ரிசார்ட்ஸ் வேல்டு மணிலா தாக்குதல், 2017

ரிசார்ட்ஸ் வேல்டு மணிலா தாக்குதல், 2017
நவம்பர் 2012 ல் ரிசார்ட்ஸ் வேல்டு மணிலா.
இடம்	ரிசார்ட்ஸ் வேல்டு மணிலா கட்டிடம், பேசி, பிலிப்பீன்சு
நாள்	2 ஜூன் 2017
தாக்குதலுக்கு உள்ளானோர்	ரிசார்ட்ஸ் வேல்டு மணிலா
தாக்குதல் வகை	துப்பாக்கிச்சூடு, தீக்கிரையாக்குதல்
இறப்பு(கள்)	36 தாக்குதலாளி உட்பட [1]
நோக்கம்	சந்தேகப்படும்படியான கொள்ளை

2017, ஜூன் 2 ஆம் தியதி பிலிப்பைன்ஸ் நாட்டின் பேசி நகரில் அமைந்துள்ள ரிசார்ட்ஸ் வேல்டு மணிலா கட்டிடத்தில் தாக்குத்ல் நடத்தப்பட்டது. இத்தாக்குதலில் துப்பாக்கிச் சூடு மற்றும் தீக்கிரையாக்கல் ஆகிய சம்பவங்கள் நடைபெற்றன.^[2] இதில் 36 பேர் கொல்லப்பட்டனர்.^[3] ஊடகங்கள் இது தீவிரவாதச் செயலாக இருக்கலாம் எனச் செய்திவெளியிட்ட போதும் பிலிப்பைன்ஸ் தேசிய காவல் துறை இது கொள்ளை முயற்சி எனத் தெரிவித்தது.^[4]

ஜூன் 2, 2017 நள்ளிரவிற்குப் பின்னர் ரிசார்ட்ஸ் வேல்டு மணிலா கட்டிடத்தில் நடத்தப்பட்ட தாக்குதல் இசுலாமிய அரசு அமைப்பின் தாக்குதலாக இருக்கலாம் என முதலில் சந்தேகிக்கப்பட்டது.^[5] சூதாட்ட மையம் மற்றும் தங்கும் விடுதி அமைந்துள்ள இரண்டாவது மாடியில் நடத்தப்பட்ட தாக்குதலில் 54 பேர் காயமடைந்தனர். இதில் பாதுகாப்பு பணியாளரும் ஒருவர். அவர் தவறுதலாக தன்னைத்தானே சுட்டுக் கொண்டதால் காயமடைந்தார்.^[6] சூதாட்ட மேசையில் எரிபொருளை ஊற்றி தாக்குதல்தாரி தீவைத்ததால் ஏற்பட்ட புகையினால் பொதுமக்கள் பாதிக்கப்பட்டனர்.^[7] தாக்குதலாளி கொள்ளையடிக்கும் நோக்கிலேயே இத்தாக்குதலை நடத்தியுள்ளார். தாக்குதலாளியின் கைப்பயிலிருந்து 23 இலட்சம் அமெரிக்க டாலர்கள் (11.3 கோடி பிலிப்பன்ஸ் பெசோ) மதிப்புடைய சூதாட்ட வில்லைகள் (Gaming chips) கைப்பற்றப்பட்டன. தாக்குதலில் தாக்குதல்தாரி கொல்லப்பட்டார்.^[8]