியாண்டு முதல் 150 மாணவர்கள் சேர்க்கையுடன் தொடங்க கட்டடப் பணிகள் நடைபெற்று வருகின்றன ^[2]. இதற்கான ஆயத்தப் பணிகளை மேற்கொள்ள ஒரு சிறப்பு அலுவலர்- முதல்வர் நியமனம் செய்யப்பட்டுள்ளார். விரைவில் மருத்துவ மாணவர்கள் சேர்க்கப்பட்டு வகுப்புகள் தொடங்கும் என எதிர்பார்க்கப்படுகிறது.^[3]

2015-2016 ஆண்டு புள்ளி விவரப்படி புதுக்கோட்டை மாவட்டத்தில் 15 அரசு மருத்துவமனைகளும் 15 சித்த மருத்துவமனைகளும் 1 ஓமியோபதி மருத்துவமனை என மொத்தம் 31 அரசு மருத்துவமனைகள் செயல்படுகின்றன.^[4]

2015-2016 ஆண்டு புள்ளி விவரப்படி புதுக்கோட்டை மாவட்டத்தில் 64 அரசு தொடக்கநிலை நலவாழ்வு நிலையங்களும், 2 ஆயுர் வேத மருத்துவத்திற்கான தொடக்கநிலை நலவாழ்வு நிலையங்களும், 11 சித்த மருத்துவத்திற்கான தொடக்கநிலை நலவாழ்வு நிலையங்களும் செயல்பட்டு வருகின்றன. மேலும் ஊரக அளவில் பொதுமக்களுக்கு சிகிச்சை அளிக்க புதுக்கோட்டை மாவட்டம் முழுவதும் 258 துணை நலவாழ்வு நிலையங்களும் ஏற்படுத்தப்பட்டுள்ளன.^[4]

அரசு மருத்துவைமனைகளில் பொதுமக்களுக்கு இலவசமாக சிகிச்சை அளிக்கப்படுகிறது. மொத்தமாக புதுக்கோட்டை மாவட்ட அரசு மருத்துவமனைகளில் 1761 படுக்கை வசதிகளும் 372 அரசு மருத்துவர்களும் 657 செவிலியர்களும் மற்றும் குறிப்பிடத்தக்க அளவில் பிற மருத்துவப் பணியாளர்களும் பணிபுரிகின்றனர்.

புதுக்கோட்டை மாவட்டத்தில் அரசு மருத்துவமனைகளில் 2015-2016 ஆம் ஆண்டில் நோய் வாரியாக சிகிச்சை பெற்றோர் விவரம் பின்வருமாறு: