Википедия:Идарәчелек - нәрсә түгел

Бу аңлатма иншасы идарәчелекнең нәрсә түгеллеген аңлата.

Гомуми

Идарәчеләрнең "боерык бирү хокукы" юк. Алар кагыйдәләр, нормалар һәм мантыйкка төпләнеп мөгәмәлә нигезләрен тасвирлый һәм кулдагы кораллары белән бу нигезләрне саклый алалар. Алар башка кулланучыларга еш файдалы киңәш һәм фикер тәкъдим итә алалар һәм шулай ук башкаларны хезмәттәшлеккә тартуга һәм башкалар белән мөнәсәбәтләрне төзүгә сәләтле булырга тиешләр. Ләкин алар үзләрен, һич, кешеләргә карата бизнес мәгънәдәге "менеджерлар" буларак тотмый. Алар киң җәмагатьчелек килешкән кагыйдәләрне тугрылыклы буларак алга сөрү буенча хезмәт күрсәтәләр. Шуңа күрә, үрнәк буларак:

Алар "кешеләрнең нәрсәне күрү-күрмәүләрен" билгеләми.

Аларга "барысы ничек эшләгәнен" билү таләбе куелмый.

Идарәчеләр - идарәчелек коралларын кулланырга җәмгыятьнең ышанычы булган шәхесләр.

Идарәчеләр үз гамәлләре белән башка кулланучылар арасында хөрмәт ителгән кулланучы статусына чыга алырга тиеш, шулай да бернинди кулланучылардан аларны ихтирам итүләре яки тыңлаулары көтелми, һәм күбесе итми дә. Тыю - кешеләр белән аралашуны алыштыручы корал түгел.

Югары стандартлар кирәк, әммә күпләр идарәчеләр чыннан нишләгәннәре турында ялгыш фикер йөртә. Күбесенчә, идарәчеләр:

тәҗрибәәре һәм ышанычлылыгы аркасында җәмгыять тарафыннан сайланылган кулланучылар.
мөхәррир буларак тотрыклы рәвештә яхшы гомуми мөгамәлә стандартларына тугрылыклы булган кулланучылар.
прагматик сәбәпләр аркасында кулланылу мөмкинлеге чикләнгән коралларны саклаучы буларак хезмәт итергә рөхсәт ителгән кулланучылар.
җәмгыять булдырган стандартлар нигезендә карарларны чыгарырга һәм аларны тормышка ашырыр өчен (һәм һич башка сәбәпләр өчен) коралларны кулланырга ышаныч белдерелгән кулланучылар.