Рамакришна Миссиясе

Рамакришна Миссиясе (РКМ) - ул “Рамакришна Хәрәкәте” яки “Веданта Хәрәкәте” буларак мәгълүм бөтендөнья рухи хәрәкәтенең үзәген формалаштырган Һинд дине дини һәм рухи оешмасы.^[1][2] Миссия Рамакришна Парамаһамса Һиндле изге хөрмәтенә аталган һәм аның тарафыннан илһамландырылган^[1] һәм Рамакришнаның баш өйрәнчеге Свами Вивекананда тарафыннан 1897 елның 1 маенда нигезләнгән булган.^[1] Оешма күбесенчә Һинд дине фәлсәфәсенең Ведантаны дәгъва итә – Адвайта Веданта һәм дүрт йогик идеалны – Джнананы, Бһактины, Карманы һәм Раджа йоганы. Дини һәм рухи укытудан тыш, оешма Һиндстанда һәм аннан тыш киң белем бирү һәм филантропик эшне алып бара. Бу аспект күп башка Һинд дине хәрәкәтләренең хасияте булып киткән. ^[3] Миссия эшен Илаһка тугърылык белән башкарылган мин-минлексез эш принцибында, карма йога принципларында нигезли.^[1] Рамакришна Миссиясенең дөнья тирәли үзәкләре бар һәм ул күп әһәмиятле Һинду текстларын нәшер итә.^[4] Ул монах оешмасы белән аффилиациядә. Вивеканандага гуруы (остазы) Рамакришна гаять зур йогынты ясаган.

Матх һәм Миссия 19-ынчы гасыр изгесе Рамакришна Парамаһамса йогынты ясаган һәм аның баш өйрәнчеге Вивекананда нигезләгән иҗтимагый-рухи-дини Рамакришна хәрәкәте эшен идарә итә торган ике төп оешма булып тора. Шулай ук Рамакришна Ордены дип аталган Матх хәрәкәтнең монахлык оешмасы булып тора. Вивекананда тарафыннан 1897 елда нигезләнгән булып, Матх игътибар үзәгендә беренче чиратта рухи өйрәтүне һәм хәрәкәтнең тәгълиматын дәгъва итүне тота.
1897 елда Вивекананда нигезләгән Миссия медицина, ярдәм итү һәм белем бирү программаларын башкара. Ике оешманың да штаб-фатиры Белур Матһта. Миссия легаль статуска 1909 елда 1860 ел XXI Акты буенча теркәлгәннән соң ия булган. Идарә итү вазыйфасы Идарә Итү Оешмасында. Гәрчә закон ягыннан тармаклары белән Миссия аерым оешма булса да, ул Матһка бик якын. Матһның сайланган ышанычлы кешеләре шулай ук Миссиянең Хөкүмәт Оешмасына хезмәт итәләр. Веданта Җәмгыятьләре Хәрәкәтнең Америка тармагын тәшкил итә һәм күбесенчә саф рухи өлкәдә эшли, ә иҗтимагый иганәчелек өлкәсендә түгел.

Миссиянең төп эшчеләре булып монахлар тора. Миссиянең эшчәнлегенә түбәндәге даирәләр керә:
• Белем бирү
• Сәламәтлек саклау
• Мәдәни эшчәнлек
• Авылларга ярдәм итү
• Кабилә иганәчелеге
• Яшьләр хәрәкәте, рухи тәгълимат, һ.б.
Миссиянең үз хастаханәләре, иганә диспансерлары, бала тудыру йортлары, мобиль диспансерлары һәм туберкулёз клиникалары бар. Ул шулай ук шәфкать хезмәткәрләре өчен өйрәтү үзәкләрен тәэмин итә. Миссиянең эшчәнлек даирәсенә бала йортлары һәм олыларны карау йортлары авылда эшләү һәм кабилә иганәчелеге белән беррәттән кертелгән.
Миссия Һиндстанда күп мәшһүр белем бирү оешмаларын нигезләгән һәм аның үз университеты, колледжлары, техник белем бирү үзәкләре, урта мәктәпләре һәм башлангыч мәктәпләре, укытучылар өйрәтү оешмалары һәм шулай ук күрү буенча мөмкинчелекләре чикләнгән балалар өчен мәктәпләре бар. Ул шулай ук ачлык, эпидемия, янгын, җир тетрәү, циклон һәм коммуналь тәртиптән чыгулар вакытында бәла-каза коткару операцияләрендә катнашкан.
Миссия Көнбатыш Бенгалиянең Сундарбанс регионында фотовольтаик яктырту системаларын куюда әһәмиятле роль уйнаган. Сундербансның географик хасиятләренә күрә, аның халкын электр энергиясе белән тәэмин итү өчен челтәрне киңәйтергә бик авыр. Фотовольтаик яктырту традицион рәвештә керосин һәм дизель кулланучы кешеләрне тәэмин итү өчен кулланылган булган.

