Википедия:Тавыш бирүләр: Идарәчеләр һәм бюрократлар сайлау кагыйдәләре (яңа)

Татар Википедиясенең идарәчесе статусын алыр өчен кандидат әлеге таләпләргә җавап бирергә тиеш:

• 700дән ким булмаган мәгънәле^[1] төзәтүләр саны;
• Теркәлү көненнән иң азы 3 ай булырга тиеш.

Бу таләпләргә җавап бирмәгән кандидатлар тавыш бирүдән алыналар.

Татар Википедиясенең бюрократы статусын алыр өчен кандидат әлеге таләпләргә җавап бирергә тиеш:

• Теркәлү көненнән иң азы 1 ел булырга тиеш;
• 1500дән ким булмаган мәгънәле төзәтүләр саны;
• Администратор вазифаларын иң азыннан 3 ай үтәү.

Бу таләпләргә җавап бирмәгән кандидатлар тавыш бирүдән алыналар.

Әгәр элек тавыш бирүдә катнашканнар идарәче яки бюрократ статусын алмадылар, яки бу вазифадан җибәрелделәр икән, кабат үз кандидатурасын элекеге тәкъдим итүдән яки вазифадан җибәрелгәннән соң иң кимендә 3 айдан соң гына тәкъдим итә алалар.

• Теркәлү көненнән иң азы 1 ай булырга тиеш;
• 50дән ким булмаган мәкаләләрдә мәгънәле төзәтүләр саны;
• Тавыш бирү алдыннан иң азы 30 көн эчендә 30 төзәтү.

Әлеге кагыйдәләр таләпләренә җавап биргән катнашучылар үз кандидатурасын тәкъдим итәргә хокуклы. Аларны шулай ук башка катнашучылар тәкъдим итә ала.

Тәкъдим ителгән яки үз кандидатурасын тәкъдим иткән катнашучы тавыш бирү битендә риза булуын язарга тиеш.

Тавыш бирү гариза битен эшләгәннән соң башлана һәм 14 көн дәвам итә. Тавыш бирүчеләр риза яки каршы тавышларын бирәләр. Шулай ук шик булганда нейтраль позициясен аерым пунктта язып була. Тавыш бирү фәкать кимендә 5 кеше тавыш биргән очракта узган тавыш бирү буларак санала.

Идарәчеләрне сайлау процедурасын берәр актив идарәче алып бара. Бюрократларны сайлау процедурасын берәр актив бюрократ алып бара. Процедураны алып барган идарәче яки бюрократ биргән тавышлар буенча нәтиҗә ясый.

Идарәчегә кандидат 1/2 (50 %)-тан күбрәк Риза тавышын җыйса, идарәче буларак билгеләнә. Бюрократка кандидат 2/3 (66,(6) %)-тан күбрәк Риза тавышын җыйса, бюрократ буларак билгеләнә.

Тәкъдимнәрне биредә калдырып була. Алар буенча һәркем фикерен белдерә ала.

Актив Вики-кулланучылары сайлауда катнашырга тиешләр, шуңа күрә "Идарәчеләр һәм бюрократлар сайлавында кем тавыш бирә ала" бүлеген бераз үзгәртергә тәкъдим итәм:

• Тавыш бирү алдыннан иң азы 30 көн эчендә 30 төзәтү булу.--Kitap (бәхәс) 9 апр 2013, 09:57 (UTC)[җавап бирү]

Мин риза, бу шулкадәр принципиаль әйбер түгел, ләкин 30 көн эчендә 30 төзәтү асылда күпчелек катнашучыны кисеп кала. Шулкадәр актив катнашучы җыелмаган очракта тавыш бирүне үткән дип тә санап булмаячак.--Рашат Якуп (бәхәс) 16 апр 2013, 18:04 (UTC)[җавап бирү]

Тавыш бирүне үткән дип санар өчен минималь катнашучылар критериен билгеләүче кабул ителгән кагыйдә бармы ТатВикида?--frhdkazan (бәхәс) 22 апр 2013, 18:29 (UTC)[җавап бирү]

Юк, шундый кагыйдә юк. Гадәттә, ул тавыш бирү шартларында күрсәтелә.--Рашат Якуп (бәхәс) 29 апр 2013, 15:22 (UTC)[җавап бирү]