Никита Ефремов

Никита Ефремов
	Никита Ефремов
	; Никита Ефремов. 2011 ел
Туган исеме:	Никита Михаил улы Ефремов
Туган көне:	30 май 1988 (37 яшь)
Туу җире:	СССР, РСФСР, Мәскәү
Гражданлыгы:	СССР→; РФ
Һөнәр:	кино, театр актеры
Карьера:	2004 ― 2025
Бүләкләр:	«Золотой лист — 2009» театраль премиясе
IMDb:	ID 3362705
efremovefremov; Никита Ефремов

Википедиядә Ефремов фамилияле башка кешеләр турында мәкаләләр дә бар.

Никита Ефремов, Никита Михаил улы Ефремов (Бикмөхәммәтов) (рус. Ники́та Миха́йлович Ефре́мов, 1988 елның 30 мае, СССР, РСФСР, Мәскәү) ― Россиянең театр һәм кино актеры. Мәскәүнең «Современник» театры артисты (2009 елдан).

Тәрҗемәи хәле

1988 елның 30 маенда Мәскәүдә туган. Әтисе ягыннан бабасы ― СССР халык артисты актер Олег Николай улы Ефремов (1927―2000), әнисе ягыннан бабасы ― филология фәннәре докторы, Мәскәү дәүләт университеты профессоры Роберт Гата улы Бикмөхәммәтов (1928―1995)^[1]. Әтисе ― актер Михаил Олег улы Ефремов (1963), РФ атказанган артисты; әнисе ― Асия Роберт кызы Бикмөхәммәтова (Ася Воробьева, 1961), МДУ тәмамлаган филолог, «Современник» театрында әдәби мөхәррир.

Мәскәү шәһәренең 52 нче физика-математика мәктәбендә (1514нче гимназия) укыган^[2], мәктәпнең үзешчән сәнгатендә катнашкан. Бала чагыннан спорт белән шөгыльләнә — футбол һәм баскетбол уйный. 11нче сыйныфта музыка белән җитди шөгыльләнә башлый. Музыка мәктәбендә скрипка классын һәм өстәмә вокал классын тәмамлый, фортепианода уйный.

2005 елда МХАТ мәктәп-студиясенә укырга керә, анда Константин Райкин курсында укый^[3]. Студентлар театры сәхнәсендә сәләтле актер икәнен күрсәтә һәм режиссер Виктор Рыжаковның «Горе от ума» (А. С. Грибоедов пьесасы буенча) диплом спектаклендә Чацкий роле өчен «иң яхшы ир — ат роле» номинациясендә «Золотой лист — 2009» театраль премиясе лауреаты була^[4].

2009 елда МХАТ мәктәбен тәмамлаган 21 яшьлек Никита Ефремовны берьюлы берничә әйдәп баручы Мәскәү театрына чакыралар. Никита барлык тәкъдимнәрдән «Современник» театрын сайлый. Аның дебюты ― «Три товарища» (Э. М. Ремаркның шул исемдәге романы буенча) спектаклендәге Готфрид Ленц роле^[5].

2019 елда режиссер Алексей Франдеттиның «Мәскәү! Мин яратам сине» мюзиклында Ден ролендә уйныйref>Юбилей «‎Активного гражданина» продолжается! 2020 елның 20 сентябрь көнендә архивланган.</ref>.

2023 елда ул Apple TV + Тетрис фильмында роль уйнады.^[6]

Театрдагы рольләре

Мәскәүнең «Современник» театры

2009 — «Три товарища» (Э. М. Ремарк) — Готфрид Ленц.
2010 — «Хорошенькая» (Сергей Найдёнов) — Кольб әфәнде^[7]^[8]^[9].
2011 — «Серёжа» (А. П. Чехов әсәрләре буенча) — Сергей Васильевич Никитин, укытучы (баш роль)^[10]^[11]^[12]^[13]^[14].
2011 — «Горбунов и Горчаков» (Иосиф Бродский) — Горбунов^[15]^[16].
2016 — «Декамерон» (Джованни Боккаччо) — Бельтрамо, яшүсмер.

Фильмография

2005 — Самая красивая — Илья (дебют)
2007 — Кости — титрларда күрсәтелми
2008 — Пассажирка — Д. Воронцов, мичман
2011 — Легенда о бомбере — капитан Андрей Гривцов
2011 — Иван-царевич и Серый волк — Иван-царевич (тавыш яздыру)
2012 — Мой парень ангел — Валера
2012 — Zoлушка — Паша
2012 — Любовь с акцентом — Андрей
2012 — Забава — Кот
2013 — Харбинец — Георгий Деснин
2013 — Репетиции — Игорь Градский
2013 — Оттепель — Олег Ефремов
2013 — Тётушки — Игорь
2014 — Куприн.Поединок — Ромашов
2014 — Зимы не будет — Сергей
2015 — Лондонград — Миша
2012 — 2015 — Восьмидесятые — Галдин
2015 — Иерей-сан — Дормидонт
2015 — Тихий Дон — Митька Коршунов
2017 — Снайпер. Офицер СМЕРШ— Егоров
2018 — Лето — Боб
2018 — Дядя— Костя
2018 — Олеся — Федор
2019 — На край света — Иван
2020 — Хороший человек — Иван Крутихин
2020 — Полёт — Дмитрий Юрьевич
2021 — Общага — Ваня
2021 — Tetris — Алексчей Пажитнов^[17]

Бүләкләре, мактаулы исемнәре

2009 – «Золотой лист — 2009» театраль премиясе ― «иң яхшы ир — ат роле» номинациясендә ― режиссер Виктор Рыжаковның «На страстном» театр үзәгендә куелган «Горе от ума» (А. С.Г рибоедов пьесасы буенча) спектаклендә Чацкий роле өчен^[4].