Миссия каста бүленешен исәпкә алмый.
Рамакришна ашраманың эшчәнлегенә сатсанг һәм арати керә. Сатсангка җәмәгать догалары, җырлар, ритуаллар, лекцияләр, уку һәм медитацияне кертә. Аратига Илаһ яки изге шәхес алдында утларны селтәүне кертә һәм көненә ике мәртәбә башкарыла. Рамакришна ашрамаларында Махашиваратрины, Рама Навамины, Кришна Аштамины һәм Дурга Пуджаны кертеп төп Һинду бәйрәмнәре бәйрәм ителә. Шулай ук махсус урын Рамакришна, Сарада Дэви, Свами Вивекананда һәм Рамакришнаның башка монах өйрәнчекләре туган көннәренә махсус урын бирелә. 1 январь Калпарату Көне буларак бәйрәм ителә.
Матх һәм миссия дини толерантлыгы һәм башка диннәргә ихтирамы өчен мәгълүм. Өйрәнчекләр өчен Свами Вивекананда өйрәткән кагыйдәләр арасында “Барлык диннәргә, дәгъвачылларга һәм барлык диннәрдә табыныла торган Илаһларга тиешле хөрмәт күрсәтү һәм иелү башкарылырга тиеш”.
Барлык диннәрне кабул итү һәм толерантлык Рамакришна Матхы һәм Миссиянең идеалларының берсе булып тора. Төп Һинду бәйрәмнәре белән беррәттән Раштуа алдыннан вакыт һәм Будданың Туган Көне тугърылык белән бәйрәм ителә.
иҗтимагый хезмәт һәм сәламәтлекне алга сөрү.

2021 елга Матһның һәм Миссиянең дөнья буйлап 221 үзәге булган: Һиндстанда 167, Бангладешта 15, Америка Кушма Штатларында 14, Россия һәм Көньяк Африкада икешәр һәм Аргентина, Австралия, Бразилия, Канада, Фиджи, Франция, Германия, Ирландия, Япония, Малайзия, Маврикий, Непал, Нидерландлар, Сингапур, Шри Ланка, Швейцария, Берләшкән Корольлектә һәм Замбиядә берешәр. Моннан тыш төрле үзәкләр астында 44 суб-үзәк бар (Һиндстанда 21 һәм Һиндстаннан тыш 23). Матһ һәм Миссия 748 белем бирү оешмасы белән идарә итә (12 колледж, 22 урта мәктәп, 135 башка дәрәҗәдәге мәктәп, 4 политехникум, 48 техник өйрәтү үзәге, 118 һостел, 7 бала йортын һ.б. кертеп) һәм тулаем өйрәнчекләр саны 200 000-нән күбрәк. Бу тармаклардан башка бөтен дөньяда Шри Рамакришна һәм Свами Вивекананда тугърылары һәм тарафдарлары нигезләгән якынча бер мең аффилиацияләнмәгән үзәк бар (еш “шәхси үзәкләр”) дип атала. Һиндстаннан тыш Рамакришна Ордены үзәкләре ике киң төркемгә бүләргә мөмкин. Бангладеш, Непал, Шри-Ланка, Фиджи һәм Маврикий кебек илләрдә хезмәт Һиндстанныкына охшаш рәвештә алып барыла. Дөньяның башка өлешләрендә, аеруча Европа, Канада, Америка Кушма Штатлары, Япония һәм Австралиядә эш күбесенчә Веданта дәгъвасы, китап һәм журнал нәшер итү һәм рухи мәсьәләләрдә шәхси алып бару белән чикләнә.^[5] Һиндстаннан тыш үзәкләрнең күбесе еш "Веданта Җәмгыяте" яки "Веданта Үзәге" дип атала.

Түбәндә Рамакришна Орденының президентлары (рухи җитәкчеләре) исемлеге китерелгән:

• Свами Вивекананда (1897 –1901) (Нигезләүче & Баш Президент)

1901 елда "баш президент" төшенчәсе төшерелгән булган һәм "президент" атамасы кабул ителгән булган.

• Свами Браһмананда (1901 – 1922)
  
• Свами Шивананда (1922 – 1934)
  
• Свами Ахандананда (1934 – 1937)
  
• Свами Виджнанананда (1937 – 1938)
  
• Свами Шуддһананда (1938 – 1938)
  
• Свами Вираджананда (1938 – 1951)
  
• Свами Шанкарананда (1951 – 1962)
  
• Свами Вишуддһананда (1962 – 1962)
  
• Свами Мадһавананда (1962 – 1965)
  
• Свами Вирешварананда (1966 – 1985)
  
• Свами Гамбһирананда (1985 – 1988)
  
• Свами Бһутешананда (1989 – 1998)
  
• Свами Ранганатһананда (1998 – 2005)
  
• Свами Гаһанананда (2005 – 2007)
  
• Свами Атмастһананда (2007 - 2017)
  
• Свами Смаранананда (2017 – хәзерге көнгә кадәр)