Г. Минһаҗев исемендәге Кыйгы башкорт халык театры

   

Гыймалетдин Минһаҗев исемендәге Кыйгы башкорт халык театры — Башкортстан Республикасының Кыйгы районы Югары Кыйгы авылында урнашкан башкорт халык театры.

1934 елда Кыйгы колхоз-совхоз театры буларак оештырыла.

1959 елдан алып театр «халык» исемен йөртә, ә 1977 елда аңа РСФСРның һәм Башкорт АССРның халык артисты Г. М. Минһаҗев исеме бирелә.

Кадыйр Даянның «Таңчулпан»ы театрның беренче постановкасы була. Кыйгы башкорт халык театрында 150-дән артык спектаклькуела, шулар арасыннан:

• «Аты барның дәрте бар» (Наил Гаетбаев);
• «Кыз урлау» (Мостай Кәрим);
• «Башмагым» (Хәбибулла Ибраһимов);
• «Их, Уфа кызлары!» (Ибраһим Абдуллин);
• «Ул кайтты» (Әнгам Атнабаев);
• «Карлыгач» (Баязит Бикбай);
• «Пуля» (Д. Салихов)^[1] һәм башкалар.

Халык театры коллектив составында уйныйлар: Б. Б. Бикмөхәммәтов, М. Г. Исламова, Г. Х. Сәгыйтова; Башкорт АССРның атказанган мәдәният хезмәткәрләре, М. Г. Бадамшина һәм М. Л. Локманов, Башкортстан Республикасының атказанган мәдәният хезмәткәре М. Б. Вәлиев, Ф. Б. Хәбибуллин һәм башкалар.

Театрның беренче сәнгать җитәкчесе И. Ибраһимов була. Төрле вакытта театр белән Башкортстан Республикасының атказанган мәдәният хезмәткәре Р. А. Кутупов, Р . С. Самиков һәм башкалар җитәкчелек итә.

Театр постановкаларының сәнгать бизәлеше өстендә Башкорт АССРның атказанган мәдәният хезмәткәре Е. А. Белоусов, К. Г. Гайфуллин, ә музыкаль яктан — Башкорт АССРның атказанган мәдәният хезмәткәре Сибәгать Яруллин эшли.

• Авыл драма коллективларының Бөтенрәсәй смотрлары лауреаты (Ырынбур шәһәре, 1964, 1967);
• Халык театрларының Бөтенрәсәй смотрлары лауреаты (Чебоксар, 1969);
• Авыл үзешчәннәренең Бөтенррәсәй смотрлары лауреаты (Уфа, 1972);
• Үзешчән сәнгать иҗаты Бөтенсоюз фестивальләре лауреаты (Уфа, 1977, 1985);
• Үзешчән сәнгать иҗаты Бөтенсоюз фестивальләре лауреаты (Уфа, 1987);
• Респпублика театр сәнгате смотры лауреаты (Югары Кыйгы авылы, 1990);
• Халык театрларының «Алтын тирмә — Золотая юрта» фестивальләре лауреаты (Кыргыз-Миякә авылы, 1996; Яңавыл шәһәре, 2005).

Г. Минһажев исемендәге Кыйгы башкорт халык театры карамагында Балаларның якынча «Кажигер» театры эшли^[2].

• Г. Минһаҗев исемендәге Кыйгы башкорт халык театры // Башкорт энциклопедиясе — Уфа: «Башкорт энциклопедиясе» гыйльми-нәшрият комплексы, 2015—2020. — ISBN 978-5-88185-143-9. (Тикшерелгән 11 декабрь 2020